الثلاثاء، 1 أبريل 2008

ايه اللى بيحصل ده

دى مش اغنية بالمناسبة دا سؤال بجد .. ايه اللى بيحصل ده ؟
كنت النهاردة بشترى طلبات البيت من كارفور ويالهول ما رأيت !!
البنات قاعدين عالكافيهات وكل واحدة فيهم ماسكة شيشة وهاتك يا شد وتطليع من النخاشيش .. والمصيبة انهم صغيرين يعنى ممكن يكونوا من دور بناتى .. يخرب بيت كده
كان الهاين عليا اقلع البرطوشة اللى فرجلى ولا مؤاخذة وانزل عليهم ضرب واسألهم انتوا فين اهاليكم يا ولاد ال ....
منظر فى منتهى الاستفزاز .. شيشة وسجاير ولبس اخر مرقعة وحجاب ببديهات وبنطلونات محزقة وملزقة وفول ميك اب (مش فول وطعمية ) ايه المناظر دى !!
هما البنات دول مالهمش اهل ؟؟ ولو كان لهم اهل .. ما عندهمش عيون يشوفوا بيها لبس بناتهم ؟؟ ولو اتعموا ولا كانوا متنيلين مشغولين .. ما بيشموش ؟؟
ايه البلاوى دى وايه اللى بيحصل ده ولا انا بجد زى ما قالى الاخ فيزو رجعية؟

هناك 4 تعليقات:

الهدهد الطائر يقول...

هذه أستراتيجيات حديثة للفت أنتباه الجنس الآخر

زمان كان أقصر طريق إلى قلب الرجل معدته
و اليوم ..أقصر طريق إلى لفت أنتباه الرجل مشاركته ما يؤثر على كيفه
كالشيشة مثلا..و الكورة..و..الخ

فالطيور على أشكالها تقع

...تحياتي...

dreem يقول...

الى الهدهد الطائر
ماهى المصيبة ان الجنس الاخر مش هيبقى راجل انا بتكلم فعمر 16 وال17 يعنى عيال فعيال الا اذا بقى فيه ازمة رجالة بقى على رأى الكاتب ايهاب عبد السلام .
تحياتى وشرفت بزيارتك

دعاء مواجهات يقول...

يااااة بقى مستغربة لاوى كدة لااا متستغربيش من أى حاجة ف البلد دى اليومين دول كلو بقى عاااااااادى عاااااادى

ربنا يعافينا بجد

dreem يقول...

دعاء مواجهات
لما كله يبقى عادى ومفيش حاجة نستغربها ماشى بس كله الا اولادنا
ربنا يستر
تحياتى