السبت، 26 أبريل 2008

الاخوات

الاخوات نعمة كبيرة جدا جدا
بس للى يعرف قيمتها واللى يكون اتربى صح مالاول .. يعنى يبقى اتزرع فيه مالاول قيمة الاخوات
ابويا الله يرحمه وقولوا يارب .. قالى : الواحد لو اتخبط بيقول اخ (قالى كده بعد خناقة بينى وبين واحدة من اخواتى ) واللى انا كنت شايفاها حاجة طبيعية جدا .. ان الاخوات يتخانقوا مع بعض خصوصا لما تكون سنهم قريبة !
احنا 3 بنات وظابط ههههههههه
مش عايزة اقولكم قد ايه احنا مترابطين ببعض وبالرغم من اختلافنا عن بعض فى كل حاجة الا الاساسيات (الصدق والدين على سبيل المثال) شكلنا مختلف .. هواياتنا واهتمامتنا وبالرغم من كده الا اننا متداخلين جدا
يعنى بنكمل بعض.. حاجة كده زى قوة الثلاثة اللى بتيجى فى مسلسل الساحرات على ام بى سى فور
زودا عليهم اننا عندنا ملاك .. امنا يعنى .. اختنا الكبيرة وصاحبتنا ومتنفسنا وحاجات كتيرة اوى ما تتعدش !! وامسكوا الخشب لو سمحتم
اما الظابط بقى .. فكلنا وبلا استثنى بنحس انه ابننا !
حتة واد جميل .. قمة فى الحنان والطيبة ربنا يخليه لنا .. وبرضه قولوا يارب
رغاية انا ونسيت انا بكتب فأيه معلش بقى ماهى فضفضة
اه ونسيت اقولكم كمان انى ربيت بناتى بنفس الطريقة (الترابط والحب يعنى ) وكتير والحمد لله بكون فى قمة السعادة وانا بلاقيهم بيخافوا على بعض وبيحبوا بعض وبيقلقوا على بعض وبيكملوا بعض ودايما اقولهم انتوا مالكوش الا بعض وبديلهم امثلة من حياتى على الصداقات اللى بتدوم عمر طويل وبتطلع فالاخر اى كلام وازاى الواحد بيكتشف انه حمار وكان الاولى بيه يخلى سره وشكوته مع اللى منه مش مع اى حد تانى لان مع الاسف مابقاش فيه حد كويس !!
قصره
خلوا بالكم من ولادكم وحببوا الاخوات فى بعض وشجعوهم على كده وربنا يهدى
ودمتم

هناك 6 تعليقات:

غير معرف يقول...

الاخوه اجمل شيء وومااجمل ان يكون اخوك او اختك صديقتك او صديقك
شاكر لك حسن اختيارك مواضيعك الهادفه وتحياتي

بنات صاحبة الجلالة يقول...

موضوعك جميل اوي وهادف جدا

وربنا يديم العلاقة الطبية بين افراد اسرتك اللهم امين

تقبلي مرورنا

dreem يقول...

تحياتى للغير معروف وشرفت بمرورك

dreem يقول...

بنات صاحبة الجلالة
اشكرك على المرور واتمنى دوامه
تحياتى

mostafa rayan يقول...

طبعا يا دريم الأخوات نعمة ربنا مايحرم حدمنها
لكن رغم كدة بنلاقي كم المشاكل اللي بين الأخوات
اعتقد ان البوست دة ممكن يكون مقدمة لموضوع مهم انت تكتبي لنا فيه عن اسباب المشكال بين الأخوات وازاي نحلها
تقبلي اقتراحي ومروري وتحياتي

dreem يقول...

المشاكل بين الاخوات حاجة طبيعية يا مصطفى .. بس اللى يخلينا نتحمل مشاكل الاغراب او الاصحاب الانتيم واللى الزمن بيبن لنا فالنهاية اننا طلعنا غلط فى ارتباطنا بيهم !! يخلينا ومن باب اولى نتغاضى عن عيوب اخواتنا لانهم الاقرب ولانى زى ما سبق وقلت كلنا فينا عيوب
تحياتى