افتكرت النهاردة انى كنت قريت عن ازمة منتصف العمر اللى بتيجى للرجالة تحديدا ..
وطبعا انا مش فاكرة تفاصيل اللى قريته بس كان مجمله بيقول ان الرجالة فى اواخر التلاتينات واوائل الاربعينات تحديدا بتجيلهم حالة غريبة جدا .... شبيهة بمرحلة المراهقة !!
يمكن اللى خلانى افتكر الموضوع ده مشكلة سمعتها النهاردة وملخصها ان الراجل وبالرغم من استقراره المادى والحياتى الا انه حاسس بنقص فحاجة ومش عارفة هى ايه ؟
وسمعت كلمات غريبة لفتت نظرى : التغيير ,, عايز كل حاجة
فيه حاجة ناقصة مش عارفها ,, مش مبسوط مع ان مفيش مشاكل !!!
العجيب اننا لو شغلنا دماغنا شوية هنلاقى ان ده حال الناس كلها .. اللى كان بيتمنى حاجة ويعافر لغاية ما يوصلها .. يملها بعد ما يوصلها لا وكمان يدور على غيرها وهلما جرا ..
يمكن على رأى المثل اللى تملكه اليد تزهده النفس .. الله اعلم
يمكن ربنا خلقنا طماعين .. ما عندناش صبر ولا رضا !!
يمكن دى فعلا ازمة منتصف العمر زى ما علم النفس بيقول !!
ايه رايكم ؟
هناك تعليق واحد:
يا عزيزتي في الحديث القدسي ( لو كان لابن ادم واد من ذهب لاتمني ان يكون له ثاني ولو كان له ثاني لاتمني ان يكون له ثالث ولا يملأ عين ابن ادم إلا التراب )
إرسال تعليق