رحت النهاردة فيلم طير انت مع البنات
حلو الفيلم ولو انه مأخوذ عن فيلم اجنبى .. بس احمد مكى او اسرة الفيلم كانوا امناء كفاية انهم يكتبوا ده .
ودينا بقت شبه امها جدا جدا واجادت التمثيل بصورة جامده
الفيلم عايز يقول ما تغيروش نفسكم لاى سبب وده طبعا للناس المظبوطة واللى اساسها سليم .
اه صحيح الفيلم تخرج منه مش فاكر حاجة فيه بس كان لطيف وقتيا واهو تغيير
اللى يمكن لفت نظرى فى الفيلم اغنية عن البلد والحاكم كنت هعيط منها وحسيت انها بتوصفنا احنا .. المصريين
فوتكم بعافية
هناك 8 تعليقات:
انا جيت
مرسي على مرورك عندى فى المدونة
و تقريبا فعلا انا مش حتغير بس اللى بيحصل بيزعلك بس
و بيصعب عليكي اللى بيحصل
تحياتي ليكي و ححاول اشوف الفيلم اذا كان يستحق انى اروحة
تحياتي
اول تعليق يا بختى...المهم ان الفيلم اتنسى بعد ماخرجتى وده دليل على ضعفه
ياريت تسمعى البنت دى ولو اثرت فيكى تعمليها لينك عندك عشان تكسبى ثواب
http://www.way2allah.com/modules.php?name=Anasheed&op=Detailes&khid=2421
تقبلى مرورى
واحدة مفروسة
نورتى البيت
ولا تزعلى ولا يهمك من حد .. بصى
انا كنت زيك كده الناس مع الاسف بتحكم بالانطباع الاول او بتحكم من برة وقعدت فترة احس ان فيا حاجة غلط وشوية شوية لقيت انى مش هقدر ارضى كل الناس ولو حاولت مش هظلم الا نفسى مع انى حبانى وعلشان كده قررت انى افضل زى ما انا وبتعامل بطبيعتى واللى عايزنى كد اهلين ومرحبتين واللى مش عاجبه يغور
وروحى الفيلم واتبسطى واهو تغيير
كل التحية
ابو كريم
ما طلعتش اول تعليق هههههههه
معاك فى انه ضعيف بس اهو انبساط وقتى
وهشف الرابط اللى انت باعته بس بعد شوية لانى مصدعة وضغطى عالى بعيد عنك يا اخويا
تحياتى
انا حبيت ابدي اعجابي بالمدونة
وانا متابع تعليقاتك من فترة
واتمنى التواصل وتزوري مدونتى
تحياتى
كريم بهي
كريم بهى
الشاعر
اهلا بيك واشكرك على الزيارة والمتابعة .. تقبل تحياتى
احمدى ربنا انه اخيرا نزلت افلام الصيف ده ممكن الاطفال يدخلوها لان الشهرين اللى فاتوا كانت الافلام لا تصلح حتى لمشاهده الكبار
صيدلانية طالعة نازلة
اهلا بيكى الاول والحمد لله هههههههه
مع العلم ان ما عنديش اطفال !
تقبلى تحياتى
إرسال تعليق