انا والبنات بنعمل رجيم .. بنتى الصغيرة فاكرة نفسها هتشتغل مانيكان مع انها محجبة ورفيعة ومش محتاجة!!
الانسة الكبيرة زايدة شوية بالفعل .. ما اعرفش هى بتروح الجامعة تعمل ايه ,, يخرب بيت الاكل التاك اواى
أما انا بلا فخر فما بقيتش عارفة انا اتنفخت كده ليه ؟؟ يكونش مالنكد
والنهاردة اول يوم فى الرجيم الجماعى
احنا الثلاثة حاسين اننا معاقبين - بضم الميم- ليه مش عارفة بس يمكن لان الممنوع مرغوب !
بس شكلنا فالاخر ولا هنكمل رجيم ولا هنعمل حاجة ,, عالعموم اهو النهاردة عدى على خير الحمد لله
ياللا بقى هقوم انيمنى بدرى علشان ان شاء الله صحى بدرى لان الانسة الصغيرة بتاعتى المدرسة عاملالها حفلة تكريع ههههه اقصد تكريم وعقبال اولادكم جميعا
تصبحون على خير
هناك 14 تعليقًا:
ممكن انضم للرجيم الجماعى؟؟؟
بيتهيئلى لو شجعنا بعض ممكن قرص النجاح تكون اكبر؟؟؟؟
dodda
انضمى بجد .. تحبى اكتبلى الرجيم اللى المفروض المفروض اننا متبعينه ؟
مانا أصلى يا اوختى ما قلتلكوش انى وديت البت ايمو .. بنتى الكبيرة يعنى لدكتور تخسيس وادالها نظام غذائى بس قالها مع النظام ده تمشى ساعة فاليوم او تشغل الكاسيت وترقص ساعة
قولى بس انتى لو حابة اكتبلك النظام اللى هنمشى عليه جمااااااااااعة
ويارب يارب نخس يا اوختى
يا عضاضة هههههه
عااااااااااااااااااااااا
دخلوني معاكو فى الرجيم الجماعي ده
انا كمان زايدة فى الوزن
و كتير من اصحابي برضه
هوه فيه ايه؟؟؟؟
من زهقنا بناكل ولا ايه
انا عارفة انا من فرستي بأرأد فى أي حاجة قدامي
خدوني معاكم فى الرجيم الجماعي ده ينوبكوا فيا ثواب
سلام
ما قولتيش الفطار كان ايه و الغدا و العشا
حمشي معاكم بس قوليلة المينو قبليها بيوم
انا عاوزة حد يشجعنى
سلام
واحدة مفروسة
ادخلى يا اختشى
هاتى ورقة وقلم واكتبى شاللا ما حد حوش
بس اتوزنى الاول وقبل ما تبتدى علشان تتوزنى كل 3 ايام وانا هبقى اكتبلك كل نظام غذائى البت بنتى بتاخده بس ابقى شوفينى بسندوتش شاورمة ولا طبق كشرى هههههههه
الافطار: 4 ملاعق فول بدون سمن او زيت أو بيضة مسلوقة أو قطعة جبنة قريش + سلطة خضراء + شاى بلبن ونص رغيف بلدى او رغيف سن
الغذاء : رغيف سن أو 2 توست سن أو 3 ملاعق أرز + نصف فرخة مشوية أو مسلوقة أو 2 شريحة لحم مشوى او مسلوق أو 2 بيضة مسلوقة + شوربة خضار أو 3 سمكة مشوية بحجم الكف
وبعد الغذاء بساعتين ثمرة فاكهة ما عدا الممنوع وهبقى اقولك عليه بقى بعدين بس هو العنب والتين والمانجة والذى منه هههههههه
العشاء : رغيف سن + كوب زبادى يع ما بحبوش أو رغيف سن + 2 شريحة جبن شيدر أو رغيف سن + قطعة جبنة قريش
بعد العشا بساعتين ثمرة اكهة
امشى عليه بقى يا فالحة لو قدرتى
وبصى بصى البت لميس صاحبتى قالتلى ان اختها بتاخد اعشاب تخسيس نزلتها 6 كيلو
3 اكياس شاى اخضر +3 اكياس زنجبيل _ 3 ملاعق كمون _ 3اكياس نعناع + لميمونة مقطعة شرائح تنقعي كل ده بالليل وتشربى منه طول اليوم بس ده مقدار كباية واحدة يعنى تضاعفى الكمية ل3 مرات
ونتقالبل لما نخس بقى
سلامو عليكو
ان شاء الله يجى بفايده
والموضوع كله اراده
ومبروك للكتكوته الصغيره على التكريم
قرار صح اكيد وعقبال ما اقرره يارب
عاشقة الرومانسية
اه فعلا حكاية ارادة .. عندكيش شوية سلف ؟ هههه
وربنا يبارك فعمرك
تسلمى يارب
تحياتى
حاسوباتية
ياللا انضمى للقافلة واهو نتابع بعض
صباح الفل
انا كمان عايزة انضم معاكم
تعالى نعملها عدوى عامة هههههه اقصد دعوة عامة لكل المدونات
يمكن التشجيع يجيب نتيجة
و واضح اهو ان كتير عايزين يشاركو
تعالى نحط نظام دايت و نمشى عليه كلنا
ايه رايك ؟
انا قريت ردك على مفروستى
طيب يلا نزلي النظام ده على البلوج و نشارك كلنا
بس انا مش همشى انا هرقص هههههههههه
قوس قزح
صباح الخير يا دودو
بس انتى يا وختى مش محتاجة تنزلى وزنك الا اذا كنتى اتنفختى من النكد او بتطلعى غلبك فى الاكل زى مفروسة هههه
ومع ذلك
الدعوة عامة وانا عندى وصفات كتييير اوى للتخسيس بس اللى يقدر
وحلو الرقص فعلا انا جربته زماااااااااان وفعلا بيؤتى ثماره جدا جدا
دريم يا اوختى
الرجيم ده بتاع بنتك؟
عندها كام سنة؟؟؟
اصل يا اوختي الرجيمات بعد ال 30
غير قبله
يعنى اللى بعد ال 30
ما ينفعشي يا كل رز مع لحمة او فراخ
بس حجربة و امري لله
لما نشوف بقا
حنخس ولا مش حنعرف ندخل النت من التخن
يالله ربك يسهل
مرسي على الرجيم
واحدة مفروسة
بنتى عندها 19 سنة يا شابة
وانا 39
واعمليه بس انا خسيت من يوم الاحد اللى فات للنهاردة 3 كيلو
انا سألت الدكتور نفسى سؤالك وقالى لا تخسى بنفس المعدل
المفروض كل يوم بتخسى نص كيلو انا خسيت فاليوم كيلو ما اعرفش ازاى هههههه
ياللا ابتدى علشان اديلك النظام التانى
ربنا معانا يا اوختى
ومفيش بين الاخوات ميرسى
تحياتى
يا جماعة انا عندى مدونة اسمها عسل بصل ياريت تدخلوا عليها وتقولوا لى رأيكم وشاركونى
كوكى
المدونة هى :
http://aslbasal.blogspot.com/
إرسال تعليق