الأربعاء، 18 فبراير 2009

اخر الاخبار


عندى برد شديد اللهجة مضحضحنى وصحيت بدرى كمان وقلت اروح الصحة اتطعم السحائى ,, للعمرة يعنى
وقد كان وايشى خيال يا ناس
مراااحيض عمومية .. جنبها زيالة وجواها تكسير وحاجة تقرف
بس للحق الممرضات لابسين يونيفورم حاجة كده زى مريلة المطبخ وبيتكلموا كأنهم شغالين فى دار الفؤاد مثلا
سألتنى الممرضة ولا الداية مش عارفة .. عايزة ايه يا انسةربنا يجبر بخاطرها ههههه
قلتلها عايزة تطعيم العمرة
قالتلى روحى الصحة اللى جنب توينكى
وهوبا ركبت تاكسى ورحت
مكان انضف بصراحة وبرضه بيكسروا فيه بس بالنسبة للاولانى ممكن تقولوا مراحيض برضه بس فى فندق خمس نجوم
واخدت الحقنة ورجعت الحمد لله
ألا ليه البلد دى مليانة وساخة وحرامية مع انها جميلة وربنا ذكرها فالقران ؟؟
ا
فوتكم بعافية

هناك 22 تعليقًا:

غير معرف يقول...

هو دا انعكاس حضارة الشعوب

وصف حضرتك هوتمام مقياس الحضارة بتاعنا

وفي نفس الوقت دليل علي ان في حرامية ونصابين

المشكلة مشكلة بنظىدم

لو كل حد استعمل المراحض علي اعتبار انها في بيتو مش كان حاجة اتكسرت وكنا حافظنا عليها

ولو كل واحد رمي الزبالة في الصندوق م كانت تملي الدنيا عموما هي دي المشكلة

مافيش ضمير ولا في اي حاجة

dreem يقول...

a few good men
انعكاس حضارتنا مراحيض !! لا يا راجل مش للدرجة دى
هى البلد بس مليانة حرامية فعلا بجد وكتير اوى .. الا من رحم ربى

Mafrousa يقول...

الاول الدعاء ليا امانه و انتى فى الحرم النبوي و المكي
ربنا يكرمك يارب


ثانيا البلد ديه وسخة لان شعبها هوه اللى بيوسخها وحياتك
شعب عاوز يتعاقب على النضافة كمان
و اي واحدة من الدايات اللى انتى شوفتيهم دول حتلاقى بيتها وسخ كده برضه
الانسان النضيف نضيف فى كل حته و اي مكان
سلام
و مش تنسي تدعيلي و النبي و لكل اللى بحبهم
:)

dreem يقول...

واحدة مفروسة
والله هدعيلك ربنا يريح بالك ويحقق لك مرادك ويكرمك ويراضيكى وبس بقى لحسن هعيط

اه فعلا النضيف نضيف مع انى لاحظت ان احيانا النضيف لما بيكون فى مكان وسخ .. فالشارع مثلا وفايدة ورقة او كلينكس بيبص حواليه يدور على باسكيت ما يلاقيش يقوم رامى اللى معاه فالشارع وحاله بيقول ماهو كده كده وسخ ومش اللى هرميه هيفرق
هم يا اوختشى هم بلا نيلة

Mony يقول...

هو ده العادي يا آنسة

مش آنسة برضه ولا ايه؟؟؟
:)


بس انت اللي مش بتخرجي علشان تتفرجي

نصيحة:

بلاش لا تخرجي ولا تتفرجي
لحسن هتتعبي اوي

dreem يقول...

مونى
اه انسة يا بت
انسة واعول ,, عندك اعتراض ياختشى
وبعدين انا خرجت مضطرة وسافرة مجبرة انما انا علاجى القاعدة فالبيت يا شابة ولو اتفرجت اتفرج عالتليفزيون والرسوم المتحركة ودمتم
مالك يا مونى مش عجبانى !!

عاشقه الرومانسيه يقول...

روحى اسئليه
هو اللى عارف كل حاجه
اصل هو اللى كبر الحراميه على قفانا
وخلاهم يسرقونا من على الكراسى فى اعلى المناصب
حسبى الله ونعم الوكيل
وعموما البلد حلوه بشعبها
وطيبتهم وخفة دمهم
والله مهما كانت بحبها

dodda يقول...

لا دى ثقافه العشوائيات

كله بيشوف نفسه مش غلطان
كله بيرمى ويوسخ ويقول هى يعنى جت عليا!!!!!

وهكذا تتراكم الاكوام...
البلاد التانيه بتدفعى غرامه كبيره جدا لو رميتى حاجه فى الشارع

احنا بقى الشارع قرب يرمى فى وشنا الزياله
ولما تكلمى حد والله بيستخسروا يرموا فى الباسكت وهو موجود!!!!
مع ان النظافه من الايمان

قوس قزح يقول...

العيب مش على الناس اللى بتشتغل
العيب على الناس اللى ماسكين المكان و الناس اللى اعلى منهم
لان لو فى حساب و قانون كان الكل اشتغل بضمير
لكن لما يبقوا اللى فوق همهم بس الفلوس
اكيد اللى تحت هيبقوا كده و انيل من كده كمان

المهم انتى كويسة ؟ مفيش اى اعراض ظهرت عليكى ؟؟

و الف سلامة عليكى من البرد يا انسة ههههه

dreem يقول...

عاشقة الرومانسية
انتى بتحرضينى على الكلام فالسياسة ؟؟
لا يا ختشى ماليش دعوة

dreem يقول...

dodda
احنا ياختشى مش فى بلاد تانية هههه
وفعلا الايمان زى ما قلتى
ولو انى بقيت مستغربة ان الايمان زايد وقالل فى نفس الوقت يعنى مثلا نسبة المحجبات زادت .. دا بغض النظر على طريقة الحجاب
والشباب اللى بيصلوا برضه زادوا بس تلاقى البوظان من دول ودول مالهوش مثيل !!!
مش عارفة بقى الدنيا بقت غريبة اوى .. اقصد ناسها
تحياتى ومش هنسى ادعيلك

dreem يقول...

قوس قزح
ااااااااه من لو دى
لو و لكن كمان
وانا لسة اعراض الحمل ما بانتش ههههههههههه
تسلميلى يادودو
واه ياختى انسة غصبن عنكم

KHALED يقول...

انتى حاتعملى كشف حساب للدولة علشان حقنة .......... !!!!
البلد كدة من زمان .... و حاتفضل لحد ماتنضف من فوق

ألف سلامة من البرد و رحلة موفقة
و إبقى ادعيلى هناك و أعتقد إنتى عارفة الدعوة إللى انا محتاجها

dreem يقول...

خالد
خالد خالد خالد
انت يا صاحبى من غير ما تطلب عارف انى هدعيلك ولا يعنى عايزنى افضفض واقول ادعيلك بايه ولا بايه هههههههههههههههه
وش بيطلع لسانه

محمد فارس يقول...

السلام عليكم
المفروض انك تعملي طلب احاطه ويناقشوه
ولا انتي خايفه من (غير موافقون)
ضايقني ردك علي موني
وانت بتقولي مسافره مجبره *حد يسافر العمره مجبر
عموما عمره مقبوله ان شاء الله ولاتنسينا بالدعاء

dreem يقول...

محمد فارس
انا قلت سافرت مجبرة للغردقة علشان البنات
ما ينفعش اقول كده عالعمرة يا فندم دا انا بتمناها من ربنا
انت بس ما كنتش مركز وشكلى كده هعمل طلب احاطة ليك علشان تروح لدكتور عيون وتقول موافقون هههههه
تحياتى محمد حاضر هدعيلك

محمد فارس يقول...

السلام عليلكم
رجعت تاني والمره ديه للاعتذار
انا اسف اسأت الظن ويمكن كمان اكون اسأت الفهم لكنها مش غلطتي حضرتك هي فين علامة التعجب علي الكمبيوبر ولا بلاش مش هاعمل عليكي مدرس وبعدين انا ما اعرفش انك رحتي الغردقه او يمكن اكون عرفت بس نسيت وعموما لو هاتعمليلي طلب احاطه علشان اروح لدكتور عيون ياريت كمان تشوفي لي قد عشره خمستاشر دكتور للفشه والكرشه والمصران وغيرهم واكون شاكر لو دفعتي حق الكشف
مع تمنياتي لك بعمره مقبوله
ان شاء الله

dreem يقول...

محمد فارس
مفيش اعتذار ولا حاجة
وده عيبه بقى يا محمد .. انا اللى هغرم وليه بقى ؟؟ علشان انت تفهمنى صح وما تنساش هههههههه
لا الاوفر بقى انك تفهمنى غلط وانا ابقى اوضحلك
وهحاول ما انساش علامات الترقيم بعد كده يا مستر
ربنا يسمع منك يا محمد ويتقبل منا صالح الاعمل
كل التحية

فتــافيت (رحاب الخضري) يقول...

بصي ادعي ليا وانتي عند النبي .. ربنا يكرمك

ام بقى اللي قولتيه ده.. فعمااااااااااار يا مصر

ده الطبيعي يا اوختي والنبي اليومين دول .. سوق النضافة جبر واتغندروا النتنين.. مش عارفة مين اللي بقولها

وميرسي على زياراتك .. واتمنى نفضل متواصلين

dreem يقول...

فتافيت
يا مراحب يا مراحب
نورتى يا اوختشى
وعلى رايك صحيح جبر خلاص !!
حااااااضر هدعيلك ان شاء الله
تحياتى

غير معرف يقول...

دريم .. خللى بالك .. احيانا الحالة المزاجية هى اللى بتحدد النضارة اللى بنشوف بيها

يمكن الحقنة مؤلمة ولا حاجة؟ عمرة مقبولة ان شاء الله .. امنتك أمانة تدعى للبلد دى ينصلح حالها فى الكعبة

ساعتها هانشوف مصر الجميلة اللى بنحبها

تحياتى

dreem يقول...

شريف
لا والله يا اخويا الحالة المزاجية كانت زى الفل ,, يعنى امنيه ربنا حققهالى وكرم ربنا مالوش زى
دى حقيقة مجردة يا شريف والله بس هنقول ايه : ربنا يهدى
وحاضر يا شريف ان شاء الله هدعى وربنا يتقبل
ربنا يخليك يا شريف