من فترة كده خرجت انا والبنات ورحنا نشترى طلبات البيت ولقيت كل واحدة فيهم عايزة تشترى كتاب ,, الشخصية المعملية بتاعتى .. الانسة الصغيرة جابت كتاب لابراهيم الفقى -قوة التفكير- والانسة الكبيرة جابت كتاب لرحاب ابو العلا اسمه مخنوقه
احنا من عادتنا نقرا فالحمام هههه اهو بنتسلى ونتثقف
النهاردة الانسة الصغيرة اخدت كتاب مخنوقة وخرجت مالحمام ولقيتها بتقول قصة تحفة انا خايفة دى !!
انا ما علقتش لانى ما قريتش الكتاب بصراحة المهم
من شوية مسكت الكتاب اقرا فيه وتحديدا انا خايفة علشان اعرف ليه عجبتها لقيت فيها كلام بيوجع اوى ,, انا اتوجعت لاحساس بنتى كده
اه انا عارفة انها حساسة وكتومة وما بتعبرش عن مشاعرها بس مش للدرجة الموجعة دى !
بحاول على قد ما اقدر انى ابقى كل اللى هى عايزاه من ام لصاحبة لعيلة صغيرة كمان
هنقلكم بعض كلمات قصة انا خايفة
بخاف اوى من الزحمة
بخاف من الوحدة
الخوف يقلق تفكيرى . يجعلنى اخاف حتى أن ابدع .. أن اتحدث .. أن يعلو صوتى بضحكة سعادة .. أن اتنفس
أخاف ان اكل .. او اتمتع بالطعام .. حتى لا اسمن .. فدائما يجب ان اكون فى احسن مظهر .
اخاف ان احب .. ياله من خوف !! .. أخاف ألم الفراق .. أخاف ألم الاشتياق .. أخاف الم الخيانة .. أخاف ان يبتعد عنى من احب .. أخاف واشاهد الحب من بعيد .. كأنه فيلم سينيمائى
اخاف أن اصحو يوما .. فلا اجد امى
فماذا تفعل فتاة مثلى دون سندها فى هذه الحياة ؟ .. ماذا تفعل فتاة مثلى عندما تفقد النوع الوحيد من الامان المضمون . .. وهو وجود الام ؟!
وجعونى بناتى بوجعهم وقلقهم وخوفهم وتغير مزاجهم ... مش عارفة اريحهم
دعواتكم
هناك 21 تعليقًا:
جميل انك تحسى بيهم بالشكل ده
اكم من امهات مش بيعرفوا يقوموا بدور الامومه
ربنا يبارك فيكى انتى وامى وكل ام بتحس ببناتها
ماتقلقيش عليهم
الدنيا بقت وحشه ومليانه خوف
ده احساس طبيعى لظروف الحياه اللى بنعيشها
عاشقة الرومانسية
ازيك عاملة ايه ؟
ربنا يبارك لك فى امك ويخليهالك ويخليكى ليها
اصل انتوا تحويشة العمر ربنا يسترها عليكم يارب
كل التحية
ربنا يباركلك في بناتك ويخليكي ليهم يارب
تحياتي لكي
ربنا يكرمك فيهم ويطمك قلبك
كل البنات لة السن ده بيحسوا الالم ويتشدوا للنوع ده من الكتابه
واكيد كلنا عندنا مخاوف من نفس النوع
بس بنوتتك الحمد الله مش بتعانى لا من الم ولا من شىء
وان شاء الله حتلاقيها بتقول
الحند لله ان عتدى بس شوية مخاوف من دى مش كلها
وربنا يحميهم وكلينات المسلمين
امين
بنت مصر
اهلا بيكى الاول وربنا يخليكى ويخليلك اللى ليكى
تحياتى
dodda
ربنا يخليكى دودا ويسمع منك اللهم امين
كل التحية ليكى
ياه على وجع القلب..كلنا عايشين فى الحب عذابه
ااقولك ايه :ربنا يطمنك عليهم ومايتحرموش منك
ومايحرمناش منهم
هما الغاليين..هما الروح
مع حبى وتحياتى
ماما
اهلا بيكى فى اول زيارة وشرفتينى
وفعلا هما الغاليين والروح ربنا يبارك فيهم
ويتقبل دعاءك
كل التحية
يااااارب يخليهوملك وتشوفيهم احسن شيء من الدنيا
وجميل اوي انك تكوني مقربه منهم دايما
دمتي بكل خير
صمت المشاعر
اهلا بيكى وربنا يخليكى انتى كمان ونورتينى
تحياتى
القلق شعور إنساني، أزلي،فطري
ولد مع الإنسان، لا تحزني لقلقهن
حفظكن الله لبعضكن :)
روز
وحشتينى جدا انتى فين وليه بتغيبى كده ؟
يارب تكونى بخير دايما
وعارفة ان كلامك صح ولكن يبدو ان قلبى اصبح رقيقا
باقة روز لروز
تغيب ربما تعليقاتي :)
لكني دائمة القراءة لمدونتك
لك أيضا باقة فل و أقحوان :)
كلمات حلوه بس يعني صعب الامسان يعيش في خوف دائم ومستمر كده ومن كل شئ صحيح انا بيجيلي نفس الاحساس بسبحاول اتغلب عليه
حاسوباتية
فعلا احساس صعب جدا ان البنى ادم يخاف ويفضل خوفه مسيطر على تفكيره واللى بالتبعية مش هيخليه يستمتع بأى حاجة فى حياته لانه هيكون كمان خايف يتبسط
ربنا يبعد عنكم الخوف
تحياتى
الخوف بالفطره جزء من حياة الاٍنسان و تكوينه و لكن لا يجوز أنه يكون بوعبوع بيهدد حياته بالشكل ده !!
بعض الخوف مطلوب و ضرورى لاٍستمرار الحياه بس المهم أنه لا يقيدنا مكاننا بحيث مانعرفش نخطو خطوه واحده للأمام و اٍلا أصبح خوف مرضى أو فوبيا ..
بارك الله فيكى و فى بناتك و واضح اٍنك أم ممتازه :)
عمرو
ازيك
هو ده اللى انا دايما بقولهولها يا عمرو : ليه تخافى وازاى تخافى وانتى عارفة ان ربنا معاكى دايما بس تقريبا كلماتى تنساها ابنتى بسرعة هههههههه
عامة انا بحاول وربنا المستعان
واشكرك على هذا الاطراء وتقبل الله دعائك
تحياتى عمرو
طبيعى يا عزيزتى دة يحصل البنات فى الفترات دى بتبقى عندها تخوف من كل شئ وأى شئ وكل دة ملوش علاقة اطلاقا بأنك بتقدمى كل شئ او لأ او انك ام ناجحة او لأ تعرفى انا عودت بنتى على انها تتقبل التغيرات اللى بتحصل فحياتها بمعنى انها فأوقات تبقى خايفة واوقات قوية واوقات حزينة واوقات سعيدة بس المحك بينى وبينها انا جنبك مش سايباكى اعتمدى على نفسك وتقبلى ظروف الحياة وخليكى طبيعية وكونى نفسك بعيوبها قبل حسناتها وفكرى كتير فأخطاءك وحاولى تصلحيها بنفسك عشان يدوم لكى الصواب اقهرى خوفك بنفسك بس تعايشى معاة الأول اتعلمى تتعايشى مع نفسك بكل حواراتها وثقى دايما انى جنبك ووراكى براقب من بعيد ومش هتدخل الا لو حسيت انك محتاجانى فعلا
والحمد لله مبتعبش معاها كتير
تعرفى الخطأ اللى بنمارسة اننها بنحاول دايما نكون جنب اولادنا فكل شئ وحواليهم ومبنديهومش الفرصة يغلطوا ويصححوا غلطهم ويخافوا ويحسوا بالامان بسبب وجودنا جنبهم
سيبيها تخاف سبيها تحس بالوحدة سيبيها تعيش احاسيسها لأنها طبيعية فسنها واقعدى معاها واسمعى منها كتيييييييييير وفهميها انك جنبها وربنا معاكم لكن اديها مساحتها من المشاعر دى واديها تحدى انها تتسامى عليها وتبقى اقوى منها
وهتنجح لأن التجربة والخطأ هوة اقصر طريق للمعرفة وقوة الشخصية
ربنا يخليكى لهم ويخليهم لك
كلاكيت اول وتانى
ازيك عاملة ايه ,, سعدت انا بالتعرف عليكى
بصى بقى يا ستى
انا فعلا ببقى جنبهم على طول بس بسيبهم يتصرفوا زى ما يحبوا وانا عارفة هما بيعملوا ايه بس ما بتدخلش وبيعتمدوا على نفسهم اعتماد كلى وبيتخذوا قراراتهم بنفسهم ولو انا شايفاها قرارات غلط بسيبهم يغلطوا علشان يتعلموا وده لانى جربت انى اريحهم بعقل البنى ادم الناضج اللى عندى وبقلب الام كمان لقيتهم متخيلين انى بمارس سلطاتى عليهم فاتفقنا اتفاق ضمنى انهم يقرروا من دماغهم ويتحملوا تبعات قرارهم ومن وقتها عرفوا ان رأيى فى اغلب الاحوال صائب ومع ذلك انا ما بفرضهوش عليهم الا للضرورة
تربية العيال وسن المراهقة وطريقة تفكير عيالنا واللى بتختلف واحد والتانى حكاية مش سهلة بالمرة ربنا يعينا عليهم ويعينهم كمان علينا بكل احباطاتنا
دمتى بخير
ايه يا دودو
اين انت؟؟
شلتي البوست الجديد ليه
سلميلي عليكي
انت و بناتك
و بوسيكي و بوسيهم كتير كتير
نتعرض جميعا لضغوط فى حياتنا تمنعنا عن التقدم والنمو نحو الأفضل فى حيواتنا الخاصة والعامة ولذا ونظرأ لتخصصى فى الأرشاد الأسرى لأسر الأطفال المعاقين وجدت أن أستخدامى لجلسات التفريغ العاطفى والأنفعالى والأرشاد الجماعى تنجح بصورة كبيرة فى تخفيف هذا الكم من الضغوط التى تعانيها أمهات الأطفال المعاقين كما أننى وبرغم دراستى وقدرتى التى اصقلها العمل مع حالات متعددة من امهات المعاقين وجدت ان تعامل الأمهات مع بعضهن البعض ونصائحهن لبعضهن البعض خلال الجلسات الجماعية يؤدى الى نتائج افضل بكثير من التى أقدمها أنا بنفسى لهن
ولذا ونظرأ لأننى وبوضعى كمطلقة أجد كثيرا من التحديات والضغوط التى تواجة المطلقات فى مصر وعالمنا العربى بصفة عامة ونظرأ ايضا لأن معظم من أعرفهن من صديقاتى المطلقات لم يمنعهن الطلاق عن السير قدما فى حياتهن الا من بعض المناوشات والمشكلات والضغوط الخارجية التى يحاولن ببراعة تفاديها ولكن تواجههن مشكلات عديدة أخرى وهى صعوبة اختيار شريك الحياة للمرة الثانية او الثالثة وأيضا صعوبة اتخاذ قرار التعرف على الطرف الأخر فقد حادثتنى أحدى صديقاتى التى تربت فى الريف وتشعر بالحيرة الشديدة من كثرة من يتقدمون طالبين يدها ولا تستطيع التعامل معهم ألا من خلال الأسرة وتجد حرجا شديدا فى رؤية من سيتقدم لها خارج اطار المنزل حتى لا يراها أحد أو حتى لا تتنقل من رجل لأخر دون ان تستطيع اتخاذ القرار
وأخريات يترددن فى الأرتباط برجل متزوج وكثيرات جدا يمتنعن عن الزواج والارتباط لأجل اطفالهن وأخريات تشعر بالعجز تجاة تربية اولادها او عملها ..............
وأخريات يحاولن طلب الطلاق ويمنعهن قيود كثيرة لذا فحياتهن تشبة الجحيم وغالبا احاول ان استخدم طرق الارشاد الزواجى الغير موجود بعالمنا العربى بصفة عامة فى التوفيق ولكن الحاجة الى المساندة الدائمة لهولاء الزوجات تحتاج لتفريغ وقت كبير لا استطيعة وتزعزع عرى منزل هو بنفس خطورة الطلاق ولذا فأذا استطعنا الابقاء علية ومساندة الزوجات ومشاركتهن تجاربنا ونصائح كنا لو اتيحت لنا الفرصة للتغير فى حيواتنا لنفعلها لولا قلة الخبرة والضغوط التى ادت لحدوث الطلاق
وسيدات خبرن تجربة الطلاق ويستطعن تقديم العون النفسى والوجدانى والمشاركة لفتيات ما يزلن يتحسسن طريقهن فى هذا العالم المضطرب المقلق
مشكلات ومشكلات قد تجد المطلقة حلا لها وقد لا تجد اذنا صاغية ولا فردا قويما عاقلا تستطيع أخد رأية او تبيان صحة مواقفها تجاة كل ما يحيط بها فى الحياة من عدمة ولذا فكرت ان استخدم جلسات الأرشاد الجمعى مع عالمنا نحن المطلقات لنتبادل الخبرات ونتناقش ونجد فى داخلنا كل الاجوبة التى لا نجدها مع الاخرين وكذلك تبادل الخبرات الحياتية والمساندة العقلية والعاطفية والمشورة
وكل هذا يستدعى ان نكون سويا كالجسد الواحد والرابطة القوية التى لا تنفصم ونتشارك الألم والسعادة وأن لم نستطع فلندعيها حتى نستطيع
قصص النجاح بعد الطلاق وقصص النجاح لزوجات قاومن الطلاق عديدة واتمنى ان نتشارك فيها بالتواجد الشهرى من خلال رابطة من جسد واحد وقسم لا ينفصم عراة يجعلنا جميعا قادرين على ايجاد سند وافراد عاقلين فى عالم اتسم بالجنون والمشاكل وقلة الصبر وصعوبة التعامل مع البشر وكأننا نسبح ضد التيار برغم ان تيار المطلقات اصبح يجتاح العالم العربى بشراهة
هذة دعوة الى كل مطلقة لمساعدتى فى عمل رابطة لنا جميعا ولنسمها رابطة الأرشاد الجماعى للمطلقات تحت شعار تعالوا نساعد بعض أو أى اسم تقترحونة ولكن لابد من أن نسعى لوضع اسم مطلقة دون خجل او شعور بالمهانة ونستطيع اللقاء شهريا فى اى مكان نحددة سويا
الى كل متزوجة خبرت تجربة الطلاق واستطاعت التغلب عليها بالزواج مرة اخرى الى كل مطلقة لا تخجل ولن تخجل وتريد نقل تجربتها او مشاركة الاخريات المها وتلمس اخطاءها وصواباتها فى الحياة الى كل فتاة تشعر بالعجز تجاة مشاكلها الزوجية
الى كل من لاتجد ناصحا امينا ولا سندا تستطيع الاستجارة بة عند تعقد امور حياتها وعدم قدرتها على تحديد اختياراتها
اليكن جميعا يانون النسوة اتكلم واقدم فكرتى لنطبقها سويا
ولكننى احذر بأن شروط الانضمام ستصبح عسيرة وستكون كقسم ابوقراط فى الطب لا مجال للخروج عنة فكلنا واحد كلنا نحتاج وكلنا نتشارك وكلنا مرشد
لن أقوم بعمل الجروب :أطار منفصل متصل بمطلقة ولا أخجل ولا تحديد اماكن التجمعات ولا الاسس التى ستقوم عليها الرابطة الا بعد استبيان ارائكم واقتراحاتكم ارجو من جميع اصدقائى ارسال هذا النوت لكل اصدقائهم وعفوا ايها الرجال ساعدونى بتجميع العضوات لنشر الفكرة ولكنكم وعفوا مرة اخرى عن المشاركة انتم تمتنعون
تحياتى
إرسال تعليق