الخميس، 19 مارس 2009

حد عنده اجابة ؟


الراجل اللى عاش قصة حب ,, علاقة غرامية او تجربة سابقة وما كملتش
ليه بيفضل يحتفظ بذكريات العلاقة او القصة دى ؟
فكرت فالحكاية دى وقلت فعقل بالى طب لما انت لسة بتحب اللى كنت بتحبها كنت اتنيلت اتجوزت غيرها ليه !
وبعدين رجعت افتكرت النظرية المتبعة واللى برضه من مساوىء التربية

اللى يمشى معاها ما ينفعش يتجوزها وتشيل اسمه !!
طيب طالما كده ,, بتدخل فى علاقات ليه من الاول وانت عارف انك بتلعب ؟؟ وليه ما بتكملش طالما هتتعب معاك اتنين .. اللى هتسيبها وبعدها اللى هتتجوزها
و ليه بتقعد تفكر وتسترجع ايامك واحتمال لياليك القديمة؟
هو انت عايز ايه بالظبط ؟
طب ما انت اتجوزت واستقريت
ولو سألته هيقولك بأنه بيهرب من واقعه الاليم وهو بيسترجع ايام الرومانسية الخالية من المسئوليات وياااااااه كانت ايام يا ريتها تعود كنت عايش ومتهنى .. انما دلوقتى يع
انا ايه اللى كان خلانى اتطس فعقلى واتجوز !
حد عنده اجابة مقنعة ؟

هناك 18 تعليقًا:

حاسوباتيه يقول...

لا مش لازم يمشي بمبدا الي مسيت معاها وكده ممكن تكون ظروف فرقتهم عن بعض بس برضو غلط انه يفضل فاكرها المفروض ينساها او يتناساها ويحب مراته والمفروض اصلا ماكانش اجوز الا لما ينسى الاولانيه ده رايي

الفراغ يقول...

بسم الله الرحمن الرحيم
سبحان الله..كل الشباب بيقول كدا..وايه كمان..كل اخ يقول لاخته وهى شيفاه بيحب صاحبتها مثلا
اوعى تفتكرى انى هاجوزها
ولا تفكرى تعملى زيى
ياحبيبتى اللى ترضى تحب قبل الجواز ماتنفعش زوجه وام لاولادى
ليه كل دا
فراغ دينى..مافيش حب لربنا يملأالقلب بالاخلاق..بالتقوى..يقول رسول الله صلى الله عليه وسلم: اتق الله حيثما كنت..
لو فى دين واتقوى واخلاق..ماكنش الاخ استحل سمعة صاحبة شقيقته..وهو عارف انه بيفتت اخلاقها واخلاق اخته من حيث لا يدرى..داين تدان(ولو بعد حين)

norahaty يقول...

إذدواجية الرجل الشرقى احيانا
القسمة والمقسوم احيانا اخرى
الغريزة ومتطالباتها احيانا
حب التقليد احيانا
والخيال دائما وابدا
احلى من الواقع واقل
تطلبا من الانسان سواء
طلبا ماديا او نفسيا .

كاتب مصري يقول...

أنا عندي إجابة وعقلانية كمان
أولا نظرية المجتمع دي غلط مليون في المية متقوليش عشان مشيت معايا هتمشي مع غيري لا العبرة في الراجل بأه لو عرف يملا عينها ويثبت نفسه جواها ولا كان بيلعب فهي كمان هتبعب من وراه..
أنا عمري ما هفكر أتجوز وحدة محبيتهاش أنا حصلت معايا صدمتين قبل كده بس مصر ومصر أتجوز وحدة بحبها عشان لا أسمح للألم ده انه ينسل هاربا لجوايا بعد الجواز
أما ليه بنحتفظ بالذكريات القديمة..لإن من فات قديمه تاااااه هههههههه والله من فات قديمه تاه فعلا لازم الواحد يتعلم من ماضيه عشان يبني الحاضر والمستقبل..
يارب تكون إجابة مقنعة حبة..
مودتي ومعذرة على الإطالة

mony يقول...

لا ما عنديش اجابة مقنعة




بس هو دايما الواحد بيبص للي مش في ايده

مع العلم انه لو كان اتجوز واحد من العلاقات السابقة كان زمانه مطلع عين اللي جابوها
و قال برضه
يع

من الاخر كده
هو كده كده عايز يقول يع

afew good men يقول...

هو في افكار كتيرة مش مقنعة في الموضوع دا بالذات

بس بصراحة من اللي بشوفو أنا بنصح اي بنت في الدنيا مش تحب غير اللي تتخطبلوا لو غير تستاهل اللي يجرالها

مش لانو دايما ندل
ولكن احيانا الظروف بتحكم فعلا وبيكون مش في حل غير الفراق

وبعدين بصراحة الشباب والبنات احتياجاتهم مختلفة

يعني مثلا يحب البنت ويتقابلوا ويتمشوا والخ

وفي الآخر يقول اللي انا مشيت معاها ماتجوزهاش

وعادة بيتجوز واحدة مشيت مع طوب الارض بس الفرق انها عندها الخبرة في الكذب ورسم الادوار فتقنعوا

بصي يا دريم من الآخر

الراجل بيبان من اهله وبيتعرف من اصله وتدينه واخلاقه

اما الحب دايما اول حاجة بضيع مع الواقع ودا لان الوهم لا يستمر امام الحقائق


اما بقي يقعد يفكر كتير ويحلل والحوارات دي

فبصراحة الحقيقة كدا دا نقص من الراجل وفراغ وتخلف

بصي من الآخر كما تدين تدان

واللي عايز يعمل حاجة يعملها

انا واحد من الناس متأكد ان ربنا بيعاقب اول بأول

ولو أمهل فبيكون فعلا اشتداد لغضب ربنا

تحياتي

Rose يقول...

الإحتفاظ بذكريات علاقة حب سابقة،أمرلا يقتصر
على الرجل فقط، المرأة كذالك تحتفظ بذكرياتها
هذا أمر طبيعي خارج عن إرادتنا كبشر!
العيب ليس هنا،بل العيب في الإستسلام لها وعدم
الإلتزام بالزواج كرابط يحتم على الطرفين الشراكة
و احترام مشاعر بعضهما بعيدا عن التجريح بتصرفات لا مسؤولة.
أما الذكريات فهي جزء لا يتجزأ من ماضينا ومستقبلنا
يكفينا إتقان تخزينها،وإن حضرت رغما عنا،لا يجب
أن نستسلم لتأثيرها بشكل ينقص من احترام الشريك

هاني النجار يقول...

إجابة مقنعة لدريم .. لا أعتقد
لكن ده حقد جنسي، وغل عرقى ;)

تعالى بقى للجد
انتِ بتتكلمي يا دريم عن مشاكل تحتاج مجلدات علشان نقدر نرد عليها ونعطيها حقها في الرد
لكن باختصار
أولاً هو بيحتفظ بذكرياته بسبب إن الواقع اللي هو بيعيش فيه بيكون أسوء بكتير من الماضي، يعني الذكريات دي بتكون نزهة بالنسبة له
لكن التعميم خطأ كبير في المسئلة دي، والتخصيص خطأ أكبر
يعني احنا بنقول ان الراجل بيعيش في ذكريته لأنه المجتمع والتربية اعطوا له الحرية ان يتكلم عنها،
لكن الست هى كمان بتعيش في الذكريات دي، إلا إن نفس المجتمع والتربية ما أعطوا لها الحرية إنها تتكلم عنها

ثانياً سؤال انت عايز ايه بالظبط؟ هو سؤال غير كامل، وكماله يكون .. هو انت عاوز ايه بالظبط من الست اللي حملتها اسمك؟
والإجابة انه عاوز منها كل حاجة لأن الراجل بطبعه طماع
هو عاوزها زوجه وأم وعشيقة وصديقة، وفي تصوره ان اللي كان بيحبها وعايش على ذكريتها كانت هتكون كده.
جهل بعيد عنك .. وطمع
ربنا خلقه كده
ديما يبحث عن المستحيل .. وهو عارف انه مستحيل، وغير قانع بأن لو علمتم الغيب لأخترتم الواقع

تحياتي

dreem يقول...

حاسوباتية
الفراغ
نورهاتى
كاتب مصرى
مونى
فيو جود من
هانى النجار

ما قصدته تحديدا هو ما عبرت عنه روز ,, فأنا كثير ما اخطىء فى التعبير عما اريد قوله معتمدة على تليقيكم لما اسطره كما اعنيه
واليكم رد روز :

الإحتفاظ بذكريات علاقة حب سابقة،أمرلا يقتصر
على الرجل فقط، المرأة كذالك تحتفظ بذكرياتها
هذا أمر طبيعي خارج عن إرادتنا كبشر!
العيب ليس هنا،بل العيب في الإستسلام لها وعدم
الإلتزام بالزواج كرابط يحتم على الطرفين الشراكة
و احترام مشاعر بعضهما بعيدا عن التجريح بتصرفات لا مسؤولة.
أما الذكريات فهي جزء لا يتجزأ من ماضينا ومستقبلنا
يكفينا إتقان تخزينها،وإن حضرت رغما عنا،لا يجب
أن نستسلم لتأثيرها بشكل ينقص من احترام الشريك

تحياتى لكم ولتواصلكم معى

د.خالدأمين يقول...

بالنسبه للمثل اللي بيقول ان اللي مشيتمعاها مينفعش اتجوزها


انا معاه جدا


اللي رضيت تخدع اهلها علشان تعرفني اكيد مش هتبقي زوجه كويسه لانها اكيد هتخدعني في يوم من الايام علشان تعملحاجه ايا كانت

ده بغض النظر عن كوني استاهل غيرها والا لا او كوني انا محترم والا لا او حاجه

وبالنسبه لاني بفكر كده مثلا علشان هيه متستحقنيش لا لا لا لان انا وهيه زي بعض تمام




اشطه


اشكرك

من غير عنـــوان يقول...

* الزواج قدر ومكتوب
* الحب ليس بالضرورة نهايته جواز
* اللي عايز يلعب ودي يحبها ودي يمصاحبها.. ده أصلا لا بيحب ولا بيتجوز... ده......

تحياتي

dreem يقول...

د.خالد امين
وجهة نظرك وجب علينا احترامها
واشطة اشطة ما يضرش
تحياتى

dreem يقول...

من غير عنوان
شرفت بمرورك الكريم واشكرك على كلامتك المشجعة
تقبل تحياتى

Beram ElMasry يقول...

السلام عليكم ورحمة الله وبركاته
عزيزتى الغالية ،انت ام اليوم او غدا ، فكل عام وانت بخير فى عيد الام ، وان كنت تتمنين لطفلك ان يحيا امنا فلقنيه ان الاسرائيلى شر كله ، فلا يامنه برهة ، ولا يسالمه مدى الحياة

يهودى يعنى حنش احسن دوا تقطعوا راسه
كلام نقوله لنسلنا نطبعوا فى كتابه وكراسه
لك تحياتى والسلام عليكم ، ولا سلام مع اليهود
بيرم المصرى

د.خالدأمين يقول...

عاوزين نفرق بين اليهودي والاسرائيلي الصهيوني



سيدنا داوود كان يهوديا

قوس قزح يقول...

انتى ناسية حاجة مهمة جدا
و هى الحب
ممكن يكون كان بيحبها
و مش كل الحب بينفع ينتهى بالزواج
فى حاجة بتفرضها الظروف تخليه ينتهى

و لما بعدها يتجوز غيرها مش شرط بردو انه يكون جواز عن حب

ليه نحرم انسان من ذكرى حلوة مرت به لمجرد انها خلاص مش فى حياته ؟

ليه الست بتغير من شبح الماضى دايما .. مع انه خلاص اسمه ماضى ؟؟

كل انسان من حقه يحتفظ بالذكريات القريبة لقلبه من غير ما حد يسأله ليه

dreem يقول...

قوس قزح
معاكى فاللى قلتيه بس المفروض الراجل يخلى عنده دم وما يحكيش على علاقته السابقة للست اللى هيتجوزها وبالتفصيل وبعد الجواز يقعد يتنح او يسمع اغنية كان ليها ذكرى قديمة وبيتناسى او يعمل عبيط فى ان مراته فاهمة !
اه كلنا عندنا ذكريات حلوة ووحشة بس مش المفروض نوجع حد بيها ,, مش احنا نسرح فى ذكرياتنا ونوجع غيرنا

عابر سبيل (عبدالرحمن محمود) يقول...

انضموا معنا لحملة
الحرية للمدون الدكتور توكل مسعود صاحب مدونة بلا وطن
http://belawa6an.blogspot.com/
الحملة تنطلق من هذا الرابط
http://abersbel.blogspot.com/