الخميس، 27 نوفمبر 2008

الغربة

احساس الغربة احساس وحش اوى ..
فيه اللى بيحس بالغربة وهو بين اهله وفبلده ,, وفيه اللى بيحسها لما بيتغرب ويسيب اهله وبلده ان كان للدراسة او للشغل !
فى اعتقادى ان سبب احساس البنى ادم بالغربة وهو فوسط اهله راجع لعدم الترابط وافتقاد الشعور بالحب ومتهيألى برضه ده ليه حل ولازم يكون حل .
اما بقى عن الغربة الاختيارية وخصوصا السفر للشغل فده انا مش بحبه خااااااااااااالص
بشوف ان الغربة بتسرق العمر و بتضيع احاسيس جميلة وكتير كتير بتعلم القسوة .. المشاعر فالغربة بتتبدل لحسابات!
وبشوف كمان ان الفلوس وعلى الرغم من اهميتها الا انها مش اساس العيشة .. يعنى البنى ادمين ما بيتقيموش بالفلوس اللى معاهم
تقييم الناس بيكون على اساس طريقة تعاملهم .. احاسيسهم .. صدقهم واحتوائهم لينا
يمكن كتير يشوفونى غلط بس انا مقتنعة بيا كده ومش هغير كلامى ابدا ابدا
ملحوظة :
البوست ده لواحد عارف نفسه وبيفكر فى السفر مع انه مش بيحب الفلوس بس فاكر ان الناس هتقيمه باللى معاه .. مش ساذج بالزمة ؟؟

ملحوظة كمان لمونى :
فيه ناس بتشيل اللى بتحبهم جواهم وبياخدوهم معاهم فى كل مكان وعمرهم ما هيحسوا بالغربة ولا هيتغيروا
فوتكم بعافية

هناك 4 تعليقات:

dreem يقول...

a few good men


الغربة

هرب

ومن ااد الهروب سيشعر بها في اي مكان لانها اصلا اختياره من البداية

المولجهة ربما فيدة واحيانا تخذل فيك المعالم الاساسية واحلامك الجميلة

تحياتي

dreem يقول...

a few good men
اعتذر فقد محوت تعليقك بطريق الخطأ
وهذا سبب ظهوره بهذه الطريق

اما عن تعليقى على تعليقك : فلا اجد ما يناسبه فتعليقك اوفى بكل ما اردت قوله
تقبل اعتذارى ومن قبله تحياتى

zainab يقول...

أنا شايفه يا دريم
إن الغربه فعلا لما يكون فى وسط أهلك ومش حاسه بيهم و لا هماحاسين بيكى

dreem يقول...

زينب
كلامك صحيح مع الاسف ودى اصعب غربة ممكن حد يحس بيها وربنا يبعدنا عنها
تحياتى