السبت، 29 نوفمبر 2008

اغلى النعم والعطايا

بناتى وامى من اغلى نعم وعطايا ربنا عز وجل .
بيعملولى support نفسى مالهوش وصف بس مش دايما يعنى ههههههههههههه
وامبارح كان يوم جميل من اوله الحمد لله
بداية من انه يوم جمعة .. وكمان فيه بؤجة الخير .. مرورا بالوش الصبوح لبنتى الصغيرة وهى بتحطلى الهدوم فالشنط ونزولها معايا توصلنى .. وبنوتى الكبيرة اللى حضرتلى هدومى اللى خرجت بيها .. كمل بالصحبة الجميلة اللى قابلتها واللى ما اقدرش اوصفها الا بصحبة خير فعلا واجتماع للمتحابين فالله
وانتهى بالرجوع لدفا حضن بناتى واللى لا يوازيه حضن الا حضن امى ربنا يخليهالى .. اللهم امين
لما رجعت البيت لقيت بنوتى الصغيرة بتنضف البيت التنضيف الاسبوعى ولما حاولت اساعدها قالتلى : ادخلى نامى النهاردة اجازتك
والنهاردة اجازة بنتى الكبيرة من الكلية
صحيت انا متأخرة لقيتها صايمة وقاعدة بتذاكر وكمان عملت الغدا !!

ربنا يحميها ويخليهالى يارب ( امى الصغيرة )
وقال بيقولوا قال ان الاهل (الام والاب) هما اللى بيتميزوا بالعطاء !!

انا عطاء بناتى بيدفينى وبيحسسنى بالتقصير ناحيتهم ومش عارفة اعمل حاجة الا الدعاء ليهم وقبلهم الدعاء لامى
ربنا يبارك لنا فاولادنا ويجعلهم ذخرا لنا فى الدنيا وسببا فى دخولنا الجنة

هناك 23 تعليقًا:

عمو يقول...

آمين يا دريم

وربنا يخليهملك

ويديم احساس الأسرة والدفا


تحياتى

واثقة بربها يقول...

ربنا يخليكم لبعض يارب

و ما يحرمكم من بعض ابدا

mahasen saber يقول...

يا حبيبتى ربنا يباركلك فيهم
ويحميهملك
الاطفال زينة الحياه فعلا
وبالذات لو باريين وحتى لو مش باريين برضه الامومه لا توصف ومبنقدرش غير نحبهم

وطبيعى طبيعى وبنات دريم يبقوابالروح الحلوه دى
وبكرم الاخلاق والجمال ده
ربنا يباركلك فيهم ويخليكوا لبعض

قوس قزح يقول...

ما شاء الله ربنا يبارك لك فيهم يا رب

بس كده انا هبداء اصدق بقى ان فعلا انتى ماما لبنوتة كبيرة يا بنوتة صغيرة انتى

تصدقنى فعلا خلفة البنات نعمة كتير من اللى بيدورا على الولد مش بيكونوا شايفنها
و بيظهر اوى ده فى وقت الشدة
بتلاقى الولد مشغول بحياته و شغله
لكن البنت هى دايما اللى بتقف جنب امها و ابوها و تساعدهم


ربنا يحفظهم لكى و تفرحى بهم و بحضنهم و حضن اولادهم يا رب

تحياتى و احترامى لاصغر ام :)

قوس قزح يقول...

ما شاء الله ربنا يبارك لك فيهم يا رب

بس كده انا هبداء اصدق بقى ان فعلا انتى ماما لبنوتة كبيرة يا بنوتة صغيرة انتى

تصدقنى فعلا خلفة البنات نعمة كتير من اللى بيدورا على الولد مش بيكونوا شايفنها
و بيظهر اوى ده فى وقت الشدة
بتلاقى الولد مشغول بحياته و شغله
لكن البنت هى دايما اللى بتقف جنب امها و ابوها و تساعدهم


ربنا يحفظهم لكى و تفرحى بهم و بحضنهم و حضن اولادهم يا رب

تحياتى و احترامى لاصغر ام :)

همس يقول...

يا صباح العسل

نورتينى والله

وبجد تسلم بنانيتك القمامير

وممامتك وربنا يباركلك فيهم

ويحفظهملك يارب

وتشوفوهم عرايس كدا

بجد انتى فى نعمه ربنا يديمها عليكى

وبجد سعدت جدا بمعرفتك

ويارب ديما اشوفك على خير

dreem يقول...

عمو
تسلم يارب وربنا يخليك ويديم مرورك وتعليقك وتواجدك
تحياتى

*********************
واثقة بربها
اهلا بيكى ومرحبا
زيارة اولى واتمنى تكرارها واشكرك على الدعاء ولكى مثل ما دعوت
تقبلى تحياتى
********************

dreem يقول...

محاسن
ازيك يا جميلة ربنا يخليكى ياقمر ويبارك لك فعبد الرحمن وييسر لك امورك كلها

**********************
قوس قزح
يا مراحب يا مراحب هههههههه
نورتينى يا فندم .. واه صدقى انى ماما لبنتين عروستين بس عديهاهه
وانا اختلف معاكى بالنسبة للبنات والولاد وايهما احن
الرك على التربية يا قمر
على قد ما ندى ولادنا من حب على قد ما ناخد وساعات الصبيان بيكونوا اكثر رقة وحنان من البنات
المهم يا قمر انك نورتينى وربنا يخليكى على الدعوة الجميلة دى
وتقبلى تحياتى

******************
همس
صباحك سكر يا جميلة
انتى كمان نورتينى اهه
وانا سعدت بمعرفتك جدا
والحمد لله على نعمه الكتيرة وربنا ينعم عليكى

Rose يقول...

ادامكم الله لبعضكم :)

واحدة مفروسة يقول...

بسم الله ماشاء الله
ربنا يباركلك فيهم يارب
و مش يحرمك من حضنهم الدافي
و يبارك فيكي و يخليكي ليهم

dreem يقول...

روز
اشكرب واللهم امين
تقبلى تحياتى

dreem يقول...

واحدة مفروسة
تسلميلى يارب ويسمع منك
انتى عاملة ايه؟

بت خيخة وأى كلام يقول...

ياااااااااه
هو انتى بقى فضفضة على السريع اللى شوفتك يوم البؤجة
يابنتى كنتى قلتى انا دريم
علشان انتى بتمضى باسم دريم


انا اتشرفت جدا بمعرفتك ومعلش معرفتش اسلم عليكى علشان ايدى كانت ملزقة من غزل البنات


هستناكى يوم الجمعة اتناشر ديسمبر فى اللقاء الحريمى
هاتى معاكى بنتك

سلام
اختك خيخة

بت خيخة وأى كلام يقول...

بالنسبة للبوست
البوست دافى بحبكم لبعض
ربنا يباركلك فى بناتك يارب وتشوفيهم احسن الناس
وربنا يخليلك والدتك



سلام
اختك خيخة

dreem يقول...

خيخة
اااااااااااااااه انا بقى اللى انتى شفتينى يوم بؤجة الخير يا اوختشى ههههههه
انا اللى سعدت برؤيتك يا خيخة
واشكرك على الدعوة الجميلة وربنا يخليلك ابنك
وان شاء الله هحاول اجى واجيب البنات معايا .. ماهم اتنين يا اوختشى مش واحدة
تحياتى

أحمد كمال يقول...

ربنا يبارك لك فيهم يا رب ، و ينفع بكم جميعا .

حضرتك نورتي البؤجة ، و للأسف مكانش في فرصة نتعرف ، و أكيد أنا الخسران ، لكن بإذن الجايات أكثر ، و ربنا يجعلك دائما ساعية في الخير نافعة للغير .

تحياتي

أسامة وغيداء يقول...

الله يحفظ لك بناتك وأمك يارب
ويمتعك بالصحة والعافية والسعادة طول العمر يارب

dreem يقول...

احمد كمال
ربنا يخليك يا فندم واكيد الخسارة واحدة بس زى ما بيقولوا الجايات اكتر من الرايحات
واشكرك على الدعاء الجميل ولك ان شاء الله مثل ما دعوت
شرفت بحضورك المدونة
وتقبل تحياتى

dreem يقول...

اسامة وغيداء
ربنا يخليكم ويجمعكم ببعض بأمره
واشكركم على الدعاء الجميل واللهم تقبل
كل سنة وانتوا بتحبوا بعض وكمان طيبين
تحياتى

DR.HAMAS يقول...

ما شاء الله

ربنا يبارك لك فى بناتك و أهلك كلهم

و يرضى عنكم و يرضيكم يا رب

حقيقى انتو نموذج جميل للأسرة المسلمة



د.حماس

dreem يقول...

دكتور حماس
اهلا بحضرتك واشكرك مرتين : مرة على التشريف ومرة على الدعاء وان شاء الله لك مثل ما دعوت وكل سنة وانت طيب
تحياتى

zainab يقول...

حبيبتى دريم
ربنا يخليكوا لبعض و مايحرمكوش من بعض

dreem يقول...

زينب
ربنا يخليكى يارب واهلا بيكى ونورتينى وربنا يبارك لك فيما اعطاكى