عجبنى اوى بوست قريته عند واحدة مفروسة بعنوان ألبوم صور .. مش عارفة ليه خلالنى افكر واسأل نفسى ....
يا ترى انا اتغيرت قد ايه ..والتغيير اللى بقصده هو التغيير من جوة يعنى مش فالشكل ولا الهيئة .
ويا ترى التغيير ده للاحسن ولا للاسوأ ؟؟
وبما انى اكتر واحدة عرفانى يبقى اكيد مش هكدب عليا .. فلما سألتنى لقيت ايه ؟؟
لقيتنى اتغيرت كتير لدرجة انى استغربتنى وسألتنى حصل كده ازاى وامتى ؟؟
كانت الاجابة ان ده حصل نتيجة للظروف الكتيرة اللى مريت بيها الحلو منها والوحش .. واللى كانت (الظروف يعنى ) زى التجاعيد اللى بيرسمها الزمن فوشوشنا لما بنعجز او حتى العلامات اللى بتتحفر من كتر الابتسام اوحتى التكشيرة !
لقيت ان حاجات فيا اتغيرت للاسوأ بس كانت ضرورية و جابت نتيجة ورحمتنى من دوشة ووجع دماغ انا فى غنى عنهم .( والاسوأ ده بالنسبة لى انا بمعنى انى ما كنتش احبنى كده )
ولقيت كمان حاجات اتغيرت للاحسن بسبب النضوج العقلى واللى برضه اتوجد مش بمزاجى !
المهم ان المحصلة النهائية مرضية الحمد لله يعنى مفيش عيوب مجعلصة او عاهات نفسية
يادوب يعنى شوية حاجات صغيرة الحمد لله ويارب اقدر اغيرها وقولوا امين .
ياللا بقى كل واحد يقعد مع نفسه ويعمل كشف حساب وابقوا افتنوا على نفسكم
فوتكم بعافية
هناك 6 تعليقات:
انا سمعت اسمى جيت جري
ههههههههههههه
اول تعليق طبعا ده انا اسمى مكتوب
هههههههههههههههههههه
بصي يا ستى
انا ندهتنى و زعقتلى جامد اصلى ما كنتش عاوزة اجيلى
المهم لما جيتلى و سالتنى
ايه اللى اتغير؟ و ايه اللى اتوحش.. يعنى بقا وحش
و ايه اللى احلو.. و ايه.. وايه
طلعت من القعده ديه بتاعة السين و الجيم
انى مش حقعد معايا تانى ابدااااا
علشان انا ممكن اتعقد اكتر من انى مفروسة
و لا كمان ممكن اجنننى
ولا يمكن من كتر الفرسة ايدي تطول عليا
فانا قلت خلينى معاكو افرسكم و تفرسونى
بس الصراحة
انا لاقيتنى بقيت اكثر حساسية عن الاول
وده مش حلو
سلام
ههههههههههه
خدعتيييييييييينى
مش اول تعليق
لااااااااااااا
وكلاااااااااااااااااا
انا ممكن اصور قتيل
هههههههههههههههههههه
ده انا اسمى مكتوب
انا بأه اللي اتغير فيا هو
اني حاسة اني نضجت كده و كبرت
مش عجزت لالالا
بس بقيت انظر للامور بشكل اعمق
ربنا يسترها بأه علي من التغير الخارجي
واحدة مفروسة
تعليقك جه الاول اهه ولا تزعليكى ولا تضايقيكى ولا تقهريكى هههههههههههههههه
بقى انتى ما كنتيش عاوزة تجيلك .. تصدقى انا كمان كتير ما ببقاش طيقانى وساعات بقعد احايلنى وكتير بدينى بالبرطوشة هههخخخ
اوعى تتعقدى يا اوختشى المهم تكون القعدة دى جت بفايدة والحساسية مطلوبة المهم ما تكونش مزمنة
وتعيشى وتفرسينا ولو انك عسل
بوسة كبيرة للى فرسانا
**********************
مول
حلو اوى انك تنضجى وتنظرى للامور بطريقة عقلانية بس خلى بالك يا اوختشى لحسن تفضلى تحللى كل حاجة وتبصيلها بعقلانية دماغك تبوظ وتحصلينى على المصحة هههههههه
وما تقلقيش من التغيير الخارجى يا مونى كله ليه حل ولو انى مؤمنة ان اللى جوة بيبان على برة .. فهمانى ؟
جنينة قرنفل كاملة علشانك
دريم هو التغير شئ طبيعى فى كل شئ بس بيبقا حلو لو تغيير ايجابى
يعنى انا مثلا اتغيرت زمان كنت شجاعه ومبيهمنيش حاجه بعدين اتوكست وبقيت جبانه وبعدين رجعت اتحلى ببعض ما بقى عندى من شجاعه شويه بسيطه خالص يعنى
.......
بس التغيير الخارجى اوه نو مقولكيش طبعا للاجمل ههههههه
سلام يا جميله
وازى الانانيس
كتبتها صح
محاسن
كلامك صح فى اننا كلنا بنتغير واكيد هيبقى جميل لو التغيير للاحسن
وشكلك الخارجى يا محاسن الواو اكيد نتاج حالتك النفسية بس ما تقلقيش هيتغير للاحسن هما شوية استقرار نفسى وترجعلى تانى فالعشرين يا قمر
ويا محاسن اسمهم اوانيس مش انانيس هههههههههههههههههههههههههههههه
إرسال تعليق