السبت، 22 نوفمبر 2008

احساس

حاسة بحاجة جوايا جميلة اوى ومش عارفة اوصفها .. كأن فيه نور جوة مخلينى مرتااااااااااحة اوى ونفسى اعمل حاجات كتيرة ..
نفسى اريح كل الناس .. اللى زعلان اصالحه واللى محتاج فلوس اديله واللى متخانق مع حد اصالحه واللى متخانق مع نفسه اخليه يحبها
عايزة اقول للناس كلها ان الدنيا ما تستاهلش اننا نعيش فى نكد ولا نزعل بعض ولا نتخانق على فلوس ولا اصلا نبقى منكدين على نفسينا او على غيرنا
العيشة ابسط من كده ووالله ما تستحق
حبوا بعض وبلاش خناق على حاجات هتضيع وهتروح ... الحب والمعاملة الكويسة هما اللى هيبقوا .
اه لو اقدر اعمل كده !

هناك 14 تعليقًا:

أحمد المسلم يقول...

السلام عليكم ورحمة الله وبركاته .

هذا الإحساس أشعر به حينما أصلي صلاة بخشوع ، أعتقد أن هذا الإحساس رائع فعلا ، ولكن من الصعب الإستمرار عليه ، فهل تستطيعين ؟ .

أستودعك الله ، والسلام ختام .

mony يقول...

احساس!!!!


حاسة ان في حاجة جميلة هسمعها منك عنك


يا تري ايييييييه؟؟؟؟

;)


يارب يديم الاحساس الجميل ده

Khaled يقول...

حلو قوى الشعور بالرضى إللى انتى حاسة بية دة .. ربنا يديمة عليكى ..

نيجيى بقة لحتة إللى عايز فلوس ..
هههههههههههههههههههه
إنتى كدة مش حاتلاحقى علينا لإننا كلنا عايزين

ربنا يسعدك يا صاحبى

mahasen saber يقول...

فعلا الحياه حلوه وابسط من كل شئ بس احنا نبلعها بحلوها ومرها زى الدوا كده
ونعرف ان طعمها المر ليه فوايد برضه


احييكى على روحك الحلوه
واحساسك العالى يادريم
واسفه شكلى غيبت عليكى ولا ايه

dreem يقول...

احمد المسلم
وعليكم السلام ورحمة الله وبركاته
اوافقك الراى انه من الصعب احيانا الاستمرا على هذا الشعور ولكننى عندما
اريد العودة لهكذا شعور جل ما افعله ان اتذكر معطيات الخالق فيعاودنى ذلك الشعور
سلام

dreem يقول...

مونى
جلت منك المرة دى يا مون
دا زى ما قال السوسة خالد شعور بالرضا ربنا يديمه
تسلميلى مون

dreem يقول...

خالد
ربنا يخليك يا خاللود
وبعدين انت تأمر يا صاحبى من جنيه ل .... جنية وشلن
ربنا يراضيك يا خاللود

dreem يقول...

محاسن
كلامك مظبوط ماعدا طعم الدوا ههههههههههههههه
وولا يهمك يا سنسن حتى لما بتغيبى مكانك برضه موجود

سحساوي يقول...

مش غريبة يا دريم انك تحسي حاجة حلوة جواكي
انت دايما كلامك حلو و جواكي حلو
دي مش معاكسة لحد يفهم غلط

dreem يقول...

سحساوى
ربنا يخليك يا سحس
اخجلتم تواضعنا يا فندم هههه

عمو يقول...

دريم

الرضا والهدوء والسلام الداخلى

أبواب السعادة
وبصراحة انا بتفق مع الاستاذ أحمد المسلم
ان الاحساس دة بنلاقية لما نقرب من ربنا
أو نرضية ، ودة طبعا بيخلينا نرضى شوية عن نفسنا.

فى حاجات تانية بردة بتدينا الاحساس دة
ولوانها مش هتروح بعيد عن السبب الاول.

لكن المهم بقى اننا نشوفها ونحط تحتها خط علشان نفهم نفسنا ونعرف الطريق ونرجعلة لما نحس اننا بعدنا.

الرضا- مش الرضا عن النفس بس - نص الطريق للسعادة
ويمكن اكتر من النص

ربنا يديم عليكى الاحساس الجميل دة

ممكن بقى تخليها " من جنية لجنيه ... وربع "

:)

دمتِ راضية

تحياتى

dreem يقول...

عمو
انا بسعد بتشريفك ومن بعده تعليقك
وربنا يديم علينا الرضا دايما
واسفة يا عمو مزنوقة فالعشرين قرش هو جنيه وشلم
تحياتى

عبدالله يقول...

يارب دايما حاسه بكده
بجد مفيش اجمل من احساس السكينه و السلام مع النفس ياريت لو كل الناس تحس كده مكنش بقي في مشاكل

مدونه جميله و كلمات رائعه تخطها روح برئيه :)


تحياتي

dreem يقول...

عبد الله
سعدت بتشرفيك للمرة الاولى واشكرك على كلماتك الرقيقة واتمنى ان تنجح فى العثور عليك
تقبل تحياتى