الأحد، 26 أكتوبر 2008

كلنا بشر

ليلى ايه وعمر ايه ؟؟
مدونات تؤيد كلنا ليلى ومدونات تشجب و كلنا هذا الرجل
وبعدين يعنى ؟؟
مفيش حاجة اسمها لا ليلى ولا غيرها الدنيا اتخربت بالمطالبة بالمساواة والبعد عن الدين .. الراجل يا ليلى ربنا خلاه راجل بتحمله للمسئولية ورعايته لبيته واسرته ومعاملته للقوارير بالحسنى ...والست للسكن والراحة والطاعة وتربية العيال
( خلق لكم من انفسكم ازواجا لتسكنوا اليها وجعل بينكم مودة ورحمة )
يبقى ما ينفعش لما يكون فيه شوية حالات شاذة تقوم الدنيا وما تقعدش !
لان لما ده يحصل ليلى هتبقى خرجت عن الطبيعة اللى ربنا قال عليها وبالتالى مش هتفرق عن الراجل اللى هى بتنتقده وهتبقى هى نفسها حالة شاذة
وساعتها نلاقى كلنا محمد او جرجس ههههههههههه
يا جماعة احنا محتاجين شوية دين وشوية عقل وياريت نتعامل مع بعض بادمية .. مش بندية .... الست ما ينفعش تكون ند للراجل .
ولما يبقى فيه ليلى مقهورة من جوزها مثلا تخلع امه وتخلصنا ... والراجل اللى مراته مطلعة عينه يطلقها ويريح دماغه مش معضلة هى بس بلاها حروب
مش هنقضيها مظاهرات وحملات واللى يا ريت ليها فايدة بل بالعكس !!
الليالى مش هيعرفوا يربوا عيالهم فى خضم المعارك دى ولو لقوا الوقت هيطلعوهم خربانين نفسيا
وتبقى يا ليلى تيتى تيتى زى ما رحتى زى ما جيتى وزودتى على خسارتك فشلك كأم !! يبقى ليه مالاول ؟؟؟
احسبوها راجل او ست واقعدوا مع نفسكم وفكروا .. انت كبنى ادم حابب تتعامل ازاى ؟؟ وحاول تعامل الطرف التانى بالطريقة اللى انت حاببها لنفسك ومستحيل الحسنى هتترد بالسيئة ولو حصل ابقى دوروا على الحلول التانية ( الخلع والطلاق )
مفيش حاجة اسمها كلنا ليلى او كلنا هذا الرجل احنا كلنا بشر
يا بشر



هناك 7 تعليقات:

mostafa rayan يقول...

والله العظيم كلامك صح قوي
كلنا بشر العلاقة مابينا علاقة تقاطع مش توازي كلنا بنكمل بعض
- سؤال بالنسبة للبوست السابق هو يعني ايه ( هوريبول ) دي
تحياتي لك ودمت بخير

dreem يقول...

ههههههههههههههه
مصطفى
هوريبول يعنى فظيع شنيع اخر حاجة
ههههه
تحياتى لك

Khaled يقول...

همممممممممم
لو بس أعرف فين ليلى كنت بعتهالك تفهميها ..

كلام موزون بميزان حساس ديجتال يعنى
ههههههههههههه
برافو دريم

dreem يقول...

خاللود
اى خدمة ولو ان الستات هيفتكرونى عميل مزدوج هههههههههههه
ثانك يو خاللود

واحدة مفروسة يقول...

انتى كده كلامك صح
عجبتيني
و الموضوع بتاع ليلي و فوزي ماهو موضوع لإلهاء الناس عن المواضيع المصيرية اللى لازم تاخد مننا اهتمام اكبر

dreem يقول...

واحدة مفروسة
تسلمى يا دميل
واه عندك حق .. ماهو اما ناس فاضية وما عندهاش مشاكل ودا اشك فيه !! واما حكايو الهاء زى ما بيعملوا فالكورة هههههههههه
تحياتى

عمر يقول...

"وعمر إيه"

طب عُمر ماله !!