الاثنين، 13 أكتوبر 2008

وافوض امرى الى الله

اتسألت انتى بتعملى ايه ليكى وشايفة نفسك فين وايه بعد 10 سنين ؟
ما لقيتش عندى رد !
انا ما بعملش حاجة ليا خالص خالص
كل حاجة بعملها للى حواليا .. لبناتى .. اهلى .. اصحابى .. جيرانى .. معارفى
انا مش حطانى فى حساباتى ولا بفكر فيا ولا لقيالى مكان ولا فيه حاجة ليها طعم ولا عندى هدف ولا طموح ولا فكرة عن اللى ممكن اعمله بكرة
عايشة اليوم بيومه !
ما بتأخرش عن حد وما بزعلش حد وما بأذيش حد وما بوجعش حد
بتوجع من كل اللى حواليا وبقول مش مهم ربنا هيعوض
طب هتعملى ايه لما بناتك يتجوزوا وتبقى لوحدك ؟
ما لقيتش رد !
طب اشتغلى
قلت اشتغل ليه واوجعنى ليه من الناس ؟
ما اعرفش اتعامل الا بطريقتى دى وطريقتى دى غلط
ما بحبش الفلوس ومش عايزة حاجة ولا نفسى فحاجة ولا بحلم بحاجة
قالولى انتى غلط دى مش عيشة
طب انتى فين ؟
انا اهه عايشة بعمل المفروض عليا للى بحبهم
قالولى حبيكى شوية علشان لو ما حبيتكيش مش هتعرفى تحبى اللى حواليكى !
اتوجعت انا
لانى بالفعل بحب اللى حواليا
بس انا مش لقيانى
انا مفيش
انا مش موجودة
انا حزينة
وافوض امرى الى الله

هناك 12 تعليقًا:

Mony يقول...

لا يا دريم لازم تفكري في نفسك



علشان تعرفي تدي اللي حواليكي



و مافيش حاجة اسمها اوجعني ليه من الناس

لازم تنزلي و تفرحي و تزعلي

لازم حاجة تشغلك عن نفسك شوي

mahasen saber يقول...

اهه ده مشكلة كبح الست المطلقه او الارمله لعواطفها وتلجيمها لاحاسيسها بعد الانفصال اى كان نوعه
يعنى الواحده بتبقا بس مضخة عطاء للغيرارسال بس واستقبال بيبقا عندها ضعيف ويوم ما تقف وقفه جد مع نفسها وتبص لروحا نظرة عطف فى الغالب بيكون مر الاوان وفى الغالبلا زى الحاله اليى قريتها فى البوست
وليا عوده .....

الازهرى يقول...

صديقتى العزيزة


اتوجعت انا
لانى بالفعل بحب اللى حواليا
بس انا مش لقيانى
انا مفيش
انا مش موجودة


التفكير فى انماء الذات يختلف من انسان الى اخر
واحيانا يكون ما تفعلينه هو افضل ما يمكن بالنسبة اليك
فالبعض بالفعل لا يشعرون بالسعادة الا فى سعادة الاخرين

تحياتى

KHALED يقول...

هههههههههههههههههه
أنا ماليش دعوة .... محاسن هيا إللى قالت أهية ... جيبتش حاجة من عندى
بس صدقينى مافيش حاجة بتروح و إللى بيزرع خير بيلاقى خير
دة كل إللى أقدر أقولة
صدقنى يا صاحبى حاسس بيك
وردة حمرا عشانك

dreem يقول...

مونى
المشكلة انك حاسة بس مش فاهمة
بس بحبك برضه
****************
محاسن
الحكاية انتى فهماها غلط خالص
مش عارفة يمكن ال11 سنة اللى بين عملت الفرق ده ولا انتى فهمتى انى اوبة واتركنت عالرف !
القصة انى مش عارفة ولا عايزة
وانا بالفعل ما ببص لنفسى لا نظرة عطف ولا حاسة ان الاوان مر
بصى
انتى مش هتفهمينى .. بس السوسة خالد فاهم
حبى وتقديرى
*********************
الازهرى
اهلا بيك للمرة الاولى هنا
وكلامك صحيح وانا من هؤلاء البعض والحمد لله ربنا يديمها نعمة
شرفتنى
*********************
خالد
السوسة
وحشتنى يا صاحبى وخليك مختفى يا سوسة
عارفة انك حاسس بيا بس هقول ايه شوية ويعدوا
مش طالعة القرافة دلوقتى خليلك الوردة

غير معرف يقول...

هسمح لنفسي أختلف معاكي في اللي قلتيه...
إنتي فيه وإنتي موجودة!
كلنا عايشين، وكلنا موجودين... بعضنا عنده أهداف، بعضنا بيعيش بلا هدف... مهما إختلفت أهدافنا وغايتنا، كلها لها نهاية... وكلها أهداف وغايات ناقصة تبنى على بعضها... فلو هدفي كان إني أتخرج من كلية، وحققت هدفي، سأجد أمامي هدفا آخر وهو الحصول على وظيفة... ويأتي من بعده أهدافا أخرى كالزواج، تكوين أسرة، تربية الأبناء، الإستقرار ماديا، إلى آخره من الأهداف التي لن تنتهي... أما أن تعيشين لإسعاء وتلبية مطالب من حولك، أو بعبارة أخرى، أن تعيشين لغيرك، فهذا هدف في ذاته، بل هو أسمى وأنبل وأجمل الأهداف... يمكن إنتي موش بتجني ثمرة هدفك النيل الآن، لكن من سيحاسبنا سوف يجزيك أحسن جزاءا إن شاء وأراد

dreem يقول...

هنا وهناك
انا هسمح لنفسى انى اشكرك
وارجو ان تسمح بقبول تحياتى

mahasen saber يقول...

دريم انتى بتقولى انا مش فاهمه حاجه ليه ؟
اهانا عارفه ان فهمى منعدم بس مش ضرورى تفكرينى ....
لا انا حللت الموضوع من وجهة نظرى وملاحظه بقه انا نظرى ضعيف...
بس ده تحليلى للامور بس هيبقا جميل لو فهمتينى ولا اخلى السوسه خالد يفهمنى
الا هو ليه اسمه سوسه ...

KHALED يقول...

ههههههههههههههههههههه
يخرب عقلك يا دريم ...
إية المنطق إللى حل عليكى مرة واحدة دة .. لأ و أية كمية رزانة وتقل فى الرد أنا بجد كنت حاموت من الضحك طبعا على أسلوبك موش عليكى ...
و مستشكرين أنا سوسة ... أوكى
ملحوظة
أنا بس مشغول جدا موش مختفى
أجمل الأمانى
وردة صفرا .. بدل الحمرا بتاعة القرافة
ههههههههههه اللة يخرب عقلك

dreem يقول...

محاسن
انا كمان نظرى ضعيف يا اوختى يعنى حالنا من بعض
والسوسة خالد مش هيعرف يفهمك
وانا مسمياه سوسة لاننا اصحاب وعارفين بعض كويس وفاهمين بعض كمان بس للحقيقة هو مش سوسة ولا حاجة
**********************8
خاللود
بص يا سوسة وشكل الكلمة دى هتطلع عليك هههههههههههههخخخخخخخخخخ
تصدق انى انا نفسى ما بقيتش عارفانى
بقيت حاسة انى حكيمة بس مش فى مستشفى يا ظريف
بس ما علينا باينه بسبب السن
ايييييييييييه حسن الختام بقى يا بنى
وبرضه بطل تغيب هه
خليلك الوردة الصفرا ما بحبش اللون الاصفر

غير معرف يقول...

ونحن نحب من حولنا ونتفانى من اجلهم لايجب ان ننسى انفسنا .. من حقك ان تحبى وان يحبك احد .. لاأدرى لماذا نتحرج من هذا؟

ربما لم تعثرى بعد على شخص مناسب .. لكنه لابد موجود ..

نحن جملة عواطف تجاه ابنائنا واصدقائنا وأهلنا .. وحبيبنا أيضا .. وهكذا يكتمل عقد اللولى ..

لهذا عزيزتى .. أنت مش لاقياكى .. الانفصال أو الرحيل ليس نهاية العالم .. هو قدر الله .. وتكملة الرحلة ليس معناها عدم الوفاء .. بل الاذعان لمشيئة الله هى الأولى .. لكن الاختيار فى هذه الحالة ربما يكون اصعب .. يحياج منا الى الحذر

ربنا يكتب لك كل سعادة ويهديك سواء السبيل

dreem يقول...

شريف
ازيك ؟
قول يارب ....
وتقبل تحياتى