شوفوا بقى .. كان المفروض انى مسافرة ريداك والنبى ريداك النهاردة .. واقع الحال كاااااااااااان بيقول كده وكله فالاوكيه .. التذاكر اتحجزت وابتدينا فى توضيب الشنط !
طبعا كلكم هتقولوا طب هاه بقى ؟؟ اقولكم
رحت البنك اسحب فلوس والمكان اللى موجود فيه ماكينة السحب مشخلعينه اخر شخلعة وعاملين له سلم ..
هتقولوا البت دى اتجننت .. هرد واقولكم بس استنوا بس
انا يادوب خرجت مالعربية وووصلت للشخلعة .. اقصد السلم وهوبا
هوبا دى بقى يعنى اتكعبلت وتريك تيك تيك
دى بقى يعنى صوت عضم ايدى وهو بيتكسر وعلى راى البت خيخة
بقيت اعيط واضحك فى نفس الوقت عااااااااااااااااااااااااا ههههههههههههههه
ورحت عالمستشفى كله عادى وطبيعى.. قلت ديتها جبيرة ولا حتى جبس و الحمد لله انما بعد الاشعة لقيت الموضوع مش عادى بالمرة !!
الدكتور قالى : محتاجة عملية بسيطة .. واخدين بالكم ؟؟
ازبهليت انا .. طيب مفيش ريداك والنبى ريداك ..
بس عملية .. دبابيس وسلك يمسكوا بيه العضم اللى اتفشفش !!!
وجبس 3 اسابيع بالدبابيس والسلك ..
بعديهم 3 اسابيع من غير لا دبابيس ولا سلك ..
عاااااااااااااااااااااااااااااااا وده مش زعل .. دا من الوجع
كان كل كلاب البلد اتجمعوا تحت الجبس وشغالين عض فأيدى !!
اقولكم : اللى عنده قطة يبعتهالى
وما تنسوش تدعولى
هناك 15 تعليقًا:
يا فرحة ما تمت .. خدها اسمه ايه ده وطار .. معلش كل شيء نصيب
وألف سلامة عليكم ، وربنا يتم الشفاء على خير
وبالنسبة لبلد ريداك والنبي ريداك فبسيطة جداً
احنا نجبوها لكِ لغاية عندكِ
كل ده بسبب موضوع الانحراف اللي فات :)
ألف سلامة مرة تانية وعله خير
الله يسلمك يا مهاجر
انت قلبت اسكندرانى ليه ؟ انا كنت رايحة مطروح .. يعنى ولا يا غازى تعالى دقلجنى هههههه
ربنا يسلمك يا مهاجر والحمد لله من قبل ومن بعد
على فكرة أنا فعلا أتضايقت بجد موش عارف لية ......
عموما انا كمان امبارح رجعت من الشغل و الحر مايتوصفش و دخلت عالتلاجة و مسكت المية وكانت ساقعة جدا ومن العطش مادريتش و شربت بعديها بربع ساعة جالى التهاب فى الزور والنهاردة جالى برد وتكسير فى العضم ..........
أيةةةةةةةةةةةةةةةةةةةة
يالا بقة حسن الختام
ألف ألف سلامة وقولى الحمد للة ماحدش عارف كان ممكن يحصل أية فى الرحلة دى وقضاء أخف من قضاء
ألف سلامة يا صاحبى
سلامتك خاللود الف سلامة عليك
الانوسة الكبيرة بتاعتى كمان عندها التهاب فالحلق .. باتت معايا فى المستشفى وما نا متش حبيبتى وكمان عيت
ربنا يشفيها ويشفيك .
وما تتضايقش قدر الله وما شاء فعل
والحمد لله من قبل ومن بعد
سلاموز يا صاحبى
ههههه ضحكتيني والله يا أم الأوانيس
بس على فكرة انا ما قلبتش اسكندراني
هو فيه اسكندراني يقلب يكون برضه اسكندراني ؟!!
عسى أن تكرهوا شيء وهو خير لكم
المهاجر
اشطات يا فندم ولا مؤاخذة اللى ما يعرفك يجهلك والحمد لله انك ضحكت
اضحك الله سنك دوما
والحمد لله من قبل ومن بعد
تحياتى
تعيشي و تاخدي غيرها يا جميل
الحمد لله انها جت علي اد كده
انا قرأت البوستات اللي كتبتيها(اخر 3)بس للاسف كنت عند ماما و الكيبورد عندها عطلان و لسة يا دوب راجعة
كنت قلقانة عليكي كتير و الله
لان في يوم السفر اللي كان المفروض يكون يوم الخميس ماما قالتلي ان في اتوبيس كان مسافر مرسي مطروح و عمل حادثة جامدة اوي و فيه 40 مصاب و 40 وفاه
اول حاجة عملتها لما سمعت جريت علي مدونتك علشان اشوف كتبتي حاجة ولا لسة
و الحمد لله عرفت الخبر التاني
اهو قضي اخف من قضي
الحمد لله
لو علمتم الغيب لاخترتم الواقع
انا متعوده اول ما حاجة تحصللي بعد مابزعل شوي اقول لعله خير
الحمد لله انت بخير و بناتك بخير
احنا مش عايزين اكتر من كده
و يا ستي بلد ريداك و النبي ريداك موجوده تخفي بالسلامة و تروحيها في اي وقت
وسلامتك كمان مرة
و تقومي بالف سلامة
مونى
ربنا ما يحرمنيش منك يا حبيبة
وانا والله مش زعلانة .. يمكن بس اتضايقت علشان البنات مالهمش ذنب بس برجع واقول الحمد لله قدر الله وما شاء فعل .
المهم بقى .. مالك ؟؟
حساكى مش مظبوطة !
طمنينى هه
سلاموزة يا جميل
سلامتك يام البنات
ياااااا
مش تاخدى بالك طيب
:(
والله زعلتينى
واسف طبعا اتأخرت شويه
ثلاث اسابيع يعدوا ان شاء الله وتقومى بالسلامة
والمصيف يتعوض يا ستى ماتزعليش
خدى بالك من نفسك
ربنا معاكى يشفيكى وتقومى بالسلامة ان شاء الله
عمو
الله يسلمك يا عمو انا كنت قلقانة عليك ما تغيبش كده تانى
خلى بالك من نفسك وما اتحرمش لا من سؤالك ولا من دعاءك
انا كمان كنت مسافر مطروح
بس لما الاتوبيسعنل حادثةوالناس ماتت
ازبهليت وغيرت دملغي خالص
لغيت فكرة المصيف والجيم
وانشاء الله صيف عادل سالم لنا جميعا
عموما دا ممكن ابتلاء من ربنا
اصبري واحمدي ربنا وانشاء الله
يروح الصداع
وتبقي زي الفل
ودعواتك
عموما ان شاء الله حنشتي
ربنا يسعدك ويكرمك
تحياتي دائما
few good men
اولا اهلا بيك وشرفتنى
وفعلا ممكن تكون ابتلاءات وممكن يكون ربنا لطف كعادته لطيف خبير والحمد لله على كل الاحوال
اشكرك واشكر مرورك الكريم
تحياتى
ايه ده .. دا الكل غايب كده
خير يا أم الأوانيس .. مش بعادة
عل سبب الغياب خير
فينك يا ستي
قلقانة عليكي
عاملة ايه ايدك
و ايه اخبار الكلاب
فكيتي المسامير ولا لسه
برضه من شهر تقريبا او اكتر شوي لولو بنتي وقعت من علي كرسي و كوعها اتخلع
و اهي علقة و عدت
ربنا يقومك بالسلامة يا جميل و تطمنينا عليكي
المهاجر
خير يا عزيزى والحمد لله بس انا عند الماما وكله تمام
الا لا حرمت من سؤالك .. طمنى عليك
*******************
مونى
حبيبة القلب سلامة بنتك مليون الف سلامة وابقى خلى بالك منها
انا يا ستى تماموز والحمد لله والمسامير لسة موجودة بس الكلاب مشيت الحمد لله
تسلميلى مونة وربنا يخليكى ويخليلك بنوتك وكل من يعز عليكى
تقبلى شكرى وحبى
إرسال تعليق