الأربعاء، 9 يوليو 2008

موجز الانباء

اخر اخبار اوانيسى بالتفصيل المميت .. استعدوا
الانوسة الصغيرة ( شخصية معملية فذة ) نجحت الحمد لله بتفوق وجابت 98% وامسكوا الخشب
الانوسة الكبيرة بقى نتيجة الكلية ظهرت النهاردة والحمد لله نجحت بتقدير جيد .. وكده الخشب مش هيكفى امسكوا عفش البيت كله
مازال الخروج مستمرا ولا يعوقه الا مرض الانوسة الصغيرة .. اما الانوسة الكبيرة فمنتشرة انتشار واسع وماشية فى جميع الاتجاهات وعايزة تحقق حاجات كتيرة مع بعض واللى منها : تاخد كورسات انجليزى (ماهى فى تجارة انجليزى ) وتتعلم السواقة (تبقى تقابلنى لو عرفت تسوق فالبلد دى ) واشتركت فالجيم علشان تصبح رشيقة القد ( بس راحت حصتين وخلعت ) وعايزة تسافر بلد ريداك والنبى ريداك ( مرسى مطروح يعنى ) وعايزة تعمل كل ده فى وقت واحد !!
اما عنى شخصى المتواضع فانا والعياذ بالله من كلمة انا عايزة اسافر الصين استنسخ منى كام واحدة كده علشان ارضى جميع الاطراف
ولو انى اعتقد ان المشكلة اللى هتقابلنى هى : مين هياخد الاصل
حد عنده اقتراح
دمتم

هناك 8 تعليقات:

Khaled Farag يقول...

هههههههههههه
دمك شربات يامضروبة
ألف مبروك للأنسة الصغيرة و ألف سلامة عليها أما الأنسة الكبيرة فطبيعى أن تشعر بالأنطلاق ..
أما حضرتك يا ماما ....
فليس فى البابلك

ودمتم

dreem يقول...

خاللود
الله يبارك فيك وانا مش مضروبة !! احتمال اكون ضاربة بس الاوانيس هيجننونى يا اخويا عقبالك يارب
سلاموز

عمو يقول...

مبروك للاوانيس
وليكى انتى كمان . مش تعبتى معاهم !!؟
والانطلاق بعد النتيجة طبيعى سيبيهم براحتهم شوية ، مع متابعة من بعيد .
اكيد انتى بتعملى كدة.
ربنا معاكى

اما عن النسخة الاصليه
فمن رأى خليها ليكى ،
يمكن تحتاجيها
يمكن .....
:)

وميروك التطوير
كنت عارف انك هتنجحى

ولو ان الاغنية....


تحياتى وتقديرى
وربنا معاكى

dreem يقول...

الله يبارك فى عمرك يا عمو
وبالنسبة للاصل !!!!!!! نظرية برضه سأضعها فى الحسبان
وعدى موضوع الاغنية
كل التحية والتقدير لك عمو

المُهاجر يقول...

ألف ألف مبروك النجاح والتفوق والذوق الجميل في السفر لمطروح
ولما ربنا يكرمك وتسافري الصين ابقى قولي لي .. بدي طقم صيني من هناك .

لكني لاحظت شيء جديد في المدونة ..
كاست فيه اغنية مش عاوزه تشتغل ، فبعد اذنك عملت لها داونلود واكتشفت انها أغنية لفريد
أنا ذهلت طبعاً .. كنت فاكر نفسي آخر الجيل الضارب ، وان الناس اللي بتسمع فريد خلصوا خلاص :)

dreem يقول...

الله يبارك فيك مهاجر
ولا يا مهاجر ما خلصوش وان كانوا هيبقى انا الفاضلة هههههههههههههههه
وحكاية فريد وعشقى ليه معايا من زمااااااااااااااان كنت انا واخواتى .. بقية الساحرات الثلاث فاكرهم ؟
دايما بنتخانق مع بعض بسبب فريد!!
هما كانوا بيحبوا حليم ودائمى النقد والانتقاد لفريد وانا اعييييييييييط
ومش علشان الجزنة ضيقة لالالالالالا بس علشان انتقادهم لفريد . نعم
كل التحية والتقدير لشخصك العزيز

mony يقول...

مبروك للانوسة الصغنونة و سلامتها


و خلي الانوسة الكبيرة تنطلق براحتها علشان هيجلها يوم و تقعد زينا

و نصيحتي تروحي بيهم مرسي مطروح لانها تحفة


انا بقول ان مرسي مطروح للشعراء خاصة و الفنانين عامة
و ياسلام لو شاطئ الابيٍض و لا عجيبة
عيشة تانية خالص


اما عن عمليه الاستنساخ فمعتقدش هتنجح لانه لا غني عن الاصل

عن الاصل دور

dreem يقول...

مونى
الله يبارك فيكى حبيبتى ويسلمك ويخليلك ابنك .
وانا مخلياها يا مونى تنطلق كيفما يحلو لها ولا تقلقى ولعلمك .. انا بقول اللى انتى بتقوليه .. اسيبهم يستمتعوا ويعملوا كل اللى حابينه ويا عالم بكرة هيحصل ايه .
واما عن مطروح فجارى التنفيد وهنسافر الشهر ده ان اذن المولى .. انما حكاية الشعراء والحب والمشاعر الجياشة دى بقى يا قمر فخلاويص انا نزلت على ارض الواقع بقالى كتيييييير
وحكاية الاستنساخ بقى انا شكلى هلغيها وعلى رأيك .. ثم انا مش هينوبنى منها الا الحيرة
نورتينى يا قمر
تقبلى تحياتى وتقديرى
سلاموز