الخميس، 10 يوليو 2008

ارتحنا اوووف

اخيرا خلصت من الموضوع اللى كان شاغلنى واخدت فيه قرار بالرفض التام او الموت الزؤام ( كتبتها مرتين ومس عارفة صح ولا غلط ) .

ارتحت الحمد لله وحاسة كأن حمل انزاح من على مراوحى اووووف

وهقولكم على حاجة غريبة جدا ..

يمكن اللى ساعدنى على اتخاذ القرار انوستى الكبيرة الحنونة ... كلامها مريح وبتحسنى

مش عارفة ليه البت دى قريبة من قلبى اوى ؟؟

يمكن لانى حتى وهى بيبى كنت بقعد اشكيلها من اللى بيوجعنى ومش عارفة ده كنت بعمله لانى كنت لوحدى معاها معظم الوقت ولا لانى كنت خايفة اتجنن !

بس لغاية دلوقتى هى حضنى والانوسة الصغيرة احيانا بتكون عقلى .
حلوين اوانيسى .. تحويشة عمرى ربنا يباركلى فيهم
قولوا امين
فتكم بعافية

هناك 4 تعليقات:

Khaled Farag يقول...

واضح إنة كان موضوع مهم ... همممم
ربنا يباركلك فيهم وتفرحى بيهم
وعايزين نفرح فيكى .. قصدى بيكى بقة
مبررررررررررروك التغيرات
دمتى بالود

dreem يقول...

خالد
ايون كان موضوع مهم بس الحمد لله كله تمام .
والله يبارك فيك
تحياتى

mony يقول...

علي العموم انا كنت حاسة بالموضوع ده من كام بوست كده


المهم ربنا يباركلك في اوانيسك يا رب و مايحرمكيش منهم و لا يحرمهم منك

dreem يقول...

مونى
وكان احساسك صحيح .. عديها بقى ههههههه
ويبارك لك فيما رزقك
ربنا يخليكى مونى
القاكى دائما على خير
تحياتى