الاثنين، 14 يوليو 2008

اخر الاخبار

مش انا انحرفت النهاردة يا جماعة .. اه والله
رحت السينما انا والاوانيس فيلم حسن ومرقص .. وبصراحة الفيلم فعلا يستحق المشاهدة يمكن انا بشوف ان عادل امام بيكرر نفسه وما اقصدش فى مواضيع الافلام لا
اللى اقصده فى حركاته وتعبيرات وشه !
بس للحق الفيلم فعلا حلو ويمكن اول حاجة لفتت نظرى وعجبتنى اوى المقدمة الموسيقية للفيلم واللى كانت مزيج من ترانيم الكنيسة والاذان واللى مزجوها بطريقة تحفة تقشعر لها الابدان ( والله استاذة فالعربى براوة عليا )
المهم اتفرجنا عالفيلم ورحنا اتغدينا برة انا والاوانيس وقمنا ايييييه .. حد يقول لى ايه
قمنا رايحين عند اييييييييه ...... عند الكوافير
وان ان ان ااااااااااااان ما ادراكم انا بقى لما اروح عند الكوافير بيبقى واقع الحال حاجة من الاتنين : اما نفسيتى زفت وعايزة ارفع معدنياتى
واما نفسيتى كويسة ومحتاجة نيو لوك
عايزة اقولكم ان شعورى يا عينى قاسى منى من كتر ما مزاجى بيتقلب وشعورى هنا يعنى شعرى رحمة الله عليه
بس ان جيتوا للحق معنوياتى ارتفعت قد كام متر كده وشكلى اتغير ..
حلو الجنان ده بينفع فى احيان كتيرة
المهم بقى ما اطولش عليكم وما حدش يقول طولى
النهاردة الحمد لله كان يوم حلو
اه صحيح وفيه خبر كمان : مسافرين يوم الخميس بلد ريداك والنبى ريداك واهو تغيير بجملة
واتبسطى يا ست مونى
فوتكم بعافية

هناك تعليقان (2):

Khaled Farag يقول...

ههههههههههههه

حلو الانحراف دة بتاع السينما موش الكوافير ....
زماااااااااااااان أيام العزوبية والبال الرايق كنت كل أسبوع أروح السينما بس ماكنتش بادخل افلام عربى
كان كلة أمريكانى من بتاع ريتشارد جير وتوم هانكس والولة الوحش دة توم كروز

تحياتى

dreem يقول...

وعايزنا نرجع زى رمان قول للزمان ارجع يا زمان
مفيش خلاويص يا خاللود عجزت وراحت عليك ثم النبى عربى يا اخويا هههههههه
اه صحيح : بالزمة توم كروز وحش ولا ده ....
تحياتى خالد وسلاموز