الأربعاء، 7 مايو 2008

غريب

كنت قريت مرة ان البنى ادميين بتتغير حالتهم النفسية مع تغير الفصول : الصيف والشتا والربيع والخريف

حاجة كده زى اللى بيتأثر بالاحجار الكريمة .. بالالوان ودى هبقى احكيلكم عنها بعدين .

انا عن نفسى ما اعرفش ايه الفصل اللى بيأثر عليا او فيا ؟؟

لانى على قد ما بحب المطر جدا بكره البرد
وبتضايق مالحر ... صحيح بحب الربيع بس بقلق من الامراض المنتشرة فيه !
بعشق منظر الشجر وهو عريان من غير ورق فى الخريف بس بحس بكأبة !!
مين فيكم يعرف الفصل اللى بيأثر فيه ؟؟

نسيت اقولكم ان فيه كمان بنى ادمين ليليين وتانيين نهاريين عرفت كده لما قريت عن بحث اتعمل فى امريكا واللى بيقيسوا فيه نشاط اشخاص مختلفين فى اوقات متغايرة واللى بيعرفوا منها (القياسات دى اقصد ) الشخص ده ليلى ولا نهارى وده علشان يشغلوا كل واحد حسب قدراته يعنى يفيد ويستفيد وده لانهم وجدوا ان الشخص الليلى بيكون فى قمة نشاطه وتركيزه فترة الليل وخامل فترة النهار والعكس ( نظرية برضه )
الغريب ان العباد والمتصوفين بيحبوا الليل
والحرامى بيحب الليل
والشعراء بيتكلموا على الليل والعشاق كمان بيحبوا الليل
غريب عقل الانسان وغريبة تصرفاته وطباعه .. والاغرب اكتشافاته وافتكاساته
سبحان الله
دمتم

هناك 3 تعليقات:

عمو يقول...

أيوة صح
فية ناس ليليين أعرفهم كويس وبيناموا طول النهار
وفيةناس هوائيين وناس أرضيين كمان
:)
بس دة لو الدنيا بتمشى على هوانا وكنا حرين شوية
انا بعشق الليل علشان الهدوء بس للأسف فية شغل الصبح
:)

غريب
غريب الانسان
للأسف
وكل ما بيتطور وبتزيد فترة وجودة على الأرض بيزيد غرابة ، وبتزيد معاةعدم القدرة على تحليلة وتوقع تصرفاتة.
يمكن كلامى شوية شبة الكلام عن عصور التطور اللى درسناها فى التاريخ أو الجيلوجيا،
لكن دة لأنى شايف اننا كبشر للأسف على أعتاب عصر تانى غير اللى عايشينة أو كنا عايشينة فى خيالنا،

الناس بقى عندها مقدرة غريبة على التغير وبسرعة جدا ، دة غير الأنسان ذو الوشوش الكثيرة " اللى كان مزدوج الشخصية بس زمان "

ومش عارف احنا رايحيين فين


تحياتى
ودمت ِ بكل سعادة

عمو يقول...

آسف نسيت أبارك على النيو لوك

مبروك

dreem يقول...

عمو نورتنى
والله يبارك فعمرك
وفعلا عندك حق ان الناس بقت بتتلون بمية لون وفقا لاغراضها ولكنى دوما اؤمن بما قاله الحبيب صلى الله عليه وسلم : الخير فى وفى امتى الى يوم الدين
دمت بخير ودام تشريفك لى
تحياتى