كل سنة وانتم جميعا طيبين
رمضان اهو جاى بكرة ان شاء الله بخيره اللى يارب يعم على المسلمين اجمع
ادعولى بقى لانى رايحة النهاردة المستشفى اشيل القتيل وربنا يعديها على خير
عندى احساس غريب انى هموت !!
هزعل اوى على حزن امى وتحويشة عمرى هيوحشونى
استودعكم الله
هناك 10 تعليقات:
كل سنة وانت طيبة ولو انى مش عارف ايه الحكاية بس ربنا يعديها على خير وان شاء الله يعدى عليكى 100 رمضان
بإذن الله تقومى بالسلامة ..
جمدى قلبك .. ياما مرينا بمواقف صعبة وربك بيلطف ..
انا برضه شيلت ورم جامد فى النخاع الشوكى .. وادينى قدامك اهو (((:
ربنا يحفظك من كل شر .. ربنا يطمنا عليكى .. اما تحويشة العمر فتتعوض طبعا .. انت الأغلى
الف سلامه عليكي وأن شاء الله ترجعي بالسلامه لبيتك وأهلك
بس لو لقدر الله طلع السر الإلهي فبالله عليكي . حطيني في الوصية وأكتبيلي تحويشة العمر باسمي ههههههههههههه
تقبلي مروري
مجنووون
ربنا معاك يارب
و تقومي بالسلامة
ماتفوليش بأه علي نفسك
ايه يعني علقة تفوت ولا حد يموت
بس طمنينا عليكي ضروري
أم البنات
كل سنة وانتى طيبة انتى ومامتك وأوانيسك كلهم
انا مقصر انا عارف معلش سامحينى
لما قريت شوية فى اللى فاتنى لقيت موضوع الجبس دة طول قوى مع ان كلامك ساعة الواقعة ما كانش يوحى بكدة
سلامتك الف سلامة
المفروض انك شيلتيه يوم الحد ، طمنينى اية الاخبار دلوقتى عاملة اية
آسف مرة تانية على التقصير
واتمنى انك تكونى فى احسن حال
سلامتك يا ست الكل
تحياتى وتقديرى
هانى زينهم
وانت طيب يا هانى وا شكرك
**********************
شريف
اولا اهلا بيك والف سلامة عليك وطبعا اشكرك جدا والحمد لله اهى عدت على خير .. اما عن تحويشة العمر يا شريف فهى اوانيسى يعنى بناتى مش حاجة تانية
****************************
مجنون
اهلا بيك واشكرك على الزيارة .. بس حظك وحش اولا لانى عديت منها وثانيا لانى ما كتبتكش فالوصية .. عامة تتعوض المرة الجاية
تقبل تحياتى
**************************
مونى
حبيبتى كل سنة وانتى طيبة والحمد لله عدت على خير .. وتيلميلى حبيبتى
***************
عمو
اولا انت بجد بتوحشنى لما تغيب دا اولا وبكون قلقانة عليك جدا وبحب اطمن .. يعنى مش حكاية تقصير منك ولا حاجة بس نطمن عليك
والله يسلمك يا عمو الحمد لله شيلته امبارح والموضوع كان كبير جدا فى الحقيقة بس الحمد لله كله بيعدى
ما تغيبش تانى كده وكل سنة وانت طيب
كل عام وانتي بخير
الله يصبر امك
بس مين القتيل
ما علينا رمضان كريم
الحكمة ضالة المؤمن
اولا اشكرك على المرور والتعليق وربنا يصبرنا جميعا بس انت فاهم القصة غلط خالص .. لو قريت البلوجات اللى قبل كده هتفهم وهتضحك
كل سمة وانت طيب وشكرا على مرورك
تقبل تحياتى
أزيك با أم البنات
عاملة أية
لية مش مستقرة على شكل للمدونة
:)
فى الآخر الموضوع أهم بردة
وأنتِ بقالك فترة ساكتة !!!!
أنتى فين؟
طمنينى عليكى
تحياتى وتقديرى
ازيك انت عمو
انا تمام حمدا لله
وبالنسبة لشكل المدونة ممكن تعتبره ملل او فراغ وساكتة انا فعلا حتى فى حياتى ومش عايزة اتكلم !! عندى حالة خرس ممزوجة بالكثير من الملل
لك كل التحية والتقدير
إرسال تعليق