السبت، 24 مايو 2008

غبائى

وضحت الصورة بالنسبة لى بعد اخر نقاش بينى وبين بنوتى المستفزة ولقيتنى غلطانة جدا !
مش البنات هما اللى بقوا مستقلين قد ما هو كان احساسى الداخلى بأنهم كبروا وما بقوش محتاجينلى واللى فالغالب اتحول لطريقة فى التعامل خلى الانوسة الصغيرة مستفزة .. يعنى كنوع من انواع لفت النظر !
ذكاء فطرى منها وغباء منى !!
ما انا ببقى غبية خصوصا لما بكون متورطة عاطفيا مع الشخص اللى بتعامل معاه
المهم .. علاقتنا انا والانوسة الصغيرة بقت تمام وزى الفل ورجع لنا ارتباطنا القديم الحمد لله وانا من ناحيتى بحاول ازوده والله المستعان
دعواتكم للانوسة الكبيرة لان امتحانات الجامعة هتبتدى وربنا معاهم جميعا وربنا يستر من القلق والتوتر اللى هييجى وقت امتحانات الانوسة الصغيرة واللى بشايره هلت امبارح لما قالت لى : العد التنازلى ابتدا

دمتم

هناك 12 تعليقًا:

KHALED يقول...

تمنياتنا بالنجاح والتوفوق لبناتك
وتمنياتنا بدوام الود بينك وبينهم
ومافيش بين الحبايب حساب

سلامات

dreem يقول...

خالد
ربنا يخليك ودايما تسعدنى بتشريفك

عمو يقول...

الحمد للة ان الصورة وضحت
بس هيا كانت واضحة اساسا
:)
ال " ماما " مالهاش بديل

كانت جدتى بتقولى كل يوم الصبح ، بعد الصباح الجميل وبوس الأيادى
- منى ليها طبعا -

ربنا ينجحلك المقاصد
وهقولهم نفس الدعوة

ربنا ينجحلهم المقاصد
ويقويقى
.. الصعب بيهون بالود..

تحياتى وتقديرى

dreem يقول...

عمو
كل التقدير والتحية لك .. فدوما كلماتك نثلج صدرى
دمت ودامت كلماتك
تحياتى

غير معرف يقول...

ربنا معاهم ومعاكي... دي أثمن دعوة ممكن أقدمها وإن شاء الله ينجوا وبتفوق كمان

كوارث يقول...

ربنا يوفقهم في امتحاناتهم يا رب
عايز دعوه بقهقصاد ده عشان انا طالب جامعه يا ماما انا كمان
ومحتاجها طبعًا
بوست جميل جدًا وكفاية ان فيه قيمة من اهم القيم
الاعتراف بالغلط
بس ده مش يعني اهانة النفس واتهامها بالغباء
شكرًا لحضرتك

dreem يقول...

هنا وهناك
دعوة جميلة اشكرك عليها وربنا معانا جميعا
تحياتى

dreem يقول...

كوارث
ان شاء الله ربنا يوفقك وبتفوق .
بس دا اسم ده ؟ طب خليه كارثة واحدة بس

Abo-Harees يقول...

السلام عليكم
سيدتى رغم الكلمات الآخاذة ولست مبالغا أو متحيزا إلا أنه بين الأجيال قد تحدث فجوات فى التفكير والأسلوب ومن كلماتك لاحظت أن هذا الفارق وإن كان موجوداً إلا أنه يكاد يكون منعدما فبينك وبين أولادك ود وصداقة حتى مع أصغرهن وهذه ميزة لكى عن غيرك من الأمهات الكثر 0
فنادراً ما نجد مثل هذه العلاقة فى هذا الزمن وإن دل هذا فإنه يدل على ثقافة واسعة وعقل فاهم ومدرك وهو ما تفتقده أغلب النساء .
فدعواتى الحارة من القلب بإزدياد حبكى لهن وحبهن لكى ودوام المودة والسعادة فى شمل متواصل وصداقة غير منقطعة .

الراعى

dreem يقول...

abo-harees
لا يسعنى الا شكرك ايما شكر على هذه الكلمات الجميلة
شرفت بمرورك
تقبل تحياتى

Mafrousa يقول...

يارب بالنجاح ان شاء الله
و ربنا يكون معاكى و معاهم و تشوفيهم احسن ناس فى الدنيا يااااارب

dreem يقول...

مفروسة :
اللهم امين وتسلميلى يارب
ان شاء الله ادعيلك واهنيكى وانتى جايبة يوسف
او مفروساية صغننة
تحياتى