الجمعة، 19 ديسمبر 2008

شوفوا بقى
انا كنت بحب الانجليزى من زمااااااااااان
وافتكر انى كنت بطلع الاولى دايما فيه وده لانى كنت بحب مدرس الانجليزى ومش بحبه حب المراهقة ولا حب بنت لولد او ست لراجل لالالا
انا كنت بحب طريقته واسلوبه فالتدريس ويمكن ده اللى خلانى احب اللغة دى
وكانت نفس الحكاية بالنسبة للعربى فى المرحلة الابتدائية كنت بحب مدرسة العربى جدا ما عدا النحو كان بالنسبة لى يع
وكنت والحمد لله مازلت شاطرة فالعربى كتابة وقراءة وزاد حبى ليه لما دخلت الجامعة ولقيت اللغة العربية لغة ثرية جدا وليها تذوق خاص انما وتخيلوا لقيت النحو جميل !!
ولكن فى بعض الاحيان بحس بمعانى بعض الكلمات الانجليزية اكتر من احساسى بمعانيها باللغة العربية وماحدش يقول لى ليه .
يمكن اللى لفت نظرى ان امى كانت مميزة فالانجليزية وما زالت خصوصا وهى بتقول نو بكل تلقائية على حاجة مش عجباها هههههههه
وبنوتى الصغيرة كمان بتحب الانجليزى جدا ومتميزة فيه وبتجيده !
ألا صحيح هى الحاجات دى فيه وراثة برضه ؟؟
طب انا اعرف ان الجينات بتكون فالطباع والشكل انما فالهوايات كمان مش عارفة
عامة اللى يعرف يقولى
مش عارفة انا ايه اللى خلانى اكتب الكلام ده بس يمكن انا شوية زهقانة وافتكرت شوية حاجات من زمان واللى مش موجود منها دلوقتى خالص مالص الا الذكريات وبس
واه صحيح كان فيه حد من اصدقائى قالى اعمل استفتاء لاستيضاح وجهات نظركم المختلفة عن خيانة الراجل لمراته بمعنى :
ياترى لو الراجل خان مراته يقولها ولا ما يقولهاش
والزوجة لو جوزها اعترفلها بخيانته تغفر له ولا لا
وياترى العيب فمين وليه وعشان ايه وبكام والاسئلة اللى انتوا عارفينها واللى انا اصلا مش عايزة اسألها لانى مش مقتنعة بالموضوع من اصله وكلامى ولا بيعجب الرجالة ولا الستات بس ما علينا
حاولوا تجاوبوا على كل الاسئلة اللى مكتوبة واللى مش مكتوبة
عايزين نعمل انقلاب عالرجالة يليه انقلاب عالستات وتقصيرهم مع الرجالة وايصالهم للخيانة
وانا ماقلتش حاجة وماليش دعوة
مستنية تعليقاتكم بس من غير خناق
وسلامو عليكو

هناك 17 تعليقًا:

غير معرف يقول...

الاعتراف بالخيانة أمر قد يحدث شرخا كبيرا في العلاقة الزوجية
الله يحب العفو و الصفح جميل على حسب المستطاع و على حسب دوافع
الخيانة مع أنه لا يجب أن تكون أي مبررات

شفـقــة و إحســــان يقول...

وحشتينى جدا جدا
بصى يا ستى انا من رائى ان الجوز لو خان واخدة بالك من الجوز دى؟؟
لازمن ولابندق انه يعترف ويقر علشان لازم ينوبه من الحب جانب ومش اى حب ده هيبقى حب بحرارة تودى النار عدل
اما لو ما اعترفش فلازمن بردوا خدى بالك من لازمن دى
ان الست تنكش وتدور وتعمله فيها كلومبو لحد ما يقول حقى براقبتى ده لو لاقه اصلا رقبة بعد اعترافه
سلاموز

سحساوي يقول...

انت عملتي موضوعين في موضوع واحد انا شايف انك تفصلي ( اللغة الانجليزية و اللغة العربية عن موضوع الخيانة الزوجية عشان نفهم انت عايزة ايه بالظبط

dreem يقول...

روز
احتراماتى وتقديرى لعقلك الراجح واسلوبك المميز

dreem يقول...

شفقة هانم واحسان بك
وانتى كمان وحشتينى يا شفقة ياختشى
وواخدة باللى انا من لازمن اومااااال
قطيعة الرجالة دول هههههههه حبايبنا
فوتك بعافية

dreem يقول...

سحساوى
لا بقى مش هعمل موضوع منفصل ماليش دعوة

KHALED يقول...

رجل يخون + زوجتة = رجل خائن
رجل يخون زوجتة + إعتراف للزوجة = رجل أهبل
رجل يخون زوجتة + عدم إعتراف للزوجة = دليل على عدم الحب من أساسة

رجل يخون زوجتة + بسبب تقصير مراتة = زوجة تستاهل الخلع

رجل يخون زوجتة + لحبة فى الستات = زير نساء مالهوش حل

رجل يخون زوجتة + مغفرة من الزوجة = امرأة تحبة و تستحق أن يضعها تاجا على رأسة

زوج خائن + زوجة خائنة = ما جمع إلا ما وفق

بسم الله الرحمن الرحيم

الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُوْلَئِكَ مُبَرَّؤُونَ مِمَّا يَقُولُونَ لَهُم مَّغْفِرَةٌ وَرِزْقٌ كَرِيمٌ (26)

سورة النور

Mony يقول...

السلام عليكم يا ختشي

ايه الروقان و المخمخة ديه يا دودو

انا كمان كنت بحب (ولازلت)اني اعبر عن نفسي بالانجليزي اوي
بس اكتشفت ان اللي انا فيه ده مش علشان بلاقي الاكلام اللي يناسب حالتي بالضبط بالانجليزي
لا لا لا
ده نتيجة جهل مدقع في مفردات اللغة
مع ان امي دار علوم
بس ما علينا




اما موضوع الخيانة و المصارحة و كده
فأعتقد خالد جابلك الديب من ديله خلاص

بس انت قصدك علي الخيانة كخيانة
ولا ان الراجل يتجوز علي مراته من غير مايقول لها
؟؟؟؟؟


لان ديه حاجة و ديه حاجة تانية خاااالص

و عفوا مقدما علي الاطالة

dreem يقول...

خالد
جبت الديب من ديله
مونى قالت كده
خلاص بقى لا تعليق

dreem يقول...

مونى
طولى ياختشى ولا يهمك بس بلاش قر عالروقان والمخمخة دول هما اللى فاضلين
والله انا ما قصدتش اى حاجة غير اللى اتكتب
صديق كان عايز يعرف اراء الناس عن الخيانة الزوجية تحديدا ورد فعلها على الزوجة وهل الزوج المفروض يقر ويعترف ولا لا حاجات كده من هذا القبيل يا اوختشى
وبما انى ما بحبش الزن فعملت اللى هو عايزه
شفتى بقى ياختشى ؟
وبطلى تبقى سوسة يا سوسة
هههههههههههههههه

lames يقول...

ازيك ياجميل طبعا عرفانى
بالنسسبة لموضوع الخيانة انه بيختلف من راجل وراجل وست واخرى
لان فى راجل بيتوب ويحرم وفى ست بتسامح
وفى ياست الكل عكس كدا تمامافاالموضوع
كبير مش محتاج تعليق دى محتاج اعدة
باى ياجميل

dreem يقول...

لميس
ايون طبعن عارفاكى يا لولو
واه يا اوختشى الموضوع محتاج قعدة
هاه
هنقعد امتى ؟؟

سحساوي يقول...

على فكرة الكلام المرة دي مش لك يا دريم ده للاستاذ خالد
انا اعجبت جدا بالمعادلات الرياضية للخيانة اللي انت كنت كتبتها بس استوقفني حاجة و هي تعليقك المذيل بالآية القرآنية
إذا كان الطيبون للطيبات مقصود بها الرجال الطيبون يتزوجون نساء طيبات و العكس فماذا تقول عن زوجة سيدنا نوح التى كانت كافرة .
شكرا على تعليقك الجميل
و شكرا على دريم اللي بتمتعنا بموضوعات جميلة و أصدقاء تعليقاتهم رائعة

dreem يقول...

سحساوى
يعنى انت عايزنى اقولهم انك انت صاحب الفكرة ؟؟
لا يا عم مش هقول
وابسط يا خاللود حسين بذات نفسه عجبه ردك ياللا
تسلم يا حسين ودمت بخير

KHALED يقول...

من تفسير ابن كثير

الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُولَئِكَ مُبَرَّءُونَ مِمَّا يَقُولُونَ لَهُمْ مَغْفِرَةٌ وَرِزْقٌ كَرِيمٌ

قَالَ اِبْن عَبَّاس : الْخَبِيثَات مِنْ الْقَوْل لِلْخَبِيثِينَ مِنْ الرِّجَال وَالْخَبِيثُونَ مِنْ الرِّجَال لِلْخَبِيثَاتِ مِنْ الْقَوْل . وَالطَّيِّبَات مِنْ الْقَوْل لِلطَّيِّبِينَ مِنْ الرِّجَال وَالطَّيِّبُونَ مِنْ الرِّجَال لِلطَّيِّبَاتِ مِنْ الْقَوْل - قَالَ - وَنَزَلَتْ فِي عَائِشَة وَأَهْل الْإِفْك وَهَكَذَا رُوِيَ عَنْ مُجَاهِد وَعَطَاء وَسَعِيد بْن جُبَيْر وَالشَّعْبِيّ وَالْحَسَن الْبَصْرِيّ وَحَبِيب بْن أَبِي ثَابِت وَالضَّحَّاك وَاخْتَارَهُ اِبْن جَرِير وَوَجَّهَهُ بِأَنَّ الْكَلَام الْقَبِيح أَوْلَى بِأَهْلِ الْقُبْح مِنْ النَّاس وَالْكَلَام الطَّيِّب أَوْلَى بِالطَّيِّبِينَ مِنْ النَّاس فَمَا نَسَبَهُ أَهْل النِّفَاق إِلَى عَائِشَة مِنْ كَلَام هُمْ أَوْلَى بِهِ وَهِيَ أَوْلَى بِالْبَرَاءَةِ وَالنَّزَاهَة مِنْهُمْ وَلِهَذَا قَالَ تَعَالَى " أُولَئِكَ مُبَرَّءُونَ مِمَّا يَقُولُونَ " وَقَالَ عَبْد الرَّحْمَن بْن زَيْد بْن أَسْلَم : الْخَبِيثَات مِنْ النِّسَاء لِلْخَبِيثِينَ مِنْ الرِّجَال وَالْخَبِيثُونَ مِنْ الرِّجَال لِلْخَبِيثَاتِ مِنْ النِّسَاء وَالطَّيِّبَات مِنْ النِّسَاء لِلطَّيِّبِينَ مِنْ الرِّجَال وَالطَّيِّبُونَ مِنْ الرِّجَال لِلطَّيِّبَاتِ مِنْ النِّسَاء وَهَذَا أَيْضًا يَرْجِع إِلَى مَا قَالَهُ أُولَئِكَ بِاللَّازِمِ أَيْ مَا كَانَ اللَّه لِيَجْعَل عَائِشَة زَوْجَة لِرَسُولِ اللَّه صَلَّى اللَّه عَلَيْهِ وَسَلَّمَ إِلَّا وَهِيَ طَيِّبَة لِأَنَّهُ أَطْيَب مِنْ كُلّ طَيِّب مِنْ الْبَشَر وَلَوْ كَانَتْ خَبِيثَة لَمَا صَلَحَتْ لَهُ لَا شَرْعًا وَلَا قَدَرًا وَلِهَذَا قَالَ تَعَالَى" أُولَئِكَ مُبَرَّءُونَ مِمَّا يَقُولُونَ " أَيْ هُمْ بُعَدَاء عَمَّا يَقُولهُ أَهْل الْإِفْك وَالْعُدْوَان " لَهُمْ مَغْفِرَة " أَيْ بِسَبَبِ مَا قِيلَ فِيهِمْ مِنْ الْكَذِب " وَرِزْق كَرِيم " أَيْ عِنْد اللَّه فِي جَنَّات النَّعِيم وَفِيهِ وَعْد بِأَنْ تَكُون زَوْجَة رَسُول اللَّه صَلَّى اللَّه عَلَيْهِ وَسَلَّمَ فِي الْجَنَّة قَالَ اِبْن أَبِي حَاتِم حَدَّثَنَا مُحَمَّد بْن مُسْلِم حَدَّثَنَا أَبُو نُعَيْم حَدَّثَنَا عَبْد السَّلَام بْن حَرْب عَنْ يَزِيد بْن عَبْد الرَّحْمَن عَنْ الْحَكَم بِإِسْنَادِهِ إِلَى يَحْيَى بْن الْجَزَّار قَالَ : جَاءَ أُسَيْر بْن جَابِر إِلَى عَبْد اللَّه فَقَالَ لَقَدْ سَمِعْت الْوَلِيد بْن عُقْبَة تَكَلَّمَ الْيَوْم بِكَلَامٍ أَعْجَبَنِي فَقَالَ عَبْد اللَّه : إِنَّ الرَّجُل الْمُؤْمِن يَكُون فِي قَلْبه الْكَلِمَة الطَّيِّبَة تَتَجَلْجَل فِي صَدْره مَا يَسْتَقِرّ حَتَّى يَلْفِظهَا فَيَسْمَعهَا الرَّجُل عِنْده يَتْلُهَا فَيَضُمّهَا إِلَيْهِ وَإِنَّ الرَّجُل الْفَاجِر يَكُون فِي قَلْبه الْكَلِمَة الْخَبِيثَة تَتَجَلْجَل فِي صَدْره مَا تَسْتَقِرّ حَتَّى يَلْفِظهَا فَيَسْمَعهَا الرَّجُل الَّذِي عِنْده يَتْلُهَا فَيَضُمّهَا إِلَيْهِ ثُمَّ قَرَأَ عَبْد اللَّه " الْخَبِيثَات لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَات لِلطَّيِّبِينَ وَالطَّيِّبُونَ لِلطَّيِّبَاتِ" الْآيَة وَيُشْبِه هَذَا مَا رَوَاهُ الْإِمَام أَحْمَد فِي الْمُسْنَد مَرْفُوعًا " مَثَل الَّذِي يَسْمَع الْحِكْمَة ثُمَّ لَا يُحَدِّث إِلَّا بِشَرِّ مَا سَمِعَ كَمَثَلِ رَجُل جَاءَ إِلَى صَاحِب غَنَم فَقَالَ اُجْزُرْ لِي شَاة فَقَالَ اِذْهَبْ فَخُذْ بِأُذُنِ أَيّهَا شِئْت فَذَهَبَ فَأَخَذَ بِأُذُنِ كَلْب الْغَنَم " وَفِي الْحَدِيث الْآخَر " الْحِكْمَة ضَالَّة الْمُؤْمِن حَيْثُ وَجَدَهَا أَخَذَهَا " .

________________________________

أما من رأى المتواضع فى موضوع زوجة سيدنا نوح علية السلام
و بصرف النظر عن الأختلاف المبين بين البشر العاديين و الأنبياء

أن هناك نوعا من الأبتلاء قد يأتى فى الزوج أو الزوجة أو فى الولد
فنرى كثيرا رجال غاية فى الأخلاق و نرى زوجاتهم غاية فى الإسفاف و التحرر
أما كونهم إبتلاء أو لعلم عند الله نجهلة
و الله أعلم

سحساوي يقول...

للمرة الثانية اشكر الاستاذ خالد على المعلومات الطيبة و لكن أنا لم يكن قلبي يطاوعني في تفسير الطيبون للطيبات يقصد بها الرجال و النساء و إن أتيت أنت بالتفسير و لكن الذي قال هذا التفسير هو
عبد الرحمن بن زيد و قد قيل عنه الآتي
رجمة عبدالرحمن بن زيد:
و«عبدالرحمن بن زيد»:
قال أبو طالب عن أحمد: «ضعيف».
وقال عبداللّه بن أحمد: «سمعت أبي يضعّف عبدالرحمن وقال: روى حديثاً منكراً . . .».
وقال الدوري عن ابن معين: «ليس حديثه بشيء».
وقال البخاري وأبو حاتم: «ضعّفه عليّ بن المديني».
وقال أبو داود: «أولاد زيد بن أسلم كلّهم ضعيف».
وقال النسائي: «ضعيف».
وقال أبو زرعة: «ضعيف».
وقال أبو حاتم: «ليس بقوي في الحديث».
وقال ابن حبّان: «كان يقلّب الأخبار وهو لا يعلم، حتى كثر ذلك في روايته من رفع المراسيل وإسناد الموقوف، فاستحقّ الترك».
وقال ابن سعد: «كان كثير الحديث ضعيفاً جدّاً».
وقال ابن خزيمة: «ليس هو ممّن يحتجّ أهل العلم بحديثه لسوء حفظه . . .».
وقال الساجي: «وهو منكر الحديث».
وقال الطحاوي: «حديثه عند أهل العلم بالحديث في النهاية من الضعف».
وقال الجوزجاني: «أولاد زيد ضعفاء».
وقال الحكم وأبو نعيم: «روى عن أبيه أحاديث موضوعة».
وقال ابن الجوزي: «أجمعوا على ضعفه»(1).
أخيرا وليس آخرا شكرا لكم مرة اخري على الاهتمام
و اعتذر للأخت دريم و إذا كانت مناقشاتنا اصبحت على مدونتها فإذا كان الأمر يسبب أي حرج عليها تنبيهنا

dreem يقول...

سحساوى
البيت بيتكم وخدوا راحتكم والمشاريب عليا كمان
ياللا يا خالد رد ما انت اللى جيبته لنفسك
ماهو لا يفتى ومالك فالمدينة
مانا اصلى نسيت اقولك ان حسين داااااااااارس حاجات كتيييييير
ههههههههههههههههههههههه
عجبنى اوى كده بس اوعى تضربوا بعض