بنوتى الصغيرة جاتلى المطبخ ومسكت ايدى وباستها .. عادى
دا بالنسبة لكم
بالنسبة لى انا بقى دى مقدمة لطلب ما المهم ما اطولش عليكم وحد بليز يقولى طولى
باست ايدى عديتها .. باسيتنى بوستها قالتلى اييه :
قالتلى انا عايزة اعمل حاجة ,, قلتلها ايه ؟؟
قالتلى عايزة اعمل كيكاية بالكاكاو رديت بكل تلقائة وقلتلها اعملى
انشكحت وقالت فيا شوية شعر ولا جميل بثينة
واتصلت بالسوبر ماركت طلبت الحاجة اللى ناقصة ودخلت المطبخ وابتدت تعمل الكيكة وكل شوية تيجى تسألنى فحاجة تقولوش اسم الله عليا كنت شيف حلوانى قبل كده وانا مش دريانة ؟
المهم
اتعملت الكيكة واهى البونية دخلت المطبخ تقطعها وتجيبلنا وهندوق عمايل ايديها وحياة عنيها ويامسهل ما ممكن تطلع حلوة على الرغم من انها لا تفقه شىء فى المطبخ الا عمل البيض علشان ما اكونش كذابة
ملحوظة كبيييرة
الكيكة بجد طلعت تحفة واهو بقى عندى طباخ وحلوانى
واتفضلوا معانا
هناك 19 تعليقًا:
ياسلام ياسلام
و انا اطول برضه
طيب انتي كنت مستيالها غلطة و اهه الكيكة طلعت تحفة زي ما بتقولي
انا لو منك
انتهز الموضوع ده فرضه و ادخلها المطبخ بأه
اهه تجرب فيكي قبل ما تجرب في ابن الحلال
انا كنت بعمل في بيت ماما كده
بس ماقدروش قيمتي غير لما مشيت من عندهم
باركيلها نيابة عني
ربنا يخليها ليكي طيب كويس انا فاكره او حادثه ليه مع الكيكه بعد ما خطيت كل حاجه طلعت اقول لماما هى بيتخط عليها دقيق ولا كده خلاص وطبعا مش نسياها ليه لدلوقتى هههههههه
اية عزومة المراكبية دية
فين الكيكة؟؟؟
انا عايزة حتة مليش دعوة
سلام عليكِ
اة صحيح
ربنا يخليهالك يا رب
د
و يجعلها الذرية الصالحة
آمين
مونى
ماهو انتى مش واخدالى بالك ان دى الانسة ميرو مش ايمو يعنى لسة بدرى على ابن ال... حلال ههههههههههههه
وتوصل مباركتك ربنا يبارك فعمرك وتشوفى لولو قدها واكبر يا ختشى
ابى
ربنا يخليكى يا قمراية
طب انتى ونسيتى الدقيق حاجة هينة يعنى
انا افتكر مرة قمت احمر بطاطس حطيته فالزيت وقعدت اقلب فيه طلعلتى فتافيت سوداودى كانت نهاية البطاطس معايا
هههههههههههههه
نورتينى يا قمراية
نعكشة
ربنا يخليكى انتى كمان يا جميلة
وبالنوسيبة للكيك تعالى واللى يرجع فكلامه ننعكشله شعره
هههههههههههههههههه
يالهوي لو ماما قرات البوست ده هتعد تقولي بصي لسه صغيره خالص اهي ويتدخل المطبخ وتعمل كيكه وحلوه كمان مش زيك هتجوزي ولسه مابتعرفيش تعملي حاجه ولما حتى بدخل بعملها وحشه
عموما شكرا على التهزيق وتسلم ايدها يارب وعقبالي لما ادخله وانا لسه في بيت بابا لحسن شكلي هدخله بالغصب في بيته ادعيلي
ربنا يخليهالك يارب
بس شكلها صغنونه لسه عالحاجات دى فكويس اوى انها فكرت فكدا اذا كنت انا ياللى هوا انا وشوفى عندى كاااااام سنه
18 طبعا بلاش احراج
ومعرفش اعمل الكيك دى جربت اعملها مره بطريقه اسامه السيد وكانت سبونجى وايييييه فله وحطتها فالفرن ولقيتها عليت كدا ونفشت وفجاه فسسسسسس بقت هيا والصينيه حته واحده بس اكيد العيب فالفرن ابت اللذينا دا
حاسوباتية
وحياتك يا اوختى دى اول مرة تدخل تعمل حاجة فالمطبخ بس نقول ايه اول ما شطح نطح هههههه
انتى بقى ما تشيليش هم اتجوزى وابقى عكى اى عك لغاية ما تتعلمى ولا يهمك
وياريت تخلى مامتك تقرا البوست ده يا اوختى علشان افرح فيكى هههههههههه
انا حرة
ربنا يخليكى يا صغنونة .. دا على كده بنتى الكبيرة اكبر منك بشوية يالهوى هو انا عجزت كده ؟؟
بالنوسبة لموضوع الكيكة اللى عليت فالفرن وفسسسس مرة واحدة فده يا جميل مش عيب فالفرن نو نو نو
دا عيب فاللى فتحت الفرن لانه المفروض ما يتفتحش الا بعد شوية مش فاكرة قد ايه
وتعيشى وتعملى غيرها
تحياتى
طيب دى انتى تنحسدى بقى
بوسة و كمان كيكة
ياريت كل البوس يكون نتيجته حلوة كده زى الكيك
انا فاكرة ان وانا 15 سنة كنت بعمل كيك حلو .. و ده علشان اهرب من المذاكرة .. لكن دلوقتى خلاص مبعملش و نسيت كمان الطريقة ..و ده بردو هروب بس من المطبخ :)
بالف هنا لكم الكيكة و يارب دايما تفاجأك كده بحاجات حلوة
قوس قزح
بوس وكيك واقولك على حاجة كمان .. وهى معدية جنبى تبوسنى وافتكرها هتحضنى ياختشى الاقيها هوبا شالتنى هههههههههههه
وبعدين فيه حد يهرب من المذاكرة بعمايل الكيك ؟؟
انا زمان بقى كنت باكل اكل اكل لما وصلت لفيل صغير دلوقتى بنام
نورتينى يا دودو
العزيزة جدا دريم
يعنى حرام عليكى .. شوقتينا .. وقاعدين مستنيين وآدى عزومة مراكبية
كل سنة وانت لآمالك أقرب .. جعل الله أيامك كلها خير وسعادة
شريف
الا انت دى الكيكة توصل لغاية عندك
انت بس اكتبلى العلوان ومالكش دعوة ههههههههه
دى كفاية الذكريات اللى انت بترجعهالى
ولا تشريفك عندى
بس قول لى عايز حاجة ساقعى بيبس مع الكيك ولا شاى ؟؟
دمت بخير
بالهنا والشفا ممكن بقى كباية شاى يلبن عشان نبلع الكيكة التحفة دى !!
هانى زينهم
بس كده عينى يا فندم ونديها بقى فنجان قهوة مظبوط بعدها علشان تحبس هههه
كل سنة وانت طيب هانى وسنة هجرية سعيدة عليك وعلى اسرتك
تقبل تحياتى
لا سوري انا عامل دايت
ههههههههههههه
عابد الرحمن
طيب بلاها الكية دى تاخد رغيف عيش سن
لزوم الرجيم بقى هههه
نورتنى
إرسال تعليق