الأحد، 9 مارس 2008

ونقول كمان ازاى نربى ولادنا

ردا على همسة
بصراحة كده ومالاخر صعب اوى انى اعمل مقارنة بين تربيتى وتربيتى لولادى !!
اللى انا فكراه انى كنت بقاوح وبناقش وبشغل دماغى بس مش بالطريقة دى ابدا .. ولا كنت عنيدة كده انما الاخوة كرامازوف اللى انا مخلفاهم اااااااااااااااااااااااااااه هيجننونى
اولا الاتنين غير بعض فكل حاجة فالطباع والشخصية والهوايات والاهتمامات حاجة متعبة جدا انى اتعامل مع شخصيتين مختلفتين فنفس الوقت واحاول ارضيهم بشتى الطرق والكبارى .. لما كتير بحس انى بلعب عالحبل فسيرك الحلو
بس يمكن الميزة اللى انا شيفاها ان الاتنين مع بعض مجتمعين (بالنسبة لى ) بيعملوا شخص كامل (والكمال لله طبعا)
يعنى الانسة الكبيرة حنووووووووونة لاقصى درجة والانوسة الصغيرة عاقلة لدرجة مستفزة
دا على سبيل المثال ..
تحياتى وتقديرى للامهات وعلى رأسهم امى الحبيبة وقرة عينى ادامها الله لنا.. قولوا امين

هناك تعليقان (2):

المُهاجر يقول...

الأخت الكريمة
بداية أحيي فيك الروح الخفيفة في الكتابة واسلوبكِ الطريف
ولكن أستسمحكِ في تقبل ما سوف أقوله ..

أولاً في الموضوع الأول والثاني هناك تعليقان لم تقومي بالرد عليهما !!
فإذا كنت لا تردين أن يشاركك أحد في كتاباتكِ فتستطيعين غلق هذه التعليقات وبالتالي التقوقع لأن كل من يضع لكِ تعليق هو في حقيقة الأمر أشبه بضيف حل بداركِ، وإكرام الضيف يكون بالرد عليه وإلا لن يعود مرة أخرى.

ثانيا حجم الخط صغير جداً ذكرني بمدونة همسة أول الأمر ، وهناك عواجيز زي حلاتي بيكون نفسه يقروا لكن صغر حجم الخط بيخليهم يبلغوا فرار ، واللي بيجاهد علشان يقرا بيمقق عنيه.

أنا أسف طبعاً على هذا الكلام لكن انا شفت من واجبي اني اقوله لكِ خصوصاً واني لاحظت ان كتاباتكِ خفيفة الظل جداً

مع خالص تحياتي

dreem يقول...

الاخ المحترم المهاجر
بداية اشكر حضرتك على تشريفك للبلوج واشكرك على كلامك الرقيق
ولسيادتك التوضيح الاتى:
عدم ردى على التعليقين هو انى ما عرفتش لانى كنت عملت حاجة فالاعدادات وكالعادة نسيت ايه هى ( السن بقى والزهايمر) ولكننى ابدا لا اريد التقوقع ولا استطيع الا الشكر لكل من تكرم بزيارتى فالبلوج المتواضع وله منى الف تحية .
اما بالنسبة للخط فسوف اراعى ذلك مستقبلا ولا داعى للاسف مطلقا
تحياتى