اميرة بتمتحن وما ادراكم ما الامتحانات عند اميرة .. توتر وعياط وقلق وعدم نوم وبرم فالشقة رايح جاى وشكوى من الام مبرحة من ضهرها ورجليها ورقبتها وطبعا طبعا ما بتسمعش الكلام لما اقولها اقعدى وانتى بتذاكرى لانها مؤمنة ايمان راسخ انها بالبرم بتنجز اكتر واهو ربنا يعدى الامتحانات على خير
ايمان لسة هتبتدى بعد بكرة امتحاناتها وربنا يوفقها وينولها اللى هى عايزاه ,, سمعونى ااااميييييين
النهاردة عيد ميلادى ال41 صحيت مالنوم على رنة جرس الباب ولقيت احلى مفاجأة ... نورا ودودو وشاهى وبناتها وتورتاية وهابى بيرث دايو تو يو وهدايا وفوقهم حب بيبان من نظرة العين ويتحس حتى بالحضن
حلو اوى انى افتح عينى على ناس انا بعشقهم وبحس معاهم ان ربنا بيحبنى اوى لانه رزقنى بقد كده ناس جميلة من جوة ومن برة
حلو حب الناس اوى بيغير طعم الايام
انا مبسوطة الحمد لله وراضية
ماما واخواتى واصحابى وبناتى واصدقائى .. أنا بحمد ربنا عليكم لانكم فعلا فضل ومنة من عنده
وكل سنة وانا راضية يارب
الحمد لله الذى لا يحمد الا الاه
فوتكم بعافية
هناك 8 تعليقات:
كل سنة وانتى طيبة يا حبيبتى
وربنا ينجح البنات ويعدى الامتحانات على خير
وش واحدة مبتسمة
كل سنة وانتي طيبة يا دودو
ويارب دايما راضية
ربنا يوفق البنات فى امتحانتهم
وان شاء الله ناجحين
سلام
اختك خيخة
موناليزا
وانتى طيبة يا حبيبتى وربنا يحقق لك امالك
------------
بت خيخة
احب الوش ده انا
وانتى طيبة يا غالية وربنا يراضيكى
ويارب تخلص السنة دى بقى لحسن انا اوف كده
كل سنة وانتي طيبة وعقبال مليون سنة وربنا يحبب فيكي خلقة كمان وكمان لان دي أحسن نعمة ربنا بينعم علينا بيها ويارب يعدي الامتحانات ع خير لاني جبت جاز دعواتك:)
بكرة احلى
وانتى طيبة يا حبيبتى وربنا يخليكى عالدعوة الحلوة دى وان شاء الله ربنا يوفقك فالامتحانات وياريت تخلى الجاز بترول علشان نكسب من وراكم هههههههههه
هههههههههههههه يا سلام انتى تؤمرى عنياا
كل سنة وانتى طيبة وربنا يديم عليه نعمته ومحبته
وبالتوفيق لاميرة ان شاء الله
تحياتى
همس الاحباب
ازيك يا خالد ان شاء الله تكون بخير انت واهل بيتك
وكل سنة وانت طيب ربنا يخليك ويتقبل دعائك
إرسال تعليق