الاثنين، 17 يناير 2011

عايزة اقول تيييييييييييييت

البوستات الاخيرة اللى كتبتها بت خيخة واى كلام حرقتلى دمى جدا وليا فيها رأى عايزة اقوله وأجرى على الله
عايزة اقول للراجل اللى يتجوز على مراته من واحدة مستريح لها ومعاها .. مهما يحصل ما تطلقهاش وتتحرق مراتك بجاز وسخ
لو انت كنت اتجوزت مراتك التانية دى بكاامل اقتناعك وارادتك وفعلا مستريح معاها ولا يهمك ولا تعمل حساب لاى حد
يابنى البنى ادم بيعيش مرة واحدة بس ومش الطبيعى انك تفضل تعبان او موجوع او حاسس انك مش عايش او انك مخنوق ومش عارف تتنفس بس علشان عيال انت مخلفهم !
ماهى العيال كده كده بتاعتك ومهما يحصل هيفضلوا شايلين اسمك . انا عايزة اقولك : استرجل لا مؤاخذة ومن غير ما تشرب بيريل
اثبت على مواقفك ودافع عن حقك وبلاش الخنوع والخضوع لرغبات الكونتيسة عزيزة مراتك جاتكم القرف .
بس خلاص

هناك 4 تعليقات:

Mony يقول...

:)
وحشتينا يا شيخة
قلت ادخل اطل اشوف اخر اخبارك لقيتك بقالك كتييييييييييير مافيش اخبار


بس بوست من جوة
ربنا يسعدك و يفرحك ببنوتاتك:)

dreem يقول...

mony

ازيك يا بنوتى عاملة ايه والعيال والدنيا
انا يا ستى كنت عامة الزايدة وده سبب قة الاخبار ههههههه وظروف البلد معكننة عالكل وربنا يسترها بقى
تسلمى مون وما اتحرمش من سؤالك

غير معرف يقول...

هههههـ
أول مرة أشوف ست بتقول الكلام ده

طب والزوجة الأولى ملهاش مشاعر ولاإيه؟

dreem يقول...

غير معروف

ست اولى ولا تانية ماهم الاتنين بنى ادمين
الحكاية مش بالاقدمية يا سيدى الفاضل
ثم اللى يخلى الراجل الطبيعى اللى مشة طفس يعنى يدور على زوجة تانية شعورة بالافتقاد لشىء ما ودا فالغالب بيكون تقصير من الزوجة الاولى واللى بتكون نايمة فمية البطيخ ومش باصة الا فى مرايتها وبس
ودى كلمة حق مالهاش دعوة بكونى ست ولا راجل
تقبل تحيتى