الحب :
كتير بيخلينا نشوف كل حاجة بطريقة بعيدة عن الواقع ,
الوحش بيكون حلو فى نظرنا لمجرد اننا حبينه
القسوة والظلم بنطلع لهم مليون مبرر
ولما بنتوجع
بتبان كل حاجة على حقيقتها
الحب بيتوارى ومعاه كل الاقنعة بتقع وبنشوف من غير رتوش
الحقيقة اللى كان المحيطين بيشوفوها وبينبهونا وبيحذرونا منها واحنا كنا فى غفلة , سدين ودانا وقافلين عنينا وماشيين ورا مشاعرنا
مراية الحب عميا يا ريت نقدر نكسرها قبل ما يفوت الاوان
هناك 7 تعليقات:
حقيقى
الحب بيجمل حاجات كتير وعيوب كتير وبيداريها
ومش بنشوفها ولا نكتشفها غير متأخر
لما بنكسر المرايا فعلا
هي فعلا بتداري كتير اوي
والمفروض نكسرها علشان مش نظلم نفسنا في اختياراتنا
بس ليها ميزة واحدة.. بعد الجواز اعتقد ان اللي بتداريه بيخلي الحياة تمشي
ميس فينوس
المهم اننا نكسرها .
انتى ازيك ؟
----------
مجرد حلم صغنتوت
طب افهم ايه انا بقى ؟
ماهو لو مش هنظلم نفسنا فى اختياراتنا ههههههه
مش هتلاقى الميزة
بصى
مش دايما الجواز القائم على الحب بيستمر
لان مع الاسف فى الحب ماحدش بيشيوف عيوب التانى (نظرية المراية )
وانا اعتقد ان الحب ماهو الا قبول وارتياح وتعود
انما جوليو ورومييت ههههه
مفيش منهم
اخبار حلمك ايه ؟
انا كسرتها بس بعد مخسرت للاسف كتير
انا اه خسرت كتير لكن برده عندي امل ان اللي جي احسن وكسرتها قبل مخسر كل حاجه
غير معروف
كسرتها بعد ما خسرت ؟
ولا كسرتها قبل ما تخسر كل حاجة ؟
كسرتها بعد مخسرت حاجات كتيره لكن لسه في وقت لاني مخسرتش كل حاجه في حاجات لا بأس بيها لسه مخسرتهاش فكسرتها علشان اقدر احافظ عليها
وصلت ؟
غير معروف
يعنى اتبعت نظرية : اللى اتكسر يتفشفش وخلينا فاللى احنا فيه بلا هم !
ممممممم
طيب
لعل اللى جاى خير
إرسال تعليق