يا جمال المصريين لما يحبوا يعملو حاجة ,, مفيش حاجة تقدر تمنعهم ... يفرحوا القلب ويسعدوا ما شاء الله عليهم .
اه لو بس يلاقوا شغل ويرتاحوا فحياتهم كانوا بقوا حاجة تانية
وياسلام لو نتجمع زى ما اتجمعنا كلنا كلنا و نحاول ننضف بلدنا وشوارعنا وبيوتنا واشغالنا اكيد اكيد هننجح
وهنفرح .
كنت بتكلم مع البنات فى الحكاية دى وبقولهم لو احنا اللى فالبيوت وال100000 اللى فى الاستاد واللى عالقهاوى اتلمينا علشان ننضف الشوارع تفتكروا هناخد قد ايه من وقت ؟
ردت ايمان وقالتلى 5 دقايق
حلوة يا بلدى بشبابك ورجالك وبناتك وستاتك .. حلوة بلمتنا وتشجيعنا لبعضينا وهتبقى احلى لو نضيفتى على ادينا
هناك 5 تعليقات:
بلدنا حلوة اوى اوى وجميلة بس اظاهر ان العيب فينا احنا
وعلى راى صاحبتك لو حطينا ايدينا فى ايد بعض مش هناخد خمس دقايق
بس احنا نتلم ونتجمع وبلدنا تبقى احلى بلد فى الدنيا
شفقة واحسان
ازيكم عاملين ايه ؟
وانا كمان متهيألى كده ,, كل واحد يقول وانا مالى أو اشمعنى انا ؟
واللى قالتلى كده بنتى هههههههههههه
نورتونى
حلوة يا بلدى لما معدنك الاصيل يظهر وقت الشدة
وانا متفق مع ايمان مش هناخد 5 دقايق
احنا ملايين كنا فى الشوارع وكلنا خرجنا فى اقل من 5 دقايق
بس الفرحة حلوة
والزبالة لا لا
هههههههه
تحياتى
المهم فعلا أن نتفق
فكرة جميلة نظافة الشوارع
تحياتي
همس الاحباب
ههههههههههههههههه ماكنتش عارفة يا خالد ان لعب الكورة وقت شدة
تعرف انى ما بقبلش اتفرج عالكورة !! ضغطى بيعلا بعيد عنك بس امبارح اللى خلانى اتفرج الاعلانات السابقة للماتش والاغانى كمان وطبعا طبعا البنات مع انى كنت بقولهم هما مهتمين كده ليه بالماتش ؟
يكونش هيدخلنا الجنة مثلا ؟
وحسنى مبارك راح يشدمن ازر اللاعبين اسم الله عليه وما راحش يعزى ام مصطفى ليه لما ابنها مات من الاهمال الطبى ؟؟
ولو اننى عارفة ان دى اعمار
هيييييييييييييييييييييه ياللا هقول ايه ولا ايه
سلام خالد
--------------------
مايكل
فعلا المهم اننا نتفق
تعرف انا فكرت اننا نعمل حملة فى مدوناتنا واللى فيه زيها عالفيسبوك كمان وزى ما بنتجمع نتبرع بالدم وبالهدوم .. نتلم برضه وننضف .
تحيتى مايكل
إرسال تعليق