الجمعة، 14 أغسطس 2009

كل سنة وانتم طيبين



رمل فى الكلى .. ارتفاع رهيب فالدهون الثلاثية والكوليستيرول مصحوب بورم فالجثة
هو ده حالى الفترة اللى فاتت ولله الحمد من قبل ومن بعد
عدا ذلك فكله فالتمام
ايمان الحمد لله نجحت وخلصت كورس كمبيوتر وكورس انجليزى وبتروح الجيم
وهنبتدى دروس الثانوية الغارقةللانسة ميرا وربنا يعديها على خير يارب واخرج منها بدون علة .
كل سنة وانتم جميعا طيبين وربنا يعيد عليكم وعلى المؤمنين والمسلمين جميعا بالخير وربنا يبلغنا رمضان ويتقبل منا جميعا صالح الاعمال ويتجاوز عن سيئاتنا اللهم امين
دعواتكم

هناك 19 تعليقًا:

عمرو يقول...

سلامتك ألف سلامه ..
ربنا قادر يشفيكى و يشفى كل الناس من أوجاعها ..
بس واضح كده من اٍرتفاع نسبة الدهون الثلاثيه و الكوليسترول أنك مش بتحافظى على نوعية الغذاء و بتكثرى من الدهون فى الأكل و ده طبعا مش صح اٍلا اٍذا كان العامل الوراثى تدخل فى المشكله دى فيبقى الحرص الشديد واجب ..
سلامتك و نتمنى نسمع عنك كل طيب اٍن شاء الله و كل سنه و حضرتط طيبه و بألأف خير ..
تقبلى تحياتى و تقديرى ..

أبو كريم يقول...

اللهم أمين وحمد لله على سلامتك

ورمضان كريم

موناليزا يقول...

الف سلامة عليكِ يا جميل
شدى حيلك ولازم تخفى بسرعة عندك بنوتين زى القمر ومحتاجين يزهقوا فيكِ:)
وكل سنة وانتِ طيبة

طوبه فضه وطوبه دهب يقول...

كل سنه وانتى يارب وكل امه المسلمين بالف خير وصحه وسعاده واعاده الله على الامه الاسلاميه بكل خير ويمن وبركات

dreem يقول...

عمرو
الله يسلمك يارب
ونعم بالله .. هو الشافى
والله يا عمرو انا باكل الاكل العادى ما بحبش الدهون ولا الاملاح بس برضه ما بحبش السوتيه هههههههه
اصلى باكل بعينى .
وممكن فعلا يكون وراثة لان ابويا رحمة الله عليه وعلى امواتنا كان كده وامى كمان ربنا يشفيها ويخليهالنا
الله يسلمك من كل سوء يا عمرو ويديلك الصحة
وربنا يبلغك رمضان ويتقبل منك صالح الاعمال .. كل سنة وانت بألف خير
كل التحية



-------------------

أبو كريم

الله اكرم والله يسلمك
كل سنة وانت طيب

-------------------

موناليزا
ازيك يا جميلة .. ان شاء الله تكونى بخير
الله يسلمك وشادة اهه بس ابقى اطمنى عليا يا اوختشى لحسن شكلى مش هستحمل التوتر اللى جاى ههههههههه
كل سنة وانتى طيبة ربنا يراضيكى

----------------------
طوبة ذهب وطوبة فضة
اللهم امين .. ربنا يتقبل منك
ورمضان كريم

عاشقة القمر يقول...

كل سنه انتي طيبه سلامتك الف سلامه

micheal يقول...

كل سنة وأنتي طيبة
تحياتي

خالد الاسكندرانى يقول...

Happy Ramadan to you

غير معرف يقول...

كل سنة وانتي طيبة رمضان كريم

dreem يقول...

عاشقة القمر
كل سنة وانتى طيبة ورمضان كريم
تحياتى

dreem يقول...

micheal
كل سنة وكلنا طيبين
كل التحية

dreem يقول...

خالد الاسكندرانى
الله اكرم
كل سنة وانت طيب

micheal يقول...

كل سنة وأنتي طيب ورمضان كريم وألف سلامة عليكي
تحياتي

داليا ..قوس قزح يقول...

غسل الله قلبك
بماء اليقين
و اثلج صدرك
بسكينة المؤمنين
و بلغك
شهر الصائمين

.. * * . * * .
.* . . * . . *
* . رمضان . *
. * .كريم. * .
. . * . * . .
. . . * . . .

امل يقول...

الف سلامه يا حبيبتى
واشاركك الالام
انا كمان عندى بنتين
بس عقبال عندك واحده متزوجه وعندها مصطفى عقبالك يارب لما تشوفى احفادهم
حب الحفيد ده ..سبحان الله حاجه ماتتوصفش

كل سنه وانتى طيبه وفى احسن حال واحسن صحه
انا بحب كل الامهات وبحبك فى الله
تنياتى بتواصل دائم

غير معرف يقول...

7abeet a2olek kol sana wenty taiba. Inshalla tefra7y be banatek eletneen wenty be se77a we 3afya we tshofy awladhom we teb2y Jeddah wenty lesa bardo sha2eya.
Babtek
Raafat

dreem يقول...

قوس قزح
ربنا يبارك لك ويعيد عليكى وعلى اسرتك الايام بخير دايما يارب ورمضان كريم وربنا اكرم
كل التحية


-----------------

ماما
كل سنة وانتى طيبة والف سلامة عليكى من الالالم يا تيتة وربنا يخليلك بناتك وحفيدك واللى جاى من الاحفار .. ربنا يزيد
وما تقوليليش على غلاوة الاحفاد لانى بقيس غلاوتهم وبحسها مع امى لدرجة انى ساعات بغير من بناتى واقولها : على فكرة انا اللى بنتك مش هما هههههه
كل سنة وانتى وبناتك واحفادك طيبين وربنا يزيدكم ..ما تنقصوا
كل التحية لك ولاسرتك



----------------


غير معروف
بابتى رأفت .. وحشتنى يا بابا وكل سنة وانت طيب يارب وعمر بألف خير ابقى كلمنى يا عم بدال ما تبعتلى تعليق هههههههههههه
عامة انت نورت المدونة ووحشتنى يا بابايا
كل سنة وانت طيب

Sameh Ezzat - (خواطر خاطر) يقول...

الف سلامه يا ميس دريم .. لازم اقول ميس مينفعش اقول دريم كده حاف بعدما شوفتك يوم افطار ابو الريش ... لازم تاخدي بريستيجك برده هههههه

بصراحه انا لسه عارف المدونه اليومين فعشان كده الف سلامه متأخره شويه بس معلش

..
لفت نظري ان حضرتك شخصيه جريئه مش بيهما حد يعني مش خجوله زي معظم البنات يعني وشايف العكس تمام في بناتك حسيت انهم هادين زياده عن اللذوم

...
يمكن لا اكيد حضرتك مش فاكرني بس انا هفكرك انا مفين انا واحد من الناس اللي كانوا قاعدين في الترابيزه اللي ادامك وكانت لما اجي اقوم اجر الكرسي فيعمل صوت يخلي الجسم يأشعر وكنتي هتقومي كذا مره عشان تضربيني بس الحمد لله بعتزر كل مره قبل ما تقومي هههههه

..........
في النهايه انا كان نفسي اتعرف علي حضرتك بس للاسف محصلش..:)

بس يكفي اني انا عرفتك ولسه بقا هعمل لفه في المدونه بتاعتك كده عشان اشوف الشخصيه المخيفه دي ياتري كتابتها مخيفه برده ولا ايه . .. ربنا يستر
اه الف سلامه ودعائي لبناتك القمرات انهم يتفوقوا دايما يارب

dreem يقول...

سامح عزت
اهلا بيك يا فندم ونورت
حلوة ميس دريم دى كأنى ابلة الناظرة !
الغريب انك بتقول عليا كلام انا ما اعرفوش .. جريئة وما بتكسفش بس ماعلينا .
عامة كل سنة وانت طيب ومتشكرة على الزيارة والدعاء الجميل وربنا يتقبل منك
تحياتى