الاثنين، 6 أبريل 2009
فقدان الذاكرة
اوقات كتير بتعدى فحياتنا حاجات بتأثر فينا وبتوجعنا ,, ويمكن من كتر وجعها او تأثيرها ما بتتنسيش !
وبنفضل شايلين الذكريات وماشيين بيها فى حياتنا ..اللى بتكون فقدت طعمها ,, ووقتها بيكون لازم علينا نتخطى كل الذكريات دى ونكمل حياتنا او بمعنى اوقع نبتدى حياتنا من الاول
دا الكلام اللى العقل بيقوله !
ودى النصايح اللى اى حد ممكن يقولهالك :
صفحة واتقفلت ما ينفعش ترجعلها .
ورقة من كتاب حياتك اقطعها وارميها .
بلاش تبقى زى اللى رقصوا عالسلالم !
صح الكلام .. واقعى وسليم بس تنفيذه صعب جدا
الصفحة اللى بيكون مطلوب مننا ما نرجعلهاش او نقطعها مش ورقة .. دى احاسيس ومشاعر اتحفرت جوانا واخدت مننا وقت وممكن عمر وجايز تكون حلم أو امنية
ياريت كانت المشاعر بيتعمل لها ديليت
من كام يوم كنت بفكر مع نفسى واقول : يا سلام لو الواحد يصحى مرة مالنوم ناسي كل حاجة ,, و يبقى ممسوح زى الورقة البيضا .. يرجع زى ما اتولد من غير ذكريات
لقيتها امنية مستحيل تحقيقها !
قالوا الحزن بيبتدى كبير و بيصغر مع الايام ..
ومع ذلك ..
ساعات الحزن بيزيد مع الايام وما بيبقاش له علاج .. هو مش حزن حزن
هى حاجة كده مالهاش تعريف ,, تحس انك مش حاسس ,, مش مستطعم !
حلو فقدان الذاكرة .
الاشتراك في:
تعليقات الرسالة (Atom)
هناك 18 تعليقًا:
فيه مقولة كنت قراتها وبحاول جاهدة تطبيقها وهى فيما معناها"اسعد الناس من شغل وقته فلا يدرى ان كان سعيدا او تعيسا"
يعنى حاولى تشغلى وقتك دايما حتى عن التفكير واستعادة الذكريات
طريقة مجربة بجد جربيها:)
موناليزا
ازيك ؟
حبيبتى انا ما عنديش وقت اشغله بس برضه ما بعرفش اوقف عقلى عن الشغل
امى ربنا يخليها دايما برضه تقولى : اشغلى ايدك مش هتفكرى !
تعرفى .. لما بيكون ورايا حاجة وما بلحقش اخلصها بحلم انى بعملها وانا نايمة ,, يعنى افتكر مرة البنات كانوا طالبين كشرى عالغدا نمت بالليل والمفروض اقوم الصبح اعمل الغدا بقى
وحياتك يا اوختى حلمت انى عملت الكشرى وانا نايمة ههههههههه
شوفيلى حل تانى وانا اديلك جنيه فضة
تحياتى
يا سلااااام ما أحلى فقدان الذاكره ..
بس مين بقى اللى يقدر ينسى اللى هو عاوزه و يفتكر اللى هو عاوزه ؟؟
مافيش حد أعتقد ..
علما أن من رحمة ربنا بينا أن العقل الباطن بيخلينا ننسى أحداث و ذكريات كتيره قد تكون مؤلمه لينا علشان مانعيش معذبين بذكراها و حتى ده برضو مش كل الناس بتقدر تتطوع عقلها الباطن و تسيبه يعمل شغله الطبيعى اللى ربنا خلقهوله و يتدخل فى هذا العمل بالعقل الواعى و يظل يحيا على ماضى و ذكريات مؤلمه ..
سيبك أنتى النسيان نعمه ..
عمرو
اى والله النسيان نعمة ربنا ينعم بيها علينا
دمت بخير
وليه نرجع لورا لما لسه فيه قدام
soly88
المشاعر صعب التحكم فيها .. اللى بتتوجع المشاعر واللى بتتغير برضه المشاعر
الرجوع ما بيكونش بمزاجنا !
تحياتى
هى حاجة كده مالهاش تعريف ,, تحس انك مش حاسس ,, مش مستطعم !
انا موافقه على فقدان الذاكره
يبقى اريح والله
عاشقة الرومانسية
مش كده برضه ؟
خلاص هحجز لك معايا
وجعاني يا دودو بقالك كام بوست
طيب مش فقدان الذاكرة ده هينسيكي حاجات حلوة حصلتلتك في حياتك
ممكن تتخيلي تنسي ولادك مثلا
ممكن تتصوري انك ماتعرفيش تتعرفي عليهم
ولا مامتك
اللي بتموتي فيها
(ربنا يخليهلك و يباركلك فيها)
تحبي تنسيها و ماتفتكريش عانها حاجة
ماتبصيش للي قدامك بعين واحدة
بصي بعنيكي الاتنين علشان تشوفي كل الجوانب
المضئ و اللي مش مضئ
هتلاقي ان في جانب كبيييير جدا مضئ بس انت مش واخدة بالك منه و عينك رايحة علي الضلمة اللي ألماكي
بذمتك مش اللي انت فيه دلؤتي بألمه و تعبه احسن
"لو علمتم الغيب لاخترتم الواقع"
و حشتيني كتيييير و وحشني اتكلم معاكي
مونى
انتى كمان وحشتينى يا اوختشى
شوية كده وابقى كوووووول.. هى العمرة جاية فوقتها كريم ربنا
بوسيكى
كلامك صح
بس كمان لو الواحد نسى كل حاجه ورجع صفحه بيضاء اظنه مش هيكون سعيد ولا حاجه
الزكريات المؤلمه احيانا بتكوندافع للواحد علشان يعمل حاجه فى الاتجاة المعاكس مش لازم يكون الغلط بس ده شى موجود
انا عن نفسى باخد فترة الصدمه براحتى اوى وبمزاج يعنى ههههههههه
علشان ساعه ما بقول كفايه الحمدلله بقدر اطلع من الكلام ده
سلاااااااااااام
امبارح كان عمرى عشرين
الاول اهلا وسهلا
انت بقى عايز تقول الخبطة اللى ما تكسركش .. تقويك ؟؟
اتفق على المقولة دى وبشدة ,, بس تعالى نبص لها من زاوية تانية
الخبطات الكتيرة ممكن تعمل ايه ؟؟؟
تحياتى
اتفق على المقولة دى وبشدة ,, بس تعالى نبص لها من زاوية تانية
الخبطات الكتيرة ممكن تعمل ايه ؟؟؟
_______________
مش عارف بس ممكن وقتها يبقى يقول يارتنى كنت صفحه بيضا
هيلاحق على ايه ولا ايه :D
امبارح كان عمرى عشرين
يارب ما تقول ابدا ياريتنى كنت صفحة بيضا
تمنياتى لك بحياة سعيدة
تحياتي
يمكن المقولات التي وردت في البوست تكون صحيحة...لكن الافضل من ذلك ان نعيد ترتيب اذهاننا....فندفع بهذه الاشياء الي منطقة اللاشعور بالمخ او العقل...
الي حين الاستفادة منها كتجربة مررنا بها
فنتعلم منها.
اما منطقة الشعور او بؤرة الشعور فالافضل ان تظل دائما صافية لا شيء يعكر صفوها...حتي نستقبل الجديد من خلالها....
فقط نحاول اعادة الترتيب و اعتقد انها تجربة تستحق العناء قليلا لان عائدها كبيرا.
تحياتي و تقديري
الربان
اهلا بيك
كلامك حلو بس معكوس !
ترتيب الافكار لا يتأتى الا لذوى المشاعر الصافية او الذين لا يتمتعون بالمشاعر ,, انما هؤلاء الذين يتبعون مشاعرهم فأنهم يتبعونها وحسب .. بلا تفكير أو منطق .
تحياتى وتقديرى
عزيزتي دريم،
النسيان نعمة كما قلت،و كل منا
لديه ذكريات أليمة،نتمنى أن تغسل
من مخنا لحجم الألم الذي تحدثه
في قلوبنا، لكن العمر أقصر من
أن نمضي فيه و لو للحظات الحزن
على الماضي، يجب علينا بشتى الطرق
مقاومة أي محاولة اجترار لأحزان الماضي
العمر قصير، و للحياة جوانب أخرى جميلة
لا يجب تضييع فرصة استغلالها :)
روز
اوافقك الرأى تماما بالرغم من نظرية كلماتك الا اننا يجب ان نحاول
تحياتى روزتى الجميلة
إرسال تعليق