السبت، 24 يناير 2009

انا قرفااااااااااااااااااااااااااااااااااااااااااااااانة من الدنيا واللى فيها
ومش عايزة حد يتعشم فيا ولا يعتمد على جدعنتى ولا يطلب منى حاجة
عايزة اتنفس شوية .... من غير خدمات ولا طلبات ولا مفروض ولا واجب ولا اصول
اوووووووووووووووووووووووووف

هناك 28 تعليقًا:

عاشقه الرومانسيه يقول...

من حقك تاخدى نفسك طبعا

بس انتى مش شايفه ان كلامك ممكن يزعل ناس منك
انتى انسانه طيبه واكيد جدعه قوى علشان كده الناس بتتعشم فيكى

احمدى ربك انك عندك ميزه حب الناس
دى نعمه

اللى بيحبك لازم يعزرك

ربنا يفك كربك يارب

تحياتى

فاتيما يقول...

خلاص يا دريم
نفضى للى مضايقك
و خدى الهدنة اللى إنتى محتاجها
أصل القدرة على العطاء دى عاوزة نفس
و نفس
خدى نفسك عشان تتفتح نفسك
و روقى يا حبيبتى

غير معرف يقول...

سلمتك....ربي وقلبي معاكي
عبدالله

Mafrousa يقول...

و مين سمعك
ساعات الواحد بيحس الاحساس ده و بيبقى جينفجر من الضيق

معلش هيه خنقة و حتروح ان شاء الله

هاني النجار يقول...

طيب ممكن ربع جنيه سلف؟

KHALED يقول...

أحيانا إللى حوالينا من كتر إعتمادهم علينا و تلبيتنا لإحتياجتهم بينسوا إن دة لطف مننا و أحيانا بيعتبروة حق مكتسب من الصعب التنازل عنة ....

بس انا عارف ياصاحبى إن قلبك كبير و بتستحمل علشان إللى موصلينلك الإحساس دة ممكن يكونوا أعز الناس .....

قوليلى بقة ألاقيش معاكى خمستلاف جنية سلف ..................

تامر علي يقول...

أحياناً باوصل للمود ده وده صعب جداً ... أحسن حاجه باعملها اني أروح الأرياف وأمشي وسط الزرع طول اليوم لحد ماحيلي يتهد وارجع أنام.... أو أروح لحد البحر وأفضل ماشي على الرمل جنب البحر لحد ما رجلي ماتشلنيش ..... وأظن إن في الحاتين صعب عليكي نظراً للارتباطات الأسرية .... بس ممكن تقولي لزوجك لو ماعملتليش حاجه من دول هادبحك وانت نايم أو هاخنقك بسلك المسجل ... ساعتها ممكن يعيد حساباته ...كان الله في عونك

Mony يقول...

سلامتك من القرف يا ختشي

بس مش معايا برضه ان الطلابات و العشم و الحاجات ديه بتلهي الواحد عن مصدر قرفه؟؟؟


بس يا ستي ولا يهمك

خدي وقتك و اتقرفي علي اقل من مهلك

بس ماتطوليش علشان نرجع نقرفك تاني

اوك

Mony يقول...

تصدقي


هتصدقي ان شاء الله

ما اخدتش بالي ان الحاج معلق هنا و الله


بس بقوله و النبي يا سي الحاج
لو الست بتاعتك عملت بالنصايح الحلوة ديه كان زمانها متعلقة من رجلها بسلك الراديو برضه
و السلك ده متوصل بالكهربا

شكله كده عايز يخلص منك ياختشي

سيبك منه

dreem يقول...

عاشقة الرومانسية
الحمد لله رب العالمين
تسلميلى يارب
تحياتى

dreem يقول...

فاتيما
ام يوسف الغالية

مش عارفة انفض يا بطة ولا حتى اخد هدنة بس هحاول اروق
تسلميلى يا حبيبة

dreem يقول...

عبد الله
ربنا يخليك بيدو ويارب تكون بخير

dreem يقول...

واحدة مفروسة
طالما ومين سمعنى يبقى تعالى اقعدى جنبى ههه
وعلى قولتك خنقة وتروح لحالها ان شاء الله
تحياتى

dreem يقول...

المهاجر
لا السلف تلف والرد خسارة
وفلوسى كووووولها بستثمرها فى البورصة المصرية
حمد الله على سلامتك يا راجل يا طيب

dreem يقول...

خالد
صح كلامك يا خوليو بس مش اعز الحبايب اللى موصلينلى لكده
ولا يا صاحبى ممكن اديلك 2000 جنيه بس 5 لا يا ناصح
تسلملى يا صاحبى

dreem يقول...

تامر على
حاااااااااااااااضر يا فندم هعمل اللى انت بتقول عليه بس من غير ما اقول
يعنى هستعمل سلك المسجل الاول وبعدين السكينة وهقول انت اللى قلتلى
ماشى يا شريكى ؟
تحياتى

dreem يقول...

مونى 1 و2
ماشى يختشى اقرفينى اصل المشرحة ناقصة قتلة
وما تقلقيش رديت عالحاج ودبسته فالجريمة
مش بيقولك من حفر حفرة لاخيه وقع واتدلق فيها ههههههه
نحنو النسوة يتفات لينا بلالالالالالالالاد
سلاموز مون وبوسيلى العيال يختشى

سحساوي يقول...

تقريبا جاهين كان عارفك في الرباعيات و قال عنك الآتي :
أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!

سلام ألف سلام

سحساوي يقول...

ز نقول من تاني و ما تفهمنيش غلط
قال عمنا جاهين إيه :
إقلع غماك يا تور وارفض تلف

إكسر تروس الساقية و اشتم وتف

قال : بس خطوة كمان .. وخطوة كمان

يا اوصل نهاية السكة ياالبير تجف

عجبي !!!

zainab يقول...

دريم

ليه كل كده

ع العموم ريلاكس و خدى نفسك كده

ربنا يفرج عنك

تحياتى

dreem يقول...

سحساوى
ماانت عارف انا وصلاح حبايب من زمن
ههههه
وحاااااااااضر يا حسين هحاول
تسلم يا صاحبى

dreem يقول...

زينب
ربنا يخليكى يا جميلة وحاضر هاخد نفسى وهاريلاكس ربنا يخليكى
تحياتى

mahasen saber يقول...

بس نظره فى وشك ملايكتك كفيله تمسح قرف الدنيا وزهقئها باستيكه
حتى لو ليهم عامل فى الزهق ده طبعا بمطالبهم يعنى

ربنا يباركلكم فى بعض يا دريم

mohamed ghalia يقول...

خدى نفسك وارجعى واحنا فى إنتظارك
دومتى بكل الود
دمتى فى سعادة

غير معرف يقول...

Tu me manques
اشتقت لك !:)
اتوحشتك" باللهجة المغربية

dreem يقول...

محاسن
حاااااااضر يا محاسن هبص اهه
تحياتى

dreem يقول...

محمد غالية
تسلم يا محمد ربنا يخليك ويبعد عنك كل سوء

dreem يقول...

روز
تصدقى انى حاسة اننا نعرف بعض من زمن !!
وانا كمان بتوحشك وmiss u too
دمتى بخير