ونغلوش بقى على الحالة المزاجية المتردية والمود الهباب ونقول اخر الاخبار
الامتحانات شغالة على قدم وساق .
فيه خطة موضوعة للسفر فى اجازة نص السنة بس ربنا يستر وما تحصلش كسور او حوادث .
بما انى بقيت عضمة كبيرة وصاحبة مرض وعندى دهون ثلاثية فمع الاسف بعمل رجيم قااااااااااسى جدا والحمد لله خسيت تقريبا جرام ونص ودعواتكم اوصل للنص كيلو اللى انا محتاجة انزله .
ماليش مزاج اعمل اى حاجة فأى حتة وما بقاش فاضل الا انى احلق شعرى ظلابطة عند الحلاقين اللى بيتمركزوا تحت الكبارى واهو يبقوا اخر نيولوك هعمله واخلص بقى .
بحاول ارجع لهوايتى الحبيبة ( القراءة ) واهو يادوب ابتديت اقرا كتاب الرجالة من المريخ والنساء من الزهرة واللى باين عليه حلو والمفروض الستات والرجالة يقروه وخصوصا المتجوزين واهو يمكن يتعدلوا مع بعض شوية ولو انى اعتقد انه مفيش فايدة
وعلاقة الراجل بالست بقت عالمة زى توم وجيرى!
فيه ايه تانى فاضل ... ايه تانى ؟؟
مفيش خلاص
فوتكم بعافية
هناك 24 تعليقًا:
ممكن تكلمينا عن أفضل جملة أو عبارة أو أي حاجة من الكتاب .
و ممكن تبعتيلنا اللنك أو اسم المكتبة اللي نلاقي فيها الكتاب عشان نشاركك في القراءة و نبدي آراءنا عن أفضل شيء قرأناه فيه و نتناقش
شكرا
سحساوي على طول
ايوة نسيت
تروحي و تيجي بالسلامة
لأ النيو لوكس مش بالظلبطة بالزلوزة
هههههههههههههههه
يع
رخمة جدا من قبل ما تقولي
هل تعلم ؟ أن الوزة هي البطة بس الشيطاان وزها
و الفرقف بين البطة و الوزة
1. الواو يع
2. ممكن أقول بطانية و ما فيش وزانية
3. في بطاطس ما فيش وازازس يع يعي يع
4.ممكن نقول بنطلون مش وزة لون
أخيرا
ماحدش يشتم و لا يضرب
سلام
الله يعافيكي
بس حكاية الزلبطة ديه كويسة مش وحشة
اهو تغيير
خصوصا بعد الاحداث اللى حاصله اليومين دول الواحد ما فضلش قى راسة غير كام شعرايه ساترين الواحد
يالله المهم من ده كله النص كيلو
اصل ده كتير اويييييييييييي
ربنا يعينك
و لو نجحتى فى عمل الرجيم
ابقى اديهوني
اختك عاوزة تنزل 50
سلام
ياااامسهل
خدي بالك بأه من نفسك اليومين دول علشان ماتخيبيش امل البنات
اما بخصوص الكتاب فأن قرأته
بس رأيي ان برضه العلاقة بين الراجل و الست هتفضل زي العلاقة بين توم و جيري
حتي لو كل واحد فيهم اتجوز من الكوكب بتاعه
بررررضه
اصل ده كييييف مزاك يعني
بقولك ايه انا مش هخش تاني عندك اليومين دول لحسن شكلي اتعديت منك
و النور قطع عندي جوة و مش لاقية حاجة انوربيها بره خااااااالص
سحساوى
انا يادوب بقرا فيه يا سحس واللينك بصراحة دوخت على ما عرفت اطلعه من عالنت واكيد اكيد مش هفتكره بس اللى يدور يلاقى بس اوعدك اول ما اقراه هكتب عنه ونبقى نتناقش يا صاحبى ماهى مش جديدة علينا
دمت بخير
سحساوى
ماشى يا خفة يا زلوزة هههههههه
واحدة مفروسة
تفتكرى ؟؟ يعنى اقدم على الفكرة دى وما اقلقش ؟
عامة هجرب وربنا يستر بقى هههههه
اما بقى يا اوختشى على الروجيم والنص كيلو متر اللى عايزة انزلهم
اوعدك اول ما اوصل لنتيجة اقولك انا عملت ايه
تحياتى
مونى
هحاول يا شابة
وبعدين تعالى هنا وبطلى تقرعى عليا
اللى عندى ما بيعديش ياختشى انتى بس اللى سوسة وبتحسى اعملك ايه ؟؟
هنتكلم بعدين بس روقى هه
حضن كبيييييييييير
يعافيكى
يا ست دريم
آه
معاكى قوى فى حكاية إن مفيش فايدة دى
و أجازة سعيدة بإذن الله
و سلامتك ألف سلامة
فاتيما
ازيك حبيبتى عاملة ايه ؟؟
وربنا يخليكى ويهنيكى ويراضيكى
حضن كبيييييييييييير
ربنا يوفقك في الامتحانات والريجيم القاسي وتخسي نص جرام الباقيين وهجرب الكتاب الي قولتي عليه مع اني مش من هواه القرايه قوي يعني بس هحاول لاني سمعت عنه قبل كده وعرفت انه كويس
زاكري كويس وماتكليش كتير
الله يعافيكى
لما تخلصى الكتاب ابعتهولى ههههههههه
وربنا يوفقلك الانانيس فى الامتحانات
وينجح موضوع السفر فى نص السنه
والاهم توصلى للنص كيلو المرجو
ههههههههه
دى اول زياره لمدونتك الجميله
واضح انك دمك خفيف
ربنا يبارك لك
اجازه سعيده
تحياتى
حاسوباتية
ربنا يخليكى يا جميل بس انتى فيه حاجة فهماها غلط !
اللى بيمتحن واللى بيذاكر بناتى مش انا
انا باكل بس هههههههه
واقرى الكتاب هيعجبك
تحياتى
8888888888888888888888888
محاسن
الكتاب يا اوختشى حملته من عالنت ما ينفعش اديهولك بس وماله اشتريلك واحد مخصوص انتى بس تأمرى
والانانيس كويسين يا محاسن الحمد لله
تحياتى
88888888888888888888888888
عاشقة الرومانسية
انتى نورتينى يا جميل
واحتمال دمى خفيف علشان بشرب مية كتير هههههه
الا قوليلى : انتى فعلا عاشقة للرومانسية ؟؟
لو كنتى كده يا اوختشى ابقى خلى بالك من قلبك
شرفتينى وتحياتى
اولا انتي وحشاني قوي ثانيا الكتاب ده فعلا تحفة تحفة من انجح الكتب الي اتكلمت عن العلاقة بين ادم وحواء وربنا يعينك على موسم الامتحانات يارب وكل سنة وانتي بالف خير
قلب ينبض بالحب
انا وحشتك يا زهايمر هههههههه
ربنا يخليكى يا قمر
وكل سنة وانتى طيبة يا اوختشى
سلاموز
شارك معنا في حوارنا
غزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية
مافيش فايدة
afew good men
مفيش فايدة بين الراجل والست ولا مفيش فايدة دى رد على تعليقى ليك ؟ !!
خليها على الله
تحياتى
انا واخد بالي جدا
بس انا بحاول افكر زي البشر التانية احيانا
لا مش تخافي انا مش بلاقي نفسي غير وانا بعيد عن الحب
يارب مش تكوني زعلتي
ههههههههههههه
afew good men
هييييييييه
انا مش زعلت ميرسى والله بجد وربنا يخليك
ويارب دايما تلاقى نفسك ههههههههه
كل التحية والدعاء
دائما خفيفة الدم فى كل حكاياتك .. ربنا يوعدك باجازة سعيدة مع كل اللى بتحبيهم .. وبدون خسائر ان شاء الله
شريف
ربنا يجبر بخاطرك
ثم ما هو لازم كده ولا هنفضل مقضينها نكد على طول يعنى
تسلم ياشريف وربنا يخليك ويخليلك كل اللى بتحبهم
كل التحية
إرسال تعليق