الثلاثاء، 10 يونيو 2008

لسة

لسة الانوسة الكبيرة ما خلصتش الامتحان وانا زهقااااااااااااااااااااااااااااااااانة وسلمت النمر ومش قادرة استحمل حتى نفسى ادعولى بقى تخلص قبل ما افرقع
ملل وزهق وحر ومسئولية وتوتر وقرف .. عيشة تقرف
الايام بطيئة وكلها شبه بعضها وان اتغيرت بتتغير بس للاسوأ
حاجة ما يعلم بيها الا ربنا
يوم الجمعة عيد ميلادى .. عدى العمر بسرعة بالرغم من الملل وتكرار الايام واعلنت اشارات ضبط الوقت اننى سأصبح فى الثامنة والثلاتين !! وضاع العمر يا ولدى
عايشة انا بقالى كتير وبصراحة زهقت وقرفت ومليت
ياللا بقى سمعونى عدت يا يوم مولدى
سلاموز

هناك 6 تعليقات:

KHALED يقول...

يا باشا دة أحلى عمر الواحد بيعيشة
العمر إللى موش عاجبك دة ..
بيبقى الواحد خلاص فهم إللى فيها و مش لسة بيدور .. وبيكون عارف هوا عايز اية .. بس الموضوع محتاج شوية تكتيك على صبر على حبشتكانات وماتسألنيش يعنى أية حبشتكانات علشان ماعرفش ..
عموما كل عام وإنتى بخير ..
وماقلتيلناش نبعت الهدايا والجاتوة على فين ..؟؟

تقبلى تحياتى

dreem يقول...

خالد
ربنا يخليك وانت طيب اما عن الهدايا بقى فمفيش مانع اخد حقها واهى تبقى مصلحة برضه ههههههههههههه
اشكرك يا خالد

dreem يقول...

استدراك لخالد
انا اعرف معنى حبشتكانات على فكرة بس مش هقولك هههههههههههههه
سلاموز

عمو يقول...

هههههههههه
اناطبعا مش بضحك على اللى انتى كاتباه
انا بضحك على التعليقات

كل سنة وانتى طيبة يا دريم
متأخر طبعا
وأسف
بس غصبن عنى

مش بالحق اتابع

كل سنة وانتى طيبة
كل سن ولة حلاوتة ، طب أقولك اسألى ماما ( بتاعتك طبعا )
38 سن جميل
قومى بصى فى المرايا ، شوفى اللى اتغير واية الحلو اللى فية .
و أنتى قاعدة بصى فى المراية التانيه
وشوفى كويس ، بصى تانى
اكيد فيه حاجات حلوة كتير

وبصراحة مش عندى الأغنية دى
هو برنامج ما يطلبه المستمعون ؟
عندى أغنية تانيه هتسمعيها بالعافية
هههههههههههه
أفتكرت فريد شوقى وهو بيغنى بالعافية ، والناس تعبانة من صوتة قوى ، وهو كل ما واحد يعترص يقوله " اقعد "
هههههه

يالا حالا بالا بالا ......

:)

كل سنة وأنتى طيبة
وربنا يخليكى لبناتك

دمت ِ بصحة وسعادة

KHALED يقول...

أستدراك ..
يعنى أية حبشتكانات تصدقى أنا عمرى ما فكرت فيها بس بيتهايألى أن معناها تحابيش .. أو ......
بقولك أية ..
قوليهالى أنتى

dreem يقول...

عمو العزيز
كل سنة وانت اللى طيب يا فندم وانا اللى بعتذر على التأخير فى الرد اصلى جيت عند الماما وابتديت اتنفس والماما ما عندهاش نت بس جارى العمل على حل هذه المشكلة
وعامة انا قعدت وسمعت ياللا حالا بالا بالا وكمان بطلوا ده واسمعوا ده
ربنا يخليك يا عمو ولا حرمنا من تشريفك
تقبل تحياتى
**************************

خالد
برضه مش هقولك يعنى ايه حبشتكانات وارجع لمعجم الشباب ههههههههه