انا محتاجة اتغير
اه عجبانى زى ما انا بعيوبى اكتر من مميزاتى بس موجوعة اوى وبقت حاسة انى غلط ومش هقدر اتحمل !
مش معنى انى بتعامل وبتكلم بصراحة ومفيش فحياتى ما اخفيه او اخشاه انى اكون ملطشة وكل حد يدلى بدلوه فىما يخص حياتى وقراراتى
عندى شوية عقد وكلاكيع بس بجيد التعامل معاها الا اذا حصل اللى يخليهم يقبوا عالسطح , وده اللى حاصل دلوقتى
شريط سخيف اتكرررررر جوة دماغى مخلينى مصدعة ومقريفة وزهقانة ومش عارفة اتعامل مع حد قريب منى جدا ,,,, فقدت ثقتى فيه وكارهاه وعايزة اقوله كلام كتير يوجع بس مش قادرة لانه ما ينفعش !
فيه حد بحبه اوى وعايزة اكون معاه طول الوقت بس احيانا بحس انه كتير انانى ومش باصص الا فى مرايته وبس , ولما بحطنى مكانه بلاقيه عنده حق ومعزور !
بحس احيانا ان بناتى يتمتعوا بكم هائل من الانانية وانهم اشترونى من سوق النخاسة وبقيت ملك خالص ليهم وليهم بس ,, اه ساعات بعزو ده لحبهم الشديد ليا بس برجع واقول ان حتى الحب لازم يكون فيه مساحة من الحرية .
ليه البنى ادم ما بيعرفش قيمة الحاجة الا لما تضيع منه ؟
ليه لازم اوجع علشان افهم حد بأنه وجعنى ؟
ليه الدنيا ماتكونش سلسة ومش مكلكعة واللى عايز يعمل حاجة يعملها طالما حقه ومش عيب ولا حرام ؟
ليه لازم نعافر ونشغل دماغنا ونتلون ونتلوى علشان نوصل للى عايزينه ؟
لبست وش التمرد وابتدا يلبسنى , وعاجبنى بس خايفة منه وانا ما بحبش الخوف .
انا منهكة نفسيا
هناك 4 تعليقات:
منهكة نفسيا
يااااه كلمة جواها كتير
كتير بحسها
مش عارفة بصراحة حلها ايه
ms venus
لما تعرفى ياريت تقوليلى
اعتقد ان الانهاك النفسى محتاج شوية وحدة وورقة وقلم وشوية فضفضة بس مش عالسريع ههه
بس ما اوعدكيش انها هتريح لان احيانا الفضفضة بتخلينا نحط اللى واجعنا قدام عنينا فنتوجع اكتر !
تحيتى فينوس وسلامتك من الانهاك النفسى
كلمتك دى جميله اوى ومعبره اوى وفيهاحاجات مابين السطور اكتر اجه بجد عجبتنى لما حطيتى نفسك مكان الحد الى بتقولى نفسى اكون معاه وعذرتيه دى بيتهالى بيخفف الالم.... كلامك بيوضح حاجات كتير فى حياتى انا مجيش غى عمر ابنك الصغير تقريبا بس حاله واحده
غير معروف
الف سلامة عليك ماللى انا كنت حاسة بيه ولما انت من عمر ابنى زى ما بتقول مع انى الحمد لله عندى بنتين هههه ايه اللى موصلك للحالة دى ؟
افصح ابن وسرك فبير
ربنا يفك كربك ويزيح همك
تحيتى
إرسال تعليق