الخميس، 29 أكتوبر 2009

اااااااااااه يا ايدى


اليوم ابتدا حلو الحمد لله ,, رحنا المدرسة انا وايمان واميرة وامى ربنا يخليهالنا يارب وحضرنا الطابور وتلاه التكريم والحمد لله ملء السماوات وارض وما بينهما .
رجعنا وفطرنا ودخلنا نمنا واميرة فالمدرسة وماشى اليوم عادى خالص ..
صحينا وابتديت اعمل الغدا والذى منه وقلت بالمرة اغير نظام الليفنج لحسن دا بقاله اسبوع وانا مهبوشة وبزهق ,, وقد كان .
دخلت اخدت حمام وقاعدة مستكنيصة بتفرج عالتى فى وكله فالتماموز .. جالى مزاج اشرب نسكافيه ,, قلت قومى يا بت دلعى نفسك واشربى بمزاج وانت بتتصفحى النت ودخلت المطبخ وشغلت البويلر ومسكت الماج بايدى الشمال والبويلر فى ايدى اليمن وبصب المية وهوبا اتقلبت المية كلها على ايدى واتحرقت !!
اااااااااااااه يا ايدى ربنا ما يوريكم وربنا يجيرنا من النار ومن عذاب النار .

فوتكم بعافية

هناك 13 تعليقًا:

فاتيما يقول...

الف سلامة عليكى يا دريم
معلش لازم يحصل حاجة كدا
المهم ايدك كويسة و المسالة اتلمت
سلامتك الف سلامة يا حبيبتى

أميرة يقول...

لا حول ولا قوة الا بالله العلي العظيم

شفاكي الله وعافاكي

الف سلامة عليكي

معلش .. ممكن تكون العين جت فيكي انتي .. قدر الله وما شاء فعل

بس ممكن تقرأي في اركان البيت أية الكرسي و سورة البقرة كل يوم لو تقدري
ربنا يحفظكم ويكفيكم كل سوء

shahy يقول...

الحمد لله انها جت على اد كدة
الف سلامة عليكي وعلى ايدك
والف مبروك لبنتك قصدي لأختك الصغنونة

سلام ياقمر

أبو كريم يقول...

ألف سلامة على إيدك
وحاسبى على نفسك المرة الجاية
شوفتى بقى النسكافية مضر إزاى

سلام

Mina يقول...

تصدقي ده نفس اللي حصل معايا امبارح بالظبط
بالظببببببببط
مع اختلاف صغنتوت خالص
اني كنت ماسك البويلر بايدي اليمين والمج بايدي الشمال
قوم ايييييييييه
لقيت علي ايدي الشمال شاي ناشف فقت انزله بالماياه
وهب رحت فاتح البويلر علي الشاي الناشف
اللي هو يعني كان علي ايدي
طبعا تلاقيكي بتقولي اني استاهل
ماهو معاكي حق
يغوووووور العيل الغبي

همس الاحباب يقول...

لا الف سلامة
والحمد لله انها جاءت على كده
ولا حول ولا قوة الا بالله العلى العظيم
وبعدين ما بلاش نسكافيه ماله الشاى
عجايب
ههههههههه

خواطر شابة يقول...

سلامتك فعند القدر يعمى البصر
قدر الله وماشاء فعل
مع تحياتي

dreem يقول...

فاتيما
الله يسلمك يا بطة والحمد لله
احبك بطوط

---------------

أليس
ربنا يخليكى اليس .. والحمد لله على كل الاحوال.
والله يا بنتى وانا خارجة مالبيت قلت للبنات يقروها وانا كمان قريتهالهم
بس اقولك ايه الحمد لله على كل الاحوال.
تسلميلى اليس

------------

شاهى
ازيك ؟
اه طبعا الحمد لله ,, والله يسلمك ويبارك فيكى وفيم رزقك وبعدين يا بنت دى بنتى مش اختى وافخر واتفشخر هههههههههههه
سلام يا مزة

---------------

أبو كريم
الله يسلمك يارب .. ربنا يخليك وحاااااضر هحاسب ولو ان ايدى الشمال دى تحديدا حسابها تقل عليا اوى .. الحمد لله . وتصدق ما كنش واخدة بالى من مضار النسكافيه هههه
تحياتى

------------

منامينو
اهلا اهلا يا مرحبا
انا مش شايفة ان فيه اختلاف خاااااااالص لانى كنت ماسكة الماج بايدى الشمال والبويلر بايدى اليمين برضه هههههههه بس يمكن الفرق الوحيد انى كنت بعمل نسكافيه مش شاى ! ثم دى مش غباوة خااااااالص اطلاقاااااااااا
دى تقريبا تناحة .. كنت متنح فى حاجة وسرحان عبد النصير
نورتنى وسلامة ايدك

dreem يقول...

همس الاحباب
الحمد لله خالد واله يسلمك يارب وعجايب فعلا كان ماله الشاى ؟؟ أكونش منحرفة ههههههههه قطيعة تقطع الشاى عالنسكافيه عالبويلر كان ماله البراد بتاع زمان يا عم
نورتنى يا خالد وتسلم من كل شر

------------------

خواطر شابة
الله يسلمك وفعلا قدر الله وما شاء فعل والحمد لله على كل الاحوال .
شرفت بالزيارة
تحياتى

غير معرف يقول...

ربنا يشفيكى ويعافيكى

اجر وعافيه

وبجد خافى قوى من العين والحمد للهانها جت لعى قد كده
ربنا يحفك واولادك يارب
جيجي والعالم

donya يقول...

مساء الخير
اول زياره هنا
المدونه جميله فعلا

الف الف سلامه عليكي
ان شاء الله تخفي وكله يبقي تمام


بس ماعرفتش النيسكافيه نوعه ايه
هههههه
ياريت تغيريه علشان هو السبب
تحياتي

Cute Kitty **sookra يقول...

الف سلامه على ايديكى ياقمر
بس ياترى عملتى النسكافيه ولا لا؟
هههههههههههه
سلامتك بجد
انا مجربه الحروق دى بتبقى صعبه اوى
تقبلى مرورى

dreem يقول...

جيجى والعالم
اهلا بيكى والحمد لله على كل الاحوال .
بالرغم من ايمانى بالحسد الا انى مؤمنة بأنه لن يضيبنا الا ما كتب الله ربنا .
ربك ستار
نورتينى وربنا يخليكى يارب


-----------------

دنيا
يارب ما تكونش الزيارة الاخيرة وعامى انتى نورتينى وشرفتينى بتعليقك والله يسلمك .
وتصدقى فعلا النسكافيه ده جديد من امريكا ,, انا بشرب دايما نسكافيه بالموكا !!
يكونش التغيير هو اللى عمل كده هههههههه
تقبلى تحياتى

---------------

ساسو
بصراحة انا جريت عالحمام وحطيت ايدى تحت الحنفية .. اصل بنتى المثقفة قالتلى ان الحروق من الدرجة الاولى بتتعالج بالمية الساقعة ولما تعبت من الواقفة فالحمام جابولى بناتى طبق فيه ميه ساقعة وحطيت ايدى فيه والحمد لله جت سليمة ,, بس فالنهاية اميرة عملتلى نسكافيه ما يتشربش بس شربته مضطرة هههههههه
نورتينى وابقى تعالى كتير - وش بيغمز