تغيرت كثيرا انا عبر السنين ..
تخليت متعمدة عن ضعفى ودموعى وطيبة قلبى التى طالما سببت لى الكثير من الشقاء !
تنازلت بارادتى عن خفة ظلى واحللت مكانها .. الجدية ,, العقلانية
واريت مشاعرى والتى كنت اجعلها دوما فى الصدارة
أراضية انا عما أصبحت عليه ؟؟
لست أدرى !
هناك 11 تعليقًا:
البوست دا يجنن بجد
ودى الحالة اللى حسيت انى اصبحت فيها
وفعلا مش عارفه ممكن ترضي ولا لأ
على فكرة في الكومنت على البوست اللى فات قلتي لى انك مش معايا في انى ااعى حقي اولا
وانا مش قصدت انى اكون انانية او اتجاهل حقوق الاخرين
اللى قصدته انى فعلا كتير بتنازل عن خقوقنا لحد ما نحس اننا غير قادرين على اعطاء حقوق الناس
لان فاقد الشئ لا يعطيه
انا قصدت انى اخد حقي من الفرحة والتعبير عن المشاعر وحتى الحزن
علشان اعرف اراعى حقوق الغير
مش عارفه قدرت اوصل لك وجهة نطرى ولا
وانا معاكى جدا في موضوع جبهة ضد القزقزة واللبان
رغيت كتير اوى وشكلى بئا وحش اوى
ريم
انتى اللى تجننى ياختشى
وجهة نظرك وصلت.. عايزة تقولى ان التعبان مش هيعرف يريح حد .
شوفى : انا كنت غبية زمان وبدور على راحتى وسعادتى فى راحة وسعادة المحيطين ومش مهم اكون تعبانة ولا لا ومع الاسف بقت دى عادة عندى ومش عارفة لا اغيرها ولا ابطلها ..
يمكن العيب اللى موجود انك احيانا تفضلى تدى تدى تدى وتفتحى ايدك تلاقيها فاضية وبالرغم من كل اللى انتى اديتيه ومش بتكلم عن الماديات
ايييييييييه ما علينا بقى انا اللى رغيت .. مش انتى
ابقى ارغى زى مانتى عايزة يا اوختشى ولا يهمك
اتنازلتى عن خفة دمك ؟؟
يالهوووى اومال لو كنتى مش اتنازلتى كنتى هتبقى ازاى ؟؟
اوعى تصدقى انك اتغيرتى
كل الحكاية ان الواحد مش بيكون على طبيعته مع كل الناس
و ده الصح
لازم نحافظ على قلوبنا علشان متتحولش من كتر القسوة لحجر
انا شايفاكى طيبة و زى السكر ..تفتكرى كده تبقى اتغيرتى ؟؟
والله اتى عسل بجد
وفهمتى اللى اقصده تماما
وانا فاهمة كويس انك مش قصدتى الماديات خالص هو فعلا انا كمان كنت كدا ولسا بردو كدا
بدى وادي وانسى نفسي لحد ما حسيت ان نفسي زعلانة منى اوى ولحد دلوقتى مش عارفه اصالحها
معلش بئا وجعت دماغك بس اعمل ايه هى دى وسيلة التواصل الوحيد بينا وانتى دماغك بتعجبنى وبحب اتناقش معاكى
وربنا يخليكى ياقمر على ذوقك
كتير جدا بنختلف مع نفسنا ونفكر اد ايه احنا لازم نستغني عن حجات لا يمكن اصلا الاستغناء عنها فهي جزء من تكويننا
وجميل ان حضرتك مسكتي القلم وبدأتي في تدوين أحاسيس صدرت من داخلك
بس لازم بعد كده تقريها كويس عشان هتعرفي انها كانت مجرد احاسيس وقتيه تنتيهي بأنتهاء الموقف اللي كتب فيه ... وتعودي كما كنتي في عالمك
قوس قزح
ماهو انتى يا دودو ما قابلتنيش من 3 سنين ... اعتقد كنت هتقابلى حد تانى خاااااالص !
واللازم والاوعى اللى انتى بتقوليه يا دودو مش بالمزاج دى حاجات بتحصل لوحدها
ألا انتى ازيك يا مزة ؟
وحشتينى
----------------------
رييم
ماتزعليش يا ريمو وصالحي نفسك يا حبيبتى .. بكرة ربنا هيعوضك فى حاجات كتييييييييييرة اوى ماهو : خير مخلف معوض
روقى يا لوزة
--------------------
سامح عزت
تفتكر ؟
انا ما افتكرش بصراحة
نورتنى
كانك اتكلمتى عنى
والى متى التنازل
كثرة العطاء بغير مقابل يؤدى للتبدل فى الحال و الأحوال ..
مش باقصد هنا العطاء المادى و لكن العطاء المعنوى اللى لا مقابل مادى يعادله او حتى يقاربه ..
و الله جميل اٍن الاٍنسان تكون عنده القدره على متابعة متغيراته النفسيه و رصدها و ده لا يتاح للكثيرين و فى رأيى أنه بدايه للتوافق و المصالحه مع النفس ..
بوست قوى و قرأته أكثر من مره ..
تقبلى تحياتى و تقديرى ..
جيجى
دا يعتمد على قدرتك ومخزونك النفسى
نورتينى
عمرو
لغاية تعليقاتك وما اعرفش رد يا عمرو .. لانك فالغالب بتحس باللى اقصده
اسعدتنى بمرورك الكريم واسعدتنى جدا بتعليقك
أحلى حاجة الميكس بين العقلانية والعواطف ولو أني بفضل أن العقل يبقى له الأولوية
تحياتي
إرسال تعليق